醫學教育部

醫護客語 / 9.復健部門常用對話

復健部門常用對話

【四縣】

【海陸】

241. 您好！有些什麼問題？

（阿伯公/阿伯婆、阿叔/阿叔姆、××先生/××小姐…）你好！有麼个問題係？（你試着那兜仔會仰仔係？）

【四縣】 （aˊ bagˋ gungˊ/aˊ bagˋ poˇ、aˊ sugˋ/aˊ sugˋ meˊ、 meuˊ meuˊ xinˊ sangˊ/meuˊ meuˊ seuˋ jiˋ…）ngˇ hoˋ！ iuˊ maˋ ga mun tiˇ heˇ？ （ngˇ cii doˋ nai deuˊ eˋ voi ngiongˋ eˇ（〜ngeˇ）heˇ？）

【海陸】 （a＋ bag gungˋ/ a＋ bag po、a＋ shug/ a＋ shug meˋ、 meuˋ meuˋ sinˋ sangˋ/meuˋ meuˋ siauˊ ziˊ…）ngi hoˊ！ rhiuˋ maˊ gaiˇ munˇ ti heˇ mo（係無）？ （ngi chiˇ doˊ nai＋ deuˋ er voi＋ ngiongˊ banˋ（仰般）heˋ？）

242. 您哪裡不舒服？

你試着哪兜仔（哪）毋暢快、毋自然呢？

【四縣】 ngˇ cii doˋ nai deuˊ eˋ（nai）mˇ congˋ kuai、mˇ cii ienˇ noˋ？

【海陸】 ngi chiˇ doˊ nai＋ deuˋ er（nai＋）m chongˊ kuaiˇ、 m cii＋ rhan noˇ？

243. 它們是酸、麻、痛、腫脹、關節僵硬、或是步行困難？

你試着係會痠軟、麻麻（痺痺）、痛、腫腫脹脹還係關節硬鉸硬鉸，抑係行路會毋方便？

【四縣】 ngˇ cii doˋ he voi sonˊ ngionˊ、maˇ maˇ（bi bi）、tung、 zungˋ zungˋ zong zong hanˇ he guanˊ jiedˋ ngang gau ngang gau， ia he hangˇ lu voi mˇ fongˊ pien？

【海陸】 ngi chiˇ doˊ heˇ voi＋ sonˋ ngionˋ、ma ma（biˇ biˇ）、tung＋、 zhungˊ zhungˊ zhongˇ zhongˇ han heˇ guanˋ zied ngang＋ gauˇ ngang＋ gauˇ， rha＋ heˇ hang lu＋ voi＋ m fongˊ pienˋ？

244. 怎麼發生的？發生多久了？

仰會恁仔呢？幾久吔呢？

【四縣】 ngiongˋ voi anˋ eˇ（〜neˇ）noˋ？gidˋ giuˋ eˇ noˋ？

【海陸】 ngiongˊ voi＋ anˊ ngiong（恁樣）noˇ？gidˊ giuˊ leˇ？

245. 之前有車禍、意外、或外傷病史嗎？

頭擺（先前）識發生車禍抑係意外，還係（抑係）識有麼个外傷無？

【四縣】 teuˇ baiˋ（xienˊ qienˇ）siidˋ fadˋ senˊ caˊ fo ia he i ngoi， hanˇ he（ia he）siidˋ iuˊ maˋ ga ngoi songˊ moˇ？

【海陸】 teu baiˊ（sienˋ cien）shid fad senˋ chaˋ fo＋ rha＋ heˇ rhiˇ ngoi＋， han heˇ（rha＋ heˇ）shid rhiuˋ maˊ gaiˇ ngoi＋ shongˋ mo？

246. 有哪些狀況會令您比較舒服？又有哪些狀況會令您更嚴重？

仰仔該下你會試着較自然、較輕鬆？又仰仔該下你會試着還較嚴重、還較艱苦？

【四縣】 ngiongˋ eˇ（〜ngeˇ）ga ha ngˇ voi cii doˋ ka cii ienˇ、 ka kiangˊ sungˊ？ iu ngiongˋ eˇ（〜ngeˇ）ga ha ngˇ voi cii doˋ hanˇ ka ngiamˇ cung、hanˇ ka ganˊ kuˋ？

