醫學教育部

醫護客語 / 1.批價/掛號

1 初診現場掛號對話一

【四縣】

【海陸】

1. 早安。有什麼是需要我服務的嗎？

（阿伯公/阿伯婆、阿叔/阿叔姆、×先生/×小姐…）恁早。有麼个愛服務个無？

【四縣】 （aˊ bagˋ gungˊ/ aˊ bagˋ poˇ、aˊ sugˋ/ aˊ sugˋ meˊ、meuˊmeuˊ xinˊ sangˊ/meuˊ meuˊ seuˋ jiˋ…）anˋ zoˋ。 iuˊ maˋ ga oi ngaiˇ fug vu gie（〜e）moˇ？

【海陸】 （a＋ bag gungˋ/ a＋ bagˋ poˇ、a＋ sug/ a＋ shug meˋ、 meuˋ meuˋ sinˋ sangˋ/meuˋ meuˋ siauˊ ziˊ…）anˊ zoˊ。 rhiuˋ maˊ gaiˇ oiˇ ngai fugˋ muˇ（vuˇ）gaiˇ mo？

2. 早安，我要掛號。

恁早，想愛掛號。

【四縣】 anˋ zoˋ，ngaiˇ xiongˋ oi gua ho。

【海陸】 anˊ zoˊ，ngai siongˊ oiˇ guaˇ ho＋。

3. 你是初診嗎？

你係頭一擺來這分醫生(先生)看無？

【四縣】 ngˇ he teuˇ idˋ baiˋ loiˇ iaˋ bunˊ xinˊ sangˊ（iˊ senˊ）kon moˇ？

【海陸】 ngi heˇ teu rhid baiˊ loi liaˊ bunˋ sinˋ sangˋ（rhiˋ senˋ）konˇ mo？

4. 是的

係。

【四縣】 he。

【海陸】 heˇ。

5. 請填寫這張表格。

請你先寫這張資料（表格）。

【四縣】 qiangˋ ngˇ xienˊ xiaˋ iaˋ zongˊ ziiˊ liau（beuˋ gagˋ）。

【海陸】 ciangˊ ngi senˋ siaˊ liaˊ zhongˋ ziiˋ liau＋（biauˊ gag）。

6. 謝謝您。

好，恁仔細。

【四縣】 hoˋ，anˋ ziiˋ se。

【海陸】 hoˊ，shin mung ngi（承蒙你）。

7. 你要看哪一科呢?

你愛看哪科呢？

【四縣】 ngˇ oi kon nai koˊ noˋ？

【海陸】 ngi oiˇ konˇ nai＋ koˋ noˇ？

10. 皮膚科

皮膚科。

【四縣】 piˇ fuˊ koˊ。

【海陸】 pi fuˋ koˋ。

11. 你有指定醫生嗎?

你有（愛）指定先生無？

【四縣】 ngˇ iuˊ（oi） ziiˋ tin xinˊ sangˊ moˇ？

【海陸】 ngi rhiuˋ（oiˇ）zhiˊ tin＋ sinˋ sangˋ mo？

12. 有,王醫師。

有喔，ngaiˇ想愛分王先生看。

【四縣】 iuˊ oˇ，ngaiˇ xiongˋ oi bunˊ vongˇ xinˊ sangˊ kon。

【海陸】 rhiuˋ oˇ，ngai siongˊ oiˇ bunˋ vong sinˋ sangˋ konˇ。

13. 麻煩請您出示健保IC卡和繳交二百元。

麻煩健保IC卡分ngaiˇ，還過繳二百個銀。

【四縣】 maˇ fanˇ kien boˋ IC kaˋ bunˊ ngaiˇ， hanˇ go gieuˋ liongˋ bagˋ gie（〜ge/e）ngiunˇ。

【海陸】 ma fan kien＋ boˊ IC kaˊ bunˋ ngai， han goˇ giauˊ liongˊ bag gaiˇ ngiunˇ。

14. 這是你的掛號單。

這係若掛號單。

【四縣】 iaˋ he ngiaˊ gua ho danˊ。

【海陸】 liaˊ heˇ ngi gaiˇ（你个）gua ho＋ danˋ。

15. 請在213室前面等。

請在213室頭前等。

【四縣】 qiangˋ di ngi idˋ samˊ siidˋ teuˇ qienˇ denˋ。

【海陸】 ciangˊ diˇ ngi＋ rhid samˋ shid teu cien denˊ。

 

2 初診掛號對話二

【四縣】

【海陸】

16. 請問您有到過我們醫院嗎?

