醫學教育部
醫護客語 / 3.門診診間對話
3 門診診間對話
【四縣】
【海陸】
| 94. 午安，請問你哪裡不舒服？ |
| 你好，請問你哪毋暢快（毋自然、毋鬆爽）？ |
| 【四縣】 qiangˋ mun ngˇ nai mˇ congˋ kuai（mˇ cii ienˇ、mˇ sungˊsongˋ）？ |
| 【海陸】 ngi hoˊ，ciangˊ munˇ ngi nai＋ m sungˋ songˊ（m cii＋ rhan、m cgongˊ kuaiˇ）？ |
| 95. 我昨天起床時喉嚨很痛又發燒、全身痠痛。今天沒有好轉，所以想來看醫生比較好。 |
| 昨晡日床，試着喉嗹胲當痛、又發燒，一身痠軟痛。今晡日試着無較好（無較自然），故所想講來分先生看啊較妥當（較安心）。 |
| 【四縣】 ngaiˇ coˊ buˊ（〜biˊ）ngidˋ hong congˇ， cii doˋ heuˇ lienˇ goiˊ dongˊ tung、iu fadˋ seuˊ， idˋ siinˊ sonˊ ngionˊ tung。 ginˊ buˊ（〜biˊ）ngidˋ cii doˋ moˇ ka hoˋ（moˇ ka cii ienˇ）， gu soˋ xiongˋ gongˋ loiˇ bunˊ xinˊ sangˊ kon aˋ（〜naˋ） ka toˇ dong （ka onˊ ximˊ）。 |
| 【海陸】 ngai coˋ buˋ ngid hongˇ cong， chiˇ doˊ heu lien goiˋ dongˋ tung＋、rhiu＋ fad shauˋ（zog shauˋ作燒）， rhid shinˋ sonˋ ngionˋ tung＋。 ginˋ buˋ ngid chiˇ doˊ mo haˇ hoˊ（mo haˇ cii＋ rhan）， soˊ rhiˋ siongˊ gongˊ loi bunˋ sinˋ sangˋ kon a＋ haˇ onˋ simˋ（較安心，haˇ to dongˇ：較妥當）。 |
| 96. 好的，在你看醫生之前我先問你幾個問題，你這個症狀多久了？ |
| 好。毋過，在醫生還吂看前，愛先問你幾個（幾隻）問題，請問你這種（恁仔个、這個）情形（症頭）幾久仔吔。 |
| 【四縣】 hoˋ，mˇ go，di iˊ senˊ hanˇ mangˇ kon qienˇ， ngaiˇ oi xienˊ mun ngˇ giˋ gie（〜ie）（giˋ zagˋ ）mun tiˇ， qiangˋ mun ngˇ iaˋ zungˋ（anˋ eˇ（〜neˇ）gie（〜ie）、iaˋgie（〜ge/e）） qinˇ hinˇ（ziin teuˇ）giˋ（〜gidˋ）giuˋ eˇ ieˇ？ |
| 【海陸】 hoˊ，m goˇ，diˇ rhiˋ senˋ han mang konˇ cien， ngai oiˇ senˋ munˇ ngi giˊ zhag（幾隻；giˊ gaiˇ幾個） munˇ ti， ciangˊ munˇ ngi liaˊ gaiˇ cin hin（zhinˇ teu）giˊ（〜gidˊ）giuˊleˇ？ |
| 97. 有好幾天了。 |
| 幾下日lio（好多日lio）。 |
| 【四縣】 giˋ haˊ ngidˋ lio（hoˋ doˊ ngidˋ lio）。 |
| 【海陸】 hoˊ doˋ ngid leˇ（好多日吔）。 |
| 98. 你有沒有對食物或藥物過敏? |
| 你會對哪種食物還係藥物過敏無？ |
| 【四縣】 ngˇ voi dui nai zungˋ siid vud hanˇ he iog vud go menˋ moˇ？ |
| 【海陸】 ngi voi＋ duiˇ nai＋ zhungˊ shidˋ vudˋ han heˇ rhogˋ vudˋ goˇ menˊ mo？ |
| 99. 只有對海鮮過敏。 |
| 淨對海產會過敏。 |