【海陸】 ngiongˊ banˋ（仰般）gai ha＋ ngi voi＋ chiˇ doˊ haˇ cii＋ rhan、 haˇ kiangˋ sungˋ？ rhiu＋ ngiongˊ banˋ（仰般）gai ha＋ ngi voi＋ chiˇ doˊ han haˇ ngiam chung＋、han haˇ ganˋ kuˊ？

247. 最近有體重減輕的情形嗎？

這一駁仔（最近、這一站仔）會較瘦（較落肉）無？

【四縣】 iaˋ idˋ bogˋ eˇ（zui kiun、iaˋ idˋ cam eˋ（〜meˋ）） voi ka ceu（ka log ngiugˋ）moˇ？

【海陸】 liaˊ rhid bog er（zuiˇ kiun＋、liaˊ rhid cam＋ er） voi＋ haˇ seuˇ（haˇ logˋ ngiug）mo？

248. 有哪些家族病史或過敏紀錄？

請問你有哪兜（有麼个）家族病史，還係過敏紀錄無？

【四縣】 qiangˋ mun ngˇ iuˊ nai deuˊ（iuˊ maˋ ga）gaˊ cug piang siiˋ， hanˇ he go menˋ gi liug moˇ？

【海陸】 ciangˊ munˇ ngi rhiuˋ nai＋ deuˋ（rhiuˋ maˊ gaiˇ）gaˋ cugˋ piang＋ siiˊ， han heˇ goˇ menˊ giˇ liugˋ mo？

249. 請您躺在檢查床上，我將為您做些檢查。先躺平、接著側躺向右側、最後側躺向左側。檢查期間，若有任何不舒服，請告訴我。

請你在檢查床項睡等，來同你檢查看啊。先打平睡、再過向右打側、盡尾向左打側。檢查該下，撿採有麼个（有哪）毋暢快，定著愛同講

【四縣】 qiangˋ ngˇ toˊ giamˋ caˇ congˇ hong soi denˋ， ngaiˇ loiˇ tungˇ ngˇ giamˋ caˇ kon aˋ（〜naˋ）。 xienˊ daˋ piangˇ soi、zai go hiong iu daˋ zedˋ、 qin miˊ hiong zoˋ daˋ zedˋ。 giamˋ caˇ ga ha，giamˋ caiˋ iuˊ maˋ ga（iuˊ naiˋ）mˇ congˋ kuai， tin cog oi tungˇ ngaiˇ gongˋ。

【海陸】 ciangˊ ngi diˇ giamˊ ca cong hong＋ shoi＋ denˊ， ngai loi lauˋ（摎）ngi giamˊ ca kon a＋（〜na＋）。 senˋ daˊ piang shoi＋、zaiˇ goˇ hiongˇ rhiu＋ daˊ zed、 cin＋ muiˋ hiongˇ zoˊ daˊ zed。 giamˊ ca gai ha＋， giamˊ caiˊ rhiuˋ maˊ gaiˇ（rhiuˋ nai＋）m chongˊ kuaiˇ， tin＋ chogˋ oiˇ lauˋ（摎）ngai gongˊ。

250. 請您走幾步路看看，會不舒服嗎？請您向前、向左、向右彎腰看看？挺腰看看？會不舒服嗎？

請你行幾步路試看啊，會毋暢快無？請你向前、向左、向右磬下來試看啊？企竳來試看啊？有哪毋暢快無？

【四縣】 qiangˋ ngˇ hangˇ giˋ pu lu cii kon aˋ（〜naˋ）， voi mˇ congˋ kuai moˇ？ qiangˋ ngˇ hiong qienˇ、hiong zoˋ、hiong iu qinˋ haˊ loiˇ cii kon aˋ（〜naˋ）？ kiˊ denˇ loiˇ cii kon aˋ（〜naˋ）？ iuˊ naiˋ mˇ congˋ kuai moˇ？

【海陸】 ciangˊ ngi hang giˊ pu＋ lu＋ chiˇ konˇ a＋， voi＋ m chongˊ kuaiˇ mo？ ciangˊ ngi hiongˇ cien、hiongˇ zoˊ、hiongˇ rhiu＋ cinˊ haˋ loi chiˇ konˇ a＋？ kiˋ den loi chiˇ konˇ a＋？ rhiuˋ nai＋ m chongˊ kuaiˇ mo？