請問您識來這間醫院分醫生看無？

【四縣】 qiangˋ mun ngˇ siidˋ loiˇ iaˋ gienˊ iˊ ien bunˊ xinˊ sangˊ kon moˇ？

【海陸】 ciangˊ munˇ ngi shid loi liaˊ gienˋ rhiˋ rhanˇ bunˋ sinˋ sangˋ konˇ mo？

17. 沒有。

無呢。 / 吂識。

【四縣】 mangˇ siidˋ（moˇ neˋ）。

【海陸】 mang shid（mo leˇ）。

18. 請您先至服務臺填寫初診單，填妥後連同身分證及健保IC卡一起交給我。

請你先去服務臺寫初診單，寫好吔同（將）身分證摎健保IC卡共下拿分ngaiˇ。

【四縣】 qiangˋ ngˇ xienˊ hi fug vu toiˇ xiaˋ cuˊ ziinˊ danˊ， xiaˋ hoˋ eˇ tungˇ（jiongˊ）siinˊ fun ziin lauˊ kien boˋ IC kaˋ kiung ha naˊ bunˊ ngaiˇ。

【海陸】 ciangˊ ngi senˋ hiˇ fugˋ muˇ（vuˇ） toi siaˊ cuˋ zhinˊ danˋ， siaˊ hoˊ leˇ lauˋ（摎）shinˋ fun＋ zhin＋ han goˇ（還過） kien＋ boˊ IC kaˊ kiung＋ ha＋ naˋ bunˋ ngai。

19. 請問您要掛哪一科?有沒有指定醫師呢?

請問你愛掛哪科？有指定先生無呢？

【四縣】 qiangˋ mun ngˇ oi gua nai koˊ？ iuˊ ziiˋ tin xinˊ sangˊ moˇ noˋ？

【海陸】 ciangˊ munˇ ngi oiˇ gua nai＋ koˋ？ rhiuˋ zhiˊ tin＋ sinˋ sangˋ mo noˇ？

20. 內科，○○○醫師

內科，○○○醫師。

【四縣】 nui koˊ，meuˊ meuˊ xinˊ sangˊ。

【海陸】 nui＋ koˋ，meuˋ meuˋ sinˋ sangˋ。

21. 好的。您掛的是321診31號，先收您掛號費100元。請沿著這條通道走到底左轉，到小兒科診區220診前櫃台前量身高、體重。

好。你掛个係321診31號，愛先同你收掛號費100個銀。請順等這條行廊行到底向左斡（斡轉左片），到小兒科診區220診頭前个櫃台前，量身高、體重。

【四縣】 hoˋ。ngˇ gua gie（〜e）he samˊ ngi idˋ ziinˊ samˊ siib idˋ ho， oi xienˊ tungˇ ngˇ suˊ gua ho fi idˋ bagˋ gie（〜ge/e）ngiunˇ。 qiangˋ sun denˋ iaˋ tiauˇ hangˇ longˇ hangˇ do daiˋ hiong zoˋ vadˋ（vadˋ zonˋ zoˋ pienˋ）， do seuˋ iˇ koˊ ziinˊ kiˊ ngi ngi langˇ ziinˊ teuˇ qienˇ gie（〜ne）kui toiˇ qienˇ，liongˇ siinˊgoˊ、tiˋ cungˊ。

【海陸】 hoˊ。ngi guaˇ gaiˇ heˇ samˋ ngi＋ rhid zhinˊ samˋ shibˋ rhid ho＋， oiˇ senˋ lauˋ（摎）ngi shiuˋ guaˇ ho＋ fuiˇ rhid bag gaiˇ ngiun。 ciangˊ shun＋ denˊ liaˊ tiau hang long hang doˇ daiˊ hiong zoˊ vad（vad zhonˊ zoˊ pienˊ）， doˇ siauˊ rhi koˋ zhinˊ kiˋ ngi＋ ngi＋ lang zhinˊ teu cien gaiˇ kuiˇ toi cien， liong shinˋ goˋ、tiˊ chungˋ。