| 【四縣】 qiang dui hoiˋ sanˋ voi go menˋ。 |
| 【海陸】 ciang＋ duiˇ hoiˊ sanˊ voi＋ goˇ menˊ。 |
| 100. 好的，我先量一下你的體溫及血壓。 |
| 好。先來同你量體溫、磅血壓。 |
| 【四縣】 hoˋ。ngaiˇ xienˊ loiˇ tungˇ ngˇ liongˇ tiˋ vunˊ、bongˇ hiedˋabˋ。 |
| 【海陸】 hoˊ。 ngai senˋ loi lauˋ（摎）ngi bongˇ tiˊ vunˋ（磅體溫）、bongˇ hied ab。 |
| 101. 好的，謝謝！ |
| 好，恁仔細！ |
| 【四縣】 hoˋ，anˋ ziiˋ se！ |
| 【海陸】 hoˊ，shin mung ngi（承蒙你）！ |
| 102. 請將體溫計放在你的舌頭下。 |
| 請同（摎、將）溫度針（體溫計）放在若舌嫲下。 |
| 【四縣】 qiangˋ tungˇ（lauˊ、jiongˊ）vunˊ tu ziimˊ（tiˋ vunˊ gi） biong do ngiaˊ sad maˇ haˊ。 |
| 【海陸】 ciangˊ lauˋ（摎）vunˋ tu＋ zhimˋ（tiˊ vunˋ giˇ） biongˇ diˇ ngi gaiˇ sadˋ ma haˋ。 |
| 103. 你的體溫37.5度，一點點發燒。 |
| 若體溫37度半（37.5度），略略仔發燒喔。 |
| 【四縣】 ngiaˊ tiˋ vunˊ samˊ siib qidˋ tu ban（samˊ siib qidˋ diamˋ ngˋ tu）， liog liog eˋ fadˋ seuˊ oˊ。 |
| 【海陸】 ngi gaiˇ tiˊ vunˋ samˋ shibˋ cid tu＋ banˇ（samˋ shibˋ cid diamˊ ngˊ tu＋）， liogˋ liogˋ er zog shauˋ（作燒） oˊ。 |
| 104. 你的血壓120/80，正常。 |
| 若血壓高个百二，低个八十，正常啦。 |
| 【四縣】 ngiaˊ hiedˋ abˋ goˊ gie（〜ge/e）bagˋ ngi， daiˊ gie（〜ie）badˋ siib，ziin songˇ laˇ。 |
| 【海陸】 ngi gaiˇ hied ab goˋ gaiˇ bag ngi＋， daiˋ gaiˇ bad shibˋ，zhinˇ shong laˇ。 |
| 105. 你可以進去看醫生了。 |
| 你做得落去分先生（醫生）看lioˊ（輪著你看lioˊ）。 |
| 【四縣】 ngˇ zo dedˋ log hi bunˊ xinˊ sangˊ（iˊ senˊ）kon lioˊ （linˇ doˋ ngˇ bunˊ xinˊ sangˊ kon lioˊ）。 |
| 【海陸】 ngi zoˇ ded logˋ hiˇ bunˋ sinˋ sangˋ（rhiˋ senˋ）konˇ leˊ （lin doˇ ngi konˇ lio）。 |
| 106. 好的，謝謝！ |
| 好，恁仔細！ |
| 【四縣】 hoˋ，anˋ ziiˋ se！ |
| 【海陸】 hoˊ，shin mung ngi（承蒙你）！ |
【After seeing the doctor看完醫生後】
【四縣】
【海陸】
| 107. 這是你的處方簽，請去藥局拿藥。 |
| 這係若處方簽（藥單仔），請你去藥局領藥仔。 |
| 【四縣】 iaˋ he ngiaˊ cuˋ fongˊ qiamˊ（iog danˊ eˋ（〜neˋ））， qiangˋ ngˇ hi iog kiug liangˊ iog eˋ。 |
| 【海陸】 liaˊ heˇ ngi gaiˇ chuˊ fongˋ ciamˋ（rhogˋ danˋ er）， ciangˊ ngi hiˇ rhogˋ kiugˋ liangˋ rhogˋ er。 |