251. 必須幫您照張Ｘ光片，您最近有性行為，或者有懷孕的可能嗎？ 因為輻射線會傷害孕育中的小生命，所以需詢問這些隱私，抱歉！

愛同你翕一張Ｘ光片，請問你這一駁仔（這恁久）有性行為，抑係可能會有身妊（擐人、有身（項）、大肚屎、擐大肚）無？因為輻射線會傷着胎肚个細生命，故所盡失禮，愛問你恁私密个問題，敗勢唷。

【四縣】 ngaiˇ oi tungˇ ngˇ hibˋ idˋ zongˊ X gongˊ pienˋ， qiangˋ mun ngˇ iaˋ idˋ bogˋ eˇ（iaˋ anˋ giuˋ） iuˊ xin hangˇ viˇ， ia he koˋ nenˇ voi iuˊ siinˊ imˋ （kuan nginˇ、siinˊ（hong）、tai duˋ siiˋ、kuan tai duˋ）moˇ？ inˊ vi fugˋ sa xien voi songˊ doˋ toiˊ duˋ gie（〜e）se senˊ miang， gu soˋ qin siidˋ liˊ，oi mun ngˇ anˋ siiˊ med gie（〜le）mun tiˇ，paiˇ se ioˊ。

【海陸】 ngai oiˇ lauˋ（摎）ngi hib rhid zhongˋ tien＋ gongˋ pienˊ（電光片）， ciangˊ munˇ ngi liaˊ rhid bog er（liaˊ anˊ giuˊ） rhiuˋ sinˇ hang vui， rha＋ heˇ koˊ nen voi＋ rhiuˋ shinˋ rhimˊ （kuan＋ ngin、shinˋ（hong＋）、tai＋ duˊ shiˊ、kuan＋ tai＋ duˊ）mo？ rhinˋ vui＋ fug sha＋ sienˇ voi＋ shongˋ doˊ toiˋ duˊ gaiˇ seˇ senˋ miangˇ， soˊ rhiˋ cin＋ shid liˋ，oiˇ munˇ ngi anˊ siiˋ medˋ gaiˇ munˇ ti，pai＋ sheˇ ioˊ。

252. 我必須幫您做些抽血檢驗和尿液分析。

愛摎你抽血來檢驗同做尿个分析。

【四縣】 ngaiˇ oi lauˊ ngˇ cuˊ hiedˋ loiˇ giamˋ ngiam tungˇ zo ngiau gie（〜e）funˊ xidˋ。

【海陸】 ngai oiˇ lauˋ ngi chiuˋ hied loi giamˊ ngiam＋ lauˋ（摎）zoˇ ngiau＋ gaiˇ funˋ sid。

253. 我將為您安排些復健治療，包括物理治療、職能治療、和語言治療。其中，物理治療，不排時間，隨時來就隨時幫您做，而職能治療和語言治療，因須一對一治療，故需安排固定時段幫您服務。按照健保局規定，看一次門診，可做六次治療後，需回門診追蹤，但此期間，若有任何不適或惡化，可隨時回門診追蹤治療。

會同你安排做兜仔復健治療，包含物理治療、職能治療同語言治療。其中，物理治療毋使排時間，隨時來隨時做；毋過，職能治療同語言治療，因爭愛一對一治療，故所愛另外安排固定時段來做。照健保局个規定，看一擺門診，做得做六擺治療，過後再過倒轉來門診追蹤，在這期間撿採有哪毋暢快，還係試着變加還較嚴重吔，隨時做得倒轉來門診追蹤治療。

【四縣】 ngaiˇ voi tungˇ ngˇ onˊ paiˇ zo deuˊ eˋ fug kien cii liauˇ， bauˊ hamˇ vud liˊ cii liauˇ、ziidˋ nenˇ cii liauˇ tungˇ ngiˊ ngienˇ cii liauˇ。 kiˇ zungˊ vud liˊ cii liauˇ mˇ siiˋ paiˇ（baiˇ）siiˇ gienˊ， suiˇ siiˇ loiˇ suiˇ siiˇ zo； mˇ go，ziidˋ nenˇ cii liauˇ tungˇ ngiˊ ngienˇ cii liauˇ ， inˊ zenˊ oi idˋ dui idˋ cii liauˇ， gu soˋ oi nang ngoi onˊ paiˇ gu tin siiˇ ton loiˇ zo。 zeu kien boˋ kiug gie（〜e）guiˊ tin， kon idˋ baiˋ munˇ ziinˊ，zo dedˋ zo liugˋ baiˋ cii liauˇ， go heu zai go do zonˋ loiˇ munˇ ziinˊ zuiˊ jiungˊ， toˊ iaˋ kiˇ gienˊ giamˋ caiˋ iuˊ naiˋ mˇ congˋ kuai， hanˇ he cii doˋ bien gaˊ hanˇ ka ngiamˇ cung eˇ（〜ngeˇ）， suiˇ siiˇ zo dedˋ do zonˋ loiˇ munˇ ziinˊ zuiˊ jiungˊ cii liauˇ。