22. 請帶著病歷並交給診間小姐，謝謝。

請帶等病歷去，交分門診間个細阿姐仔，恁仔細。

【四縣】 qiangˋ dai denˋ piang lid hi， gauˊ bunˊ munˇ ziinˊ gienˊ gie（〜ne）se aˊ jiˋ eˇ（〜ieˇ）， anˋ ziiˋ se。

【海陸】 ciangˊ daiˇ denˊ piang＋ lidˋ hiˇ， gauˋ bunˋ mun zhinˊ gienˋ gaiˇ seˇ a＋ ze， shin mung ngi（承蒙你）。

 

3 預約掛號對話一

【四縣】

【海陸】

23. 早安。有什麼事需要我服務的嗎？

(阿伯公/阿伯婆、阿叔/阿叔姆、×先生/×小姐…)恁會早。 有麼个愛ngaiˇ服務个無？

【四縣】 （aˊ bagˋ gungˊ/aˊ bagˋ poˇ、aˊ sugˋ/aˊ sugˋ meˊ、 meuˊ meuˊ xinˊ sangˊ/meuˊ meuˊ seuˋ jiˋ…）anˋ voi zoˋ。 iuˊ maˋ ga oi ngaiˇ fug vu gie（〜e）moˇ？

【海陸】 （a＋ bag gungˋ/a＋ bag po、a＋ shug/a＋ shug meˋ、 meuˋ meuˋ sinˋ sangˋ/meuˋ meuˋ siauˊ ziˊ…）anˊ voi＋ zoˊ。 rhiuˋ maˊ gaiˇ oiˇ ngai fugˋ muˇ（vuˇ）gaiˇ mo？

24.是的，我要預約掛號。

係喲，ngaiˇ想愛預約（先）掛號。

【四縣】 he ioˇ，ngaiˇ xiongˋ oi i iogˋ（xienˊ）gua ho。

【海陸】 heˇ io，ngai siongˊ oiˇ rhiˇ rhog（senˋ）guaˇ ho＋。

25. 好的.你曾經來過我們醫院嗎?

好。您識來這間醫院分醫生看無？

【四縣】 hoˋ。ngˇ siidˋ loiˇ iaˋ gienˊ iˊ ien bunˊ xinˊ sangˊ kon moˇ？

【海陸】 hoˊ。ngi shid loi liaˊ gienˋ rhiˋ rhanˇ bunˋ sinˋ sangˋ konˇ mo？

26. 是的。

識啊。

【四縣】 siidˋ a（〜la）。

【海陸】 shid a＋（〜la＋）。

27. 請告訴我你的病歷號/身分證字號/姓名/護照號碼?

請同ngaiˇ講若病歷號碼、身分證字號，無就護照號碼？

【四縣】 qiangˋ tungˇ ngaiˇ gongˋ ngiaˊ piang lid ho maˊ、 siinˊ fun ziin sii ho，moˇ qiu fu zeu ho maˊ？

【海陸】 ciangˊ lauˋ（摎）ngai gongˊ ngi gaiˇ（你个）piang＋ lidˋ ho＋ maˋ、 shinˋ fun＋ zhinˇ sii＋ ho＋，moˇ ciu＋ fu＋ zhauˇ ho＋ maˋ？

28. 3256987

3256987

【四縣】 samˊ ngi ngˋ liugˋ giuˋ badˋ qidˋ

【海陸】 samˋ ngi＋ ngˊ liug giuˊ bad cid

29. 你要看哪一科呢?

你愛看哪科呢？

【四縣】 ngˇ oi kon nai koˊ noˋ？

【海陸】 ngi oiˇ konˇ nai＋ koˋ noˇ？

30. 泌尿科

泌尿科

【四縣】 bi ngiau koˊ

【海陸】 biˇ ngiau＋ koˋ

31. 你有指定醫生嗎?

