醫學教育部

醫護客語 / 7.醫師診療對話

7 醫師診療對話

【四縣】

【海陸】

196.告訴我怎麼了。

（阿伯公/阿伯婆、阿叔/阿叔姆、××先生/××小姐…）你會仰仔係（你試着哪毋自然係、你試着哪毋暢快係）？

【四縣】 （aˊ bagˋ gungˊ/ aˊ bagˋ poˇ、aˊ sugˋ/aˊ sugˋ meˊ、 meuˊ meuˊ xinˊ sangˊ/meuˊ meuˊ seuˋ jiˋ…） ngˇ voi ngiongˋ eˇ（〜ngeˇ） heˇ？ （ngˇ cii doˋ naiˋ mˇ cii ienˇ heˇ、 ngˇ cii doˋ naiˋ mˇ congˋ kuai heˇ）？

【海陸】 （a＋ bag gungˋ/a＋ bag po、a＋ shug/a＋ shug meˋ、 meuˋ meuˋ sinˋ sangˋ/meuˋ meuˋ siauˊ ziˊ…） ngi voi＋ ngiongˊ banˋ（仰般）heˇ mo（係無）？ （ngi chiˇ doˊ nai＋ m cii＋ rhan heˇ、 ngi chiˇ doˊ nai＋ m chongˊ kuaiˇ heˇ）？

197.我一直咳嗽。

恁久嗽無停哩（緊嗽哩）。

【四縣】 ngaiˇ anˋ giuˋ cug moˇ tinˇ leˇ（ngaiˇ ginˋ cug leˇ）。

【海陸】 ngai anˊ giuˊ cugˋ mo tin liˇ（ngai ginˊ cugˋ leˇ）。

198. 平常吃抽菸嗎？

平常時有食菸無（有菸無）？

【四縣】 pinˇ songˇ siiˇ iuˊ siid ienˊ moˇ（iuˊ bog ienˊ moˇ）？

【海陸】 pin shong shi rhiuˋ shidˋ rhanˋ mo（rhiuˋ bogˋ rhanˋ mo）？

199. 有，一天抽一包。

有喔，一日一包。

【四縣】 iuˊ oˇ，idˋ ngidˋ idˋ bauˊ。

【海陸】 rhiuˋ oˇ，rhid ngid rhid bauˋ。

200.你什麼時候注意到這個

你哪久（哪央時）注意到這個（這隻）問題？

【四縣】 ngˇ nai giuˋ（nai iongˊ siiˇ）zu i doˋ iaˋ gie（〜e）（iaˋ zagˋ）mun tiˇ？

【海陸】 ngi nai＋ giuˊ（nai＋ rhongˋ shi）zhuˇ rhiˇ doˊ liaˊ zag（liaˊgaiˇ）munˇ ti？

201. 三天前。

三日前。

【四縣】 samˊ ngidˋ qienˇ。

【海陸】 samˋ ngid cien。

202. 請把嘴巴張大。

請摎嘴擘大啊（擘較開啊）。

【四縣】 qiangˋ lauˊ zoi bagˋ tai aˋ（〜iaˋ）（bagˋ ka koiˊ aˋ（〜iaˋ））。

【海陸】 ciangˊ lauˋ zhoiˇ bag tai＋ loi（擘大來，bag haˇ koiˋ a＋）。

203. 請深呼吸一口氣並吐氣。

請敨一口大大口个氣（請大大口敨一下氣），再過吐出來。

【四縣】 qiangˋ teuˋ idˋ heuˋ tai tai heuˋ gie（〜e）hi （qiangˋ tai tai heuˋ teuˋ idˋ ha hi），zai go tu cudˋ loiˇ。

【海陸】 ciangˊ teuˊ rhid heuˊ tai＋ tai＋ heuˊ gaiˇ hiˇ （ciangˊ tai＋ tai＋ heuˊ teuˊ rhid ha＋ hiˇ），zaiˇ goˇ tuˇ chud loi。

204. 您只是輕微的感冒。

毋使愁（請安心），斯係略略仔（小可仔）寒着啦。

【四縣】 mˇ siiˋ seuˇ（qiangˋ onˊ ximˊ）， sii he liog liog eˋ（seuˋ koˋ eˇ）honˇ doˋ laˇ。

【海陸】 m siiˊ seu（ciangˊ onˋ simˋ）， sii＋（斯）heˇ liogˋ liogˋ er（siauˊ koˊ）langˋ doˊ（冷着）laˇ。

205. 會自然痊癒嗎？

會自家自然好係（毋使食藥仔就會好係）？

【四縣】 voi cii（〜qid）gaˊ cii ienˇ hoˋ heˇ （mˇ siiˋ siid iog eˋ jiu voi hoˋ heˇ）？

【海陸】 voi＋ cid gaˋ cii＋ rhan hoˊ heˇ mo（係無） （m siiˊ shidˋ rhogˋ er sii＋（斯）voi＋ hoˊ heˇ）？

206. 你不可以抽菸，一週內自然會好，我會開一些藥給你。

你莫食煙，一禮拜內自然就會好，會開兜仔藥仔分你預備等。

【四縣】 ngˇ mog siid ienˊ，idˋ liˊ bai nui cii ienˇ qiu voi hoˋ， ngaiˇ voi koiˊ deuˊ eˋ iog eˋ bunˊ（〜bunˋ）ngˇ i pi denˋ。

【海陸】 ngi mogˋ shidˋ rhanˋ， rhid liˋ baiˇ nui＋ cii＋ rhan sii＋（斯）voi＋ hoˊ， ngai voi＋ koiˋ deuˋ rhogˋ er bunˋ ngi rhi＋ pi＋ denˊ。

207. 好的，謝謝你。

好，恁仔細。

【四縣】 hoˋ，anˋ ziiˋ se。

【海陸】 hoˊ，shin mung ngi（承蒙你）。