【海陸】 ngai voi＋ lauˋ（摎）ngi onˋ pai zoˇ deuˋ er fugˋ kien＋ chi＋ liau， bauˋ ham vudˋ liˋ chi＋ liau、zhid nen chi＋ liau lauˋ（摎）ngiˋ ngien chi＋ liau。 ki zhungˋ vudˋ liˋ chi＋ liau m siiˊ pai（bai）shi gienˋ， sui shi loi sui shi zoˇ；m goˇ， zhid nen chi＋ liau lauˋ（摎）ngiˋ ngien chi＋ liau ， rhinˋ zenˋ oiˇ rhid duiˇ rhid chi＋ liau， soˊ rhiˋ（所以）oiˇ nangˇ ngoi＋ onˋ pai guˇ tin＋ shi ton＋ loi zoˇ。 zhauˇ kien＋ boˊ kiugˋ gaiˇ guiˋ tin＋， konˇ rhid baiˊ mun zhinˊ，zoˇ ded zoˇ liug baiˊ chi＋ liau， goˇ heu＋ zaiˇ goˇ doˇ zhonˊ loi mun zhinˊ duiˋ ziungˋ， diˇ liaˊ ki gienˋ giamˊ caiˊ rhiuˋ nai＋ m chongˊ kuaiˇ， han heˇ chiˇ doˊ bienˇ gaˋ han haˇ ngiam chung＋， sui shi zoˇ ded doˇ zhonˊ loi mun zhinˊ duiˋ ziungˋ chi＋ liau。

 

復健員常用對話

【四縣】

【海陸】

254. 請先掛號看門診才能安排復健。

請先掛號看門診正做得安排復健。

【四縣】 qiangˋ xienˊ gua ho kon munˇ ziinˊ zang zo dedˋ onˊ paiˇ fug kien。

【海陸】 ciangˊ senˋ guaˇ ho＋ konˇ mun zhinˊ zhangˇ zoˇ ded onˋ pai fugˋ kien＋。

255. 健保規定看一次門診可做6次復健。

健保規定看一擺門診，做得做6擺復健。

【四縣】 kien boˋ guiˊ tin kon idˋ baiˋ munˇ ziinˊ zo dedˋ zo liugˋ baiˋ fug kien。

【海陸】 kien＋ boˊ guiˋ tin＋ konˇ id baiˊ mun zhinˊ zoˇ ded zoˇ liug baiˊ fugˋ kien＋。

256. 請先批價繳部份負擔，再至櫃檯領取治療卡。

請先去批價繳部分負擔，正去櫃檯領治療卡。

【四縣】 qiangˋ xienˊ hi piˊ ga gieuˋ pu fun fu damˊ， zang hi kui toiˇ liangˊ cii liauˇ kaˋ。

【海陸】 ciangˊ senˋ hiˇ piˋ gaˇ giauˊ pu＋ fun＋ fuˇ damˋ， zhangˇ hiˇ kui＋ toi liangˋ chi＋ liau kaˊ。

257. 每次復健治療前，請先批價櫃檯繳50元部份負擔。

逐擺做復健治療前，愛請先去批價櫃檯繳50個銀部分負擔。

【四縣】 dagˋ baiˋ zo fug kien cii liauˇ qienˇ， oi qiangˋ xienˊ hi piˊ ga kui toiˇ gieuˋ ngˋ siib gie（〜be）ngiunˇ pu fun fu damˊ。

【海陸】 dag baiˊ zoˇ fugˋ kien＋ chi＋ liau cien， oiˇ ciangˊ senˋ hiˇ piˋ gaˇ kui＋ toi giauˊ ngˊ shibˋ gaiˇ ngiun pu＋ fun＋ fuˇ damˋ。