你有指定醫生無呢？

【四縣】 ngˇ iuˊ ziiˋ tin iˊ senˊ moˇ noˋ？

【海陸】 ngi rhiuˋ zhiˊ tin＋ rhiˋ senˋ mo noˇ？

32. 沒有

無。

【四縣】 moˇ 〜。

【海陸】 mo 〜。

33. 請稍待一下。請星期三下午二點直接至泌尿科。您的掛號號碼是31 號。

請等一下仔。請你拜三（星期三）下晝二點直接到泌尿科。你掛着个係31號。

【四縣】 qiangˋ denˋ idˋ ha eˋ。 qiangˋ ngˇ bai samˊ（senˊ kiˇ samˊ）haˊ zu liongˋ diamˋ ciid jiabˋ do bi ngiau koˊ。 ngˇ gua doˋ gie（〜ge/e）he samˊ siib idˋ ho。

【海陸】 ciangˊ denˊ rhid ha＋ er。 ciangˊ ngi baiˇ samˋ（senˋ ki samˋ）haˋ zhiuˇ liongˊ diamˊ chidˋ ziab doˇ biˇ ngiau＋ koˋ。 ngi guaˇ doˊ gaiˇ heˇ samˋ shibˋ rhid ho＋。

34. 謝謝您

恁仔細喲（還承蒙你哪）。

【四縣】 anˋ ziiˋ se ioˊ（hanˇ siinˇ mungˇ ngˇ naˊ）。

【海陸】 han shin mung ngi naˊ。

 

 

4 預約掛號對話二

【四縣】

【海陸】

35. 早安，馬偕醫院，您好。

（阿伯公/阿伯婆、阿叔/阿叔姆、×先生/×小姐…）恁早，這係馬偕醫院，你好。

【四縣】 （aˊ bagˋ gungˊ/ aˊ bagˋ poˇ、aˊ sugˋ/ aˊ sugˋ meˊ、 meuˊ meuˊ xinˊ sangˊ/meuˊ meuˊ seuˋ jiˋ…）anˋ zoˋ， iaˋ he maˊ gieˊ iˊ ien，ngˇ hoˋ。

【海陸】 （a＋ bag gungˋ/ a＋ bag po、a＋ shug/ a＋ shug meˋ、 meuˋ meuˋ sinˋ sangˋ/meuˋ meuˋ siauˊ ziˊ…）anˊ zoˊ， liaˊ heˇ maˋ gaiˋ rhiˋ rhanˇ，ngi hoˊ。

36.請問您的病歷號碼是

請問若病歷號碼係

【四縣】 qiangˋ mun ngiaˊ piang lid ho maˊ he

【海陸】 ciangˊ munˇ ngi gaiˇ（你个）piang＋ lidˋ ho＋ maˋ heˇ

37. 我的病歷號碼是8866512

吾病歷號碼係8866512

【四縣】 ngaˊ piang lid ho maˊ he badˋ badˋ liugˋ liugˋ ngˋ idˋ ngi

【海陸】 ngai gaiˇ（个）piang＋ lidˋ ho＋ maˋ heˇ bad bad liug liug ngˊ rhid ngi＋

38. 是○○○先生/小姐嗎?

係○○先生/小姐無？

【四縣】 he meuˊ meuˊ xinˊ sangˊ/seuˋ jiˋ moˇ？

【海陸】 heˇ meuˋ meuˋ sinˋ sangˋ/siauˊ ziˊ mo？

39. 是的

係啊。

【四縣】 he aˊ（〜iaˊ）。

【海陸】 heˇ a＋（〜ia＋）。

40. 請問您要掛哪一科?

