醫學教育部
醫護客語 / 13.內科門診對話
【狀況一】Situation 1
【cong kongˋ idˋ】/【cong＋ kongˊ rhid】
【四縣】
【海陸】
| 399. XX先生／小姐，輪到你看診囉！麻煩你的健保卡給我，謝謝！ |
| ○○先生／小姐，輪着你看lioˊ（換你看lioˊ）！麻煩若健保卡分，恁仔細！ |
| 【四縣】 meuˊ meuˊ xinˊ sangˊ/seuˋ jiˋ， linˇ（lunˇ）doˋ ngˇ kon lioˊ（von ngˇ kon lioˊ）！ maˇ fanˇ ngiaˊ kien boˋ kaˋ bunˊ ngaiˇ，anˋ ziiˋ se！ |
| 【海陸】 meuˋ meuˋ sinˋ sangˋ/siauˊ ziˊ， lun（lin）doˊ ngi konˇ lioˊ（von＋ ngi konˇ lioˊ）！ ma fan ngi gaiˇ（你个）kien＋ boˊ