258. 請在治療室開放時間結束前半小時以上抵達。請在治療室開放時間結束前半小時以上抵達。

治療室開放時間係拜一到拜五朝晨頭8點到暗晡頭9點，盡慢請在治療室開放時間結束前半點鐘愛到來。

【四縣】 cii liauˇ siidˋ koiˊ fong siiˇ gienˊ he bai idˋ do bai ngˋ zeuˊ sunˇ teuˇ badˋ diamˋ do am buˊ teuˇ giuˋ diamˋ， qin man qiangˋ toˊ cii liauˇ siidˋ koiˊ fong siiˇ gienˊ giedˋ sugˋ qienˇ ban diamˋ zungˊ oi do loiˇ。

【海陸】 chi＋ liau shid koiˋ fongˇ shi gienˋ heˇ baiˇ rhid doˇ baiˇ ngˊ zhauˋ shin teu bad diamˊ doˇ amˇ buˋ teu giuˊ diamˊ， cin＋ man＋ ciangˊ diˇ chi＋ liau shid koiˋ fongˇ shi gienˋ gied sug cien banˇ diamˊ zhungˋ oiˇ doˇ loi。

259. 治療時間星期一至星期五從早上8:00至晚上9：00，睌上8:00前要到,星期六半天。

治療時間星期一（拜一）到星期五（拜五），對朝晨頭8點到暗晡頭9點，暗晡頭8點前愛到來，星期六（拜六）半日定定。

【四縣】 cii liauˇ siiˇ gienˊ bai idˋ（senˊ kiˇ idˋ）do bai ngˋ（senˊ kiˇngˋ），dui zeuˊ siinˇ（〜sunˇ）teuˇ badˋ diamˋ do am buˊ teuˇ giuˋ diamˋ， am buˊ teuˇ badˋ diamˋqienˇ oi do loiˇ， bai liugˋ（senˊ kiˇ liugˋ）ban ngidˋ tin tin。

【海陸】 chi＋ liau shi gienˋ baiˇ rhid（senˋ ki rhid） doˇ baiˇ ngˊ（senˋ ki ngˊ）， duiˇ zhauˋ shin teu bad diamˊ doˇ amˇ buˋ teu giuˊ diamˊ， amˇ buˋ teu bad diamˊ cien oiˇ doˇ loi， baiˇ liug（senˋ ki liug）banˇ ngid tin＋ tin＋。

260. 現在醫師沒有看診。

這下先生無看診（尞）。

【四縣】 iaˋ ha xinˊ sangˊ moˇ kon ziinˊ（liau）。

【海陸】 liaˊ ha＋ sinˋ sangˋ mo konˇ zhinˊ（liau＋）。

261. 一個療程6次復健做完後，需再看門診，請醫師開新的復健療程。

一個療程6擺復健做忒吔，愛再過去門診請先生開過新个復健療程。

【四縣】 idˋ gie（〜le）liauˇ cangˇ liugˋ baiˋ fug kien zo tedˋ eˇ（〜leˇ），oi zai go hi munˇ ziinˊ qiangˋ xinˊ sangˊ koiˊ go xinˊ gie（〜ne）fug kien liauˇ cangˇ。

【海陸】 rhid gaiˇ liau chang liug baiˊ fugˋ kien＋ zoˇ ted leˇ， oiˇ zaiˇ goˇ hiˇ mun ziinˊ ciangˊ sinˋ sangˋ koiˋ goˇ sinˋ gaiˇ fugˋ kien＋ liau chang。

262. 此項治療須約定時間，請先留下聯絡電話及方便治療時間，時間排好會通知。

這項治療愛約時間，請你先留下聯絡電話同方便治療个時間，時間安排好勢會通知你。

【四縣】 iaˋ hong cii liauˇ oi iogˋ siiˇ gienˊ， qiangˋ ngˇ xienˊ liuˇ haˊ lienˇ log tien fa tungˇ fongˊ pien cii liauˇ gie（〜e）siiˇ gienˊ， siiˇ gienˊ onˊ paiˇ hoˋ se voi tungˊ diˊ ngˇ。

【海陸】 liaˊ hong＋ chi＋ liau oiˇ rhog shi gienˋ， ciangˊ ngi senˋ liu haˋ lien logˋ tien＋ faˇ lauˋ（摎）fongˋ pien＋ chi＋ liau gaiˇ shi gienˋ， shi gienˋ onˋ pai hoˊ sheˇ voi＋ tungˋ diˋ ngi。