請問你愛掛哪科？

【四縣】 qiangˋ mun ngˇ oi gua nai koˊ？

【海陸】 ciangˊ munˇ ngi oiˇ guaˇ nai＋ koˋ？

41. 皮膚科

皮膚科

【四縣】 piˇ fuˊ koˊ。

【海陸】 pi fuˋ koˋ。

42. 王先生/小姐，您掛的是4月1日上午/下午/晚上，321診15號

王先生/小姐，你掛个係4月初1朝晨/下晝/暗晡，321診15號。

【四縣】 vongˇ xinˊ sangˊ/seuˋ jiˋ，ngˇ gua gie（〜ge/e）he xi ngied cuˊ idˋ zeuˊ siinˇ（〜sunˇ）/ haˊ zu/am buˊ， samˊ ngi idˋ ziinˊ siib ngˋ ho。

【海陸】 vong sinˋ sangˋ/siauˊ ziˊ，ngi guaˇ gaiˇ heˇ siˇ ngiedˋ cuˋ rhid zhauˋ shin/ haˋ zhiuˇ/amˇ buˋ， samˋ ngi＋ rhid zhinˊ shibˋ ngˊ ho＋。

 

5 掛號額滿或醫師請假時對話

【四縣】

【海陸】

43. 對不起，A醫師已額滿，我幫您改掛別的醫師好嗎?

失禮喔，A先生既經掛號滿吔，ngaiˇ同你改掛別個先生，好無（有要緊無）？

【四縣】 siidˋ liˊoˊ（〜ioˊ），A xinˊ sangˊ gi ginˊ gua ho manˊ eˇ（〜neˇ）， ngaiˇ tungˇ ngˇ goiˋ gua ped gie（〜le）xinˊ sangˊ， hoˋ moˇ（iuˊ ieu ginˋ moˇ）？

【海陸】 shid liˋ oˊ，A sinˋ sangˋ giˇ ginˋ guaˇ ho＋ manˋ leˇ， ngai lauˋ（摎）ngi goiˊ guaˇ pedˋ gaiˇ sinˋ sangˋ， hoˊ mo（rhiuˋ rhauˇ ginˊ mo）？

44.對不起，A醫師已額滿，我幫您改掛別天好嗎?

失禮喔，A先生既經掛號滿吔，ngaiˇ同你改掛下二日，好無？

【四縣】 siidˋ liˊ oˊ（〜ioˊ），A xinˊ sangˊ gi ginˊ gua ho manˊ eˇ（〜neˇ），ngaiˇ tungˇ ngˇ goiˋ gua ha ngi ngidˋ，hoˋ moˇ？

【海陸】 shid liˋ oˊ，A sinˋ sangˋ giˇ ginˋ guaˇ ho＋ manˋ leˇ， ngai lauˋ（摎）ngi goiˊ guaˇ ha＋ ngi＋ ngid，hoˊ mo？

45. 對不起，A醫師已額滿，請您當日早上八點鐘再打電話來掛號。

失禮喔，A先生既經掛號滿吔，請你當日朝晨八點再過打電話來掛號。

【四縣】 siidˋ liˊ oˊ（〜ioˊ）， A xinˊ sangˊ gi ginˊ gua ho manˊ eˇ（〜neˇ）， qiangˋ ngˇ dongˊ ngidˋ zeuˊ siinˇ（〜sunˇ）badˋ diamˋ zai go daˋ tien fa loiˇ gua ho。

【海陸】 shid liˋ oˊ，A sinˋ sangˋ giˇ ginˋ guaˇ ho＋ manˋ leˇ， ciangˊ ngi dongˋ ngid zhauˋ shin bad diamˊ zaiˇ goˇ daˊ tien＋ faˇ loi guaˇ ho＋。

46. 對不起，A醫師已額滿，請您直接到診間找醫師掛號。

失禮喔，A先生既經掛號滿吔，請你直接去到門診間尋先生掛號。

【四縣】 siidˋ liˊ oˊ（〜ioˊ）， A xinˊ sangˊ gi ginˊ gua ho manˊ eˇ（〜neˇ）， qiangˋ ngˇ ciid jiabˋ hi do munˇ ziinˊ gienˊ qimˇ xinˊ sangˊ gua ho。

【海陸】 shid liˋ oˊ，A sinˋ sangˋ giˇ ginˋ guaˇ ho＋ manˋ leˇ， ciangˊ ngi chidˋ ziab hiˇ doˇ mun zhinˊ gienˋ cimˇ sinˋ sangˋ guaˇ ho＋。