263. 請依約定時間準時出席接受復健治療。

請你照約定个時間準時來做復健。

【四縣】 qiangˋ ngˇ zeu iogˋ tin gie（〜ne）siiˇ gienˊ zunˋ siiˇ loiˇ zo fug kien。

【海陸】 ciangˊ ngi zhauˇ rhog tin＋ gaiˇ shi gienˋ zhunˊ shi loi zoˇ fugˋ kien＋。

264. 治療時，身上如有金屬物品（如錢幣、鑰匙、項鍊），信用卡等磁卡，或體內有金屬植入物請先告知治療師。

治療該下，圓身項係講有金屬物品（像銀角仔、鎖匙、鍊），信用卡這兜磁卡，無就圓身肚項（裡肚）識放入麼个金屬个東西，愛先同治療師講。

【四縣】 cii liauˇ ga ha，ienˇ siinˊ hong he gongˋ iuˊ gimˊ sug（xiug）vud pinˋ（qiong ngiunˇ gogˋ eˇ、soˋ siiˋ、pad lien）， xin iung kaˋ iaˋ deuˊ ciiˇ kaˋ， moˇ qiu ienˇ siinˊ duˋ hong（diˊ duˋ） siidˋ biong ngib maˋ ga gimˊ sug（xiug）gie（〜e）dungˊ xiˊ，oi xienˊtungˇ cii liauˇ siiˊ gongˋ。

【海陸】 chi＋ liau gai ha＋，vu shinˋ（蕪身）（rhan shinˋ）hong＋ heˇ gongˊ rhiuˋ gimˋ shugˋ（shiugˋ）vudˋ pinˊ （ciongˇ ngiun gog er、soˊ shi、padˋ lien＋）， sinˇ rhung＋ kaˊ liaˊ deuˋ cii kaˊ， mo ciu＋ vu shinˋ（蕪身）（rhan shinˋ）duˊ hong＋（diˋ duˊ） shid biongˇ ngibˋ maˊ gaiˇ gimˋ shugˋ（shiugˋ）gaiˇ dungˋ siˋ， oiˇ senˋ lauˋ（摎）chi＋ liau siiˋ gongˊ。

265. 哪裡不舒服？怎麼痛（不舒服）、痛多久，指出疼痛位置？在什麼的姿勢下最不舒服？

（稱呼）你哪毋暢快（毋自然）呢？仰仔痛（仰仔毋暢快）？痛幾久吔？哪搭仔會痛？指看啊。仰仔該下會盡毋暢快（盡毋自然）呢？

【四縣】 （meuˊ meuˊ nginˇ）ngˇ nai mˇ congˋ kuai（mˇ cii ienˇ）noˋ？ ngiongˋ eˇ（〜ngeˇ） tung （ngiongˋ eˇ（〜ngeˇ）mˇ congˋ kuai）？tung giˋ（〜gidˋ）giuˋ eˇ？ nai dab eˋ（〜beˋ）voi tung？ziiˋ ngaiˇ kon aˋ（〜naˋ）。 ngiongˋ eˇ（〜ngeˇ）ga ha voi qin mˇ congˋ kuai（qin mˇ cii ienˇ）noˋ？

【海陸】 meuˋ meuˋ ngin）ngi nai＋ m chongˊ kuaiˇ（m cii＋ rhan）noˇ？ ngiongˊ banˋ（仰般）tung＋ （ngiongˊ banˋ（仰般）m chongˊ kuaiˇ）？ tung＋ giˊ giuˊ leˇ？ nai＋ dabˋ er voi＋ tung＋？zhiˊ ngai konˇ a＋。 ngiongˊ banˋ hin（仰般形）gai ha＋ voi＋ cin＋ m chongˊ kuaiˇ（cin＋ m cii＋ rhan）noˇ？

266. 這樣會太緊嗎？有沒有感覺？這樣會不會太大力？

恁仔（恁樣）會忒緪無？有感覺無？恁仔（恁樣）會忒大力無？

【四縣】 anˋ eˇ（〜neˇ）（anˋ ngiongˇ）voi tedˋ henˇ moˇ？ iuˊ gamˋ gogˋ moˇ？ anˋ eˇ（〜neˇ）（anˋ ngiongˇ）voi tedˋ tai lid moˇ？

【海陸】 anˊ ngiong（恁樣）voi＋ ted hen mo？rhiuˋ gamˊ gog mo？ anˊ ngiong（恁樣）voi＋ ted tai＋ lidˋ mo？

267. 腰椎（頸椎）牽引，拉幾公斤？

拉腰骨（拉頸根骨），愛拉幾多公斤？

【四縣】 laiˊ ieuˊ gudˋ（laiˊ giangˋ ginˊ gudˋ）， oi laiˊ giˋ（〜gidˋ）doˊ gungˊ ginˊ？

【海陸】 laiˋ rhauˋ gud（laiˋ giangˊ ginˋ gud）， oiˇ laiˋ giˊ doˋ gungˋ ginˋ？

268. 治療過程中若有不舒服要講。

治療當中係講有哪毋暢快（毋自然）定著要講。

【四縣】 cii liauˇ dongˊ zungˊ he gongˋ iuˊ nai mˇ congˋ kuai（mˇ cii ienˇ）tin cog oi gongˋ。

【海陸】 chi＋ liau dongˋ zhungˋ heˇ gongˊ rhiuˋ nai＋ m chongˊ kuaiˇ（m cii＋ rhan）tin＋ chogˋ oiˇ gongˊ。

269. 你的體重多少？腰（頸）椎牽引起始重量為1/4(1/7)體重，每三天增加一公斤，最多可加至體重1/2(1/4)。在治療期間你需記下此一重量。

請問你幾重仔？一開始（頭下碼）拉腰骨（拉頸根骨）係拉體重个四分之一（七分之一）重。三日加一公斤重，最多做得加到體重个一半（四分之一）。治療期間逐擺增加幾重仔愛詳細寫（記）下來。

【四縣】 qiangˋ mun ngˇ giˋ（〜gidˋ）cungˊ eˋ（〜ngeˋ）？ idˋ koiˊ siiˋ（teuˇ ha maˊ）laiˊ ieuˊ gudˋ（laiˊ giangˋ ginˊ gudˋ）he laiˊ tiˋ cungˊ gie（〜nge）xi funˊ ziiˊ idˋ（qidˋ funˊ ziiˊ idˋ）cungˊ。 samˊ ngidˋ gaˊ idˋ gungˊ ginˊ cungˊ， zui doˊ zo dedˋ gaˊ do tiˋ cungˊ gie（〜nge）idˋ ban （xi funˊ ziiˊ idˋ）。 cii liauˇ kiˇ gienˊ dagˋ baiˋ zen gaˊ giˋ（〜gidˋ）cungˊ eˋ（〜ngeˋ）oi xiongˇ se xiaˋ（gi）haˊloiˇ。

【海陸】 ciangˊ munˇ ngi giˊ chungˋ？ rhid koiˋ shiˊ（teu ha＋ maˋ）laiˋ rhauˋ gud（laiˋ giangˊ ginˋ gud）heˇ laiˋ tiˊ chungˋ gaiˇ siˇ funˋ ziiˋ rhid（cid funˋ ziiˋ rhid） chungˋ。 samˋ ngid gaˋ rhid gungˋ ginˋ chungˋ， zuiˇ doˋ zoˇ ded gaˋ doˇ tiˊ chungˋ gaiˇ rhid banˇ （siˇ funˋ ziiˋ rhid）。 chi＋ liau ki gienˋ dag baiˊ zenˇ gaˋ giˊ chungˋ oiˇ siong seˇ siaˊ（giˇ）haˋ loi。

或：請問你幾重仔？一開始拉腰骨（拉頸根骨）正做得拉體重4股个1股（7股个1股）恁重。三日加一公斤重，盡多做得加到體重个一半（四分之一）。治療期間愛寫（記）詳細逐擺增加幾重仔。

【四縣】 or：qiangˋ mun ngˇ giˋ（〜gidˋ）cungˊ eˋ（〜ngeˋ）？ idˋ koiˊ siiˋ laiˊ ieuˊ gudˋ（laiˊ giangˋ ginˊ gudˋ） zang zo dedˋ laiˊ tiˋ cungˊ xi guˋ gie（〜e）idˋ guˋ （qidˋ guˋ gie（〜e）idˋ guˋ）anˋ cungˊ。 samˊ ngidˋ gaˊ idˋ gungˊ ginˊ cungˊ， qin doˊ zo dedˋ gaˊ do tiˋ cungˊ gie（〜nge）idˋ ban （xi funˊ ziiˊ idˋ）。 cii liauˇ kiˇ gienˊ oi xiaˋ（gi）xiongˇ se dagˋ baiˋ zen gaˊ giˋ（〜gidˋ）cungˊ eˋ（〜ngeˋ）。

【海陸】 ciangˊ munˇ ngi giˊ chungˋ？ rhid koiˋ shiˊ laiˋ rhauˋ gud（laiˋ giangˊ ginˋ gud） zhangˇ zoˇ ded laiˋ tiˊ chungˋ siˇ guˊ gaiˇ rhid guˊ （cid guˊ gaiˇ rhid guˊ）anˊ chungˋ。 samˋ ngid gaˋ rhid gungˋ ginˋ chungˋ， cin＋ doˋ zoˇ ded gaˋ doˇ tiˊ chungˋ gaiˇ rhid banˇ （siˇ funˋ ziiˋ rhid）。 chi＋ liau ki gienˋ oiˇ siaˊ（giˇ）siong seˇ dag baiˊ zenˇ gaˋ giˊ（〜gid）chungˋ。

270. 你是什麼職業的？之前做過什麼樣的治療？

請問你做（食）麼个頭路？先前識做過仰仔个（哪種）治療呢？

【四縣】 qiangˋ mun ngˇ zo（siid）maˋ ga teuˇ lu？ xienˊ qienˇ siidˋ zo go ngiongˋ eˇ（〜ngeˇ）gie（〜ie）（nai zungˋ）cii liauˇ noˋ？

【海陸】 ciangˊ munˇ ngi zoˇ（shidˋ）maˊ gaiˇ teu lu＋？ sienˋ cien shid zoˇ goˇ ngiongˊ banˋ（仰般）gaiˇ（nai＋ zhungˊ） chi＋ liau noˇ？

271. 熱敷若覺得太燙，要動一動，或請治療師加毛巾。

搭燒係試着忒燒，愛徙位，無就請治療師加條面帕。

【四縣】 dab seuˊ he cii doˋ tedˋ seuˊ，oi saiˋ vi， moˇ qiu qiangˋ cii liauˇ siiˊ gaˊ tiauˇ mien pa。

【海陸】 dabˋ shauˋ heˇ chiˇ doˊ ted shauˋ，oiˇ saiˊ vui＋， mo ciu＋ ciangˊ chi＋ liau siiˋ gaˋ tiau mienˇ paˇ。

272. 做短波過程中，若覺得太燙要告知治療師，它正常的感覺是溫溫的。

做短波該下，係試着忒燒，愛同治療師講，做這照常來講會試着燒hoˇ燒hoˇ仔（正常个感覺係溫燒溫燒仔、一般會試着溫燒溫燒仔）。

【四縣】zo donˋ boˊ ga ha，he cii doˋ tedˋ seuˊ， oi tungˇ cii liauˇ siiˊ gongˋ， zo iaˋ zeu songˇ loiˇ gongˋ voi cii doˋ seuˊ hoˇ seuˊ hoˇ eˋ （ziin songˇ gie（〜nge）gamˋ gogˋ he vunˊ seuˊ vunˊ seuˊ eˋ、 idˋ banˊ voi cii doˋ vunˊ seuˊ vunˊ seuˊ eˋ）。

【海陸】 zoˇ donˊ boˋ gai ha＋，heˇ chiˇ doˊ ted shauˋ， oiˇ lauˋ（摎）chi＋ liau siiˋ gongˊ， zoˇ liaˊ zhauˇ shong loi gongˊ voi＋ chiˇ doˊ shauˋ ho shauˋ ho （zhinˇ shong gaiˇ gamˊ gog heˇ（正常个感覺係） voi＋ chiˇ doˊ vunˋ shauˋ vunˋ shauˋ）。

273. 做什麼樣的角度會痛？休息會不會好一點，是怎樣類型的痛法。

你測着係仰仔个角度正會痛？係仰仔痛呢？尞一下仔會較好（較爭、較得）兜仔無？

【四縣】 ngˇ zedˋ doˋ he ngiongˋ eˇ（〜ngeˇ）gie（〜ie）gogˋ tu zang voi tung？ he ngiongˋ eˇ（〜ngeˇ）tung noˋ？ liau idˋ ha eˋ voi ka hoˋ（ka zangˊ、ka dedˋ）deuˊ eˋ moˇ？

【海陸】ngi zed doˊ heˇ ngiongˊ banˋ（仰般）gaiˇ gog tu＋ zhangˇ voi＋ tung＋？ heˇ ngiongˊ banˋ（仰般）tung＋ noˇ？ liau＋ rhid ha＋ voi＋ haˇ hoˊ（haˇ zangˋ、haˇ ded）deuˋ er mo？