47. 今天您要診的醫師已請假。

失禮唷，你想愛畀看个醫生今晡日（堵好）請假。

【四縣】 siidˋ liˊ oˊ（〜ioˊ），ngˇ xiongˋ oi biˋ kon gie（〜ne）iˊ senˊ ginˊ buˊ（〜biˊ） ngidˋ（duˋ hoˋ）qiangˋ gaˋ。

【海陸】 shid liˋ oˊ，ngi siongˊ oiˇ bunˋ gi（分佢）konˇ gaiˇ rhiˋ senˋ ginˋ buˋ ngid（duˊ hoˊ）ciangˊ gaˊ。

48.他休假到○月○日，下次門診時間為○月○日上午或下午

佢尞到○月○日，下二次（下二到）門診時間係○月○日个朝晨無就下晝。

【四縣】 giˇ liau do meuˊ ngied meuˊngidˋ， ha ngi cii（ha ngi do）munˇ ziinˊ siiˇ gienˊ he meuˊ ngied meuˊngidˋ gie（〜le）zeuˊ siinˇ（〜sunˇ）moˇ qiu haˊ zu。

【海陸】 gi liau＋ doˇ meuˋ ngiedˋ meuˋ ngid， ha＋ ngi＋ ciiˇ（ha＋ ngi＋ doˇ）mun zhinˊ shi gienˋ heˇ meuˋ ngiedˋ meuˋ ngid gaiˇ zhauˋ shin mo ciu＋ haˋ zhiuˇ。

 

6 就醫科別建議對話

【四縣】

【海陸】

49. 請問您哪裡不舒服?

請問你哪毋暢快（毋自然）？

【四縣】 qiangˋ mun ngˇ nai mˇ congˋ kuai（mˇ cii ienˇ）？

【海陸】 ciangˊ munˇ ngi nai＋ mˇ chongˊ kuaiˇ（mˇ cii＋ rhan）？

50. 我頭痛很多天了。

ngaiˇ頭那痛吔當多日吔（幾下日吔）。

【四縣】 ngaiˇ teuˇ naˇ tung eˇ（〜ngeˇ）dongˊ doˊ ngidˋ eˇ（〜leˇ） （giˋ haˊ ngidˋ eˇ（〜leˇ））。

【海陸】 ngai teu na tung＋ dongˋ doˋ ngid leˇ（giˋ ha＋ ngid leˇ）。

51. 建議您先掛家庭醫學科○○○醫師幫您看一下，您掛的是321診31號，位置在馬偕樓。

建議你先掛家庭醫學科○○○先生，請佢先同你看過。你掛个係321診31號，就在馬偕樓。

【四縣】 gien ngi ngˇ xienˊ gua gaˊ tinˇ iˊ hog koˊ meuˊ meuˊ xinˊ sangˊ， qiangˋ giˇ xienˊ tungˇ ngˇ kon go。 ngˇ gua gie（〜ge/e）he samˊ ngi idˋ ziinˊ samˊ siib idˋ ho， qiu di maˊ gieˊ leuˇ。

【海陸】 gienˇ ngi＋ ngi senˋ guaˇ gaˋ tin rhiˋ hogˋ koˋ meuˋ meuˋ sinˋ sangˋ， ciangˊ gi senˋ lauˋ（摎）ngi konˇ goˇ。 ngi guaˇ gaiˇ heˇ samˋ ngi＋ rhid zhinˊ samˋ shibˋ rhid ho＋，ciu＋ diˇmaˋ gaiˋ leu。

 

7 批價櫃檯對話

【四縣】

【海陸】

52. 王小姐，您的費用總共是250元，包含掛號費100元，部分負擔費用150元。

王小姐，你總共愛納250個銀，包含掛號費100個銀，部分負擔費百五個銀（150個銀）。

【四縣】 vongˇ seuˋ jiˋ，ngˇ zungˋ kiung oi nab liongˋ bagˋ ngˋ siib gie （〜be）ngiunˇ， bauˊ hamˇ gua ho fi idˋ bagˋ gie（〜ge/e）ngiunˇ， pu fun fu damˊ fi bagˋ ngˋ gie（〜nge）ngiunˇ （idˋ bagˋ ngˋ siib gie（〜be）ngiunˇ）。

【海陸】 vong siauˊ ziˊ，ngi zungˊ kiung＋ oiˇ nabˋ liongˊ bag ngˊ shibˋ gaiˇ ngiun， bauˋ ham guaˇ ho＋ fuiˇ rhid bag gaiˇ ngiun， pu＋ fun＋ fuˇ damˋ fuiˇ bag ngˊ gaiˇ ngiun（rhid bag ngˊ shibˋ gaiˇ ngiun）。

53. 請您至藥局領藥，您的領藥號碼為261，謝謝您，請慢走。

請你先寫這張資料（表格）。

【四縣】 qiangˋ ngˇ hi iog kiug liangˊ iog eˋ， ngiaˊ liangˊ iog ho maˊ he liongˋ bagˋ liugˋ siib idˋ ho， anˋ ziiˋ se，qiangˋ man hangˇ（qiangˋ sun hangˇ）。

【海陸】 ciangˊ ngi hiˇ rhogˋ kiugˋ liangˋ rhogˋ er， ngi gaiˇ liangˋ rhogˋ er（領藥仔）ho＋ maˋ heˇ liongˊ bag liug shibˋ rhid ho＋， shin mung ngi（承蒙你），ciangˊ man＋ hang（ciangˊ shun＋ hang）。

54. 請問貴院可以用信用卡嗎?

請問你這兜有用信用卡無？

【四縣】 qiangˋ mun ngˇ iaˋ deuˊ iuˊ iung xin iung kaˋ moˇ？

【海陸】 ciangˊ munˇ ngi liaˊ deuˋ（ngi deuˋ）rhiuˋ rhung＋ sinˇ rhung＋ kaˊmo？

55. 本院目前提供現金卡刷卡服務。

本院這下（現下、眼時、目前）淨提供現金卡刷卡服務。你愛看哪科呢？

【四縣】 bunˋ ien iaˋ ha（hien ha、ngienˋ siiˇ、mugˋ qienˇ） qiang tiˇ giungˊ hien gimˊ kaˋ sodˋ kaˋ fug vu。

【海陸】 bunˊ rhanˇ liaˊ ha＋（hien＋ ha＋、nganˊ shi、mug cien） ciang＋ ti giungˋ hien＋ gimˋ kaˊ sod kaˊ fugˋ muˇ（vuˇ）。

56. 因為您沒有帶健保卡，本院先向您收今日費用，請您七日內持收據、健保卡、身分證或護照或駕照辦理補卡退費。

因為（因爭）你無帶健保卡，醫院愛先同你收今晡日个費用。請你七日內拿（帶）收據（單頭）、健保卡、身分證無就護照還係駕照來辦補卡退費（退錢）。

【四縣】 inˊ vi（inˊ zenˊ）ngˇ moˇ dai kien boˋ kaˋ， iˊ ien oi xienˊ tungˇ ngˇ suˊ ginˊ buˊ（〜biˊ）ngidˋ gie（〜le）fi iung。 qiangˋ ngˇ qidˋ ngidˋ nui naˊ（dai）suˊ giˋ（danˊ teuˇ）、 kien boˋ kaˋ、siinˊ fun ziin moˇ qiu fu zeu hanˇ he ga zeu loiˇ pan buˋ kaˋ tui fi（tui qienˇ）。

【海陸】 rhinˋ vui＋（rhinˋ zenˋ）ngi mo daiˇ kien＋ boˊ kaˊ， rhiˋ rhanˇ oiˇ senˋ lauˋ（摎）ngi shiuˋ ginˋ buˋ ngid gaiˇ fuiˇ rhung＋。 ciangˊ ngi cid ngid nui＋ naˋ（daiˇ）shiuˋ giˊ（danˋ teu）、 kien＋ boˊ kaˊ、shinˋ fun＋ zhinˇ mo siiˇ（斯）fu＋ zhauˇ han heˇ gaˇ zhauˇ loi pan＋ buˊ kaˊ tuiˇ fuiˇ（tuiˇ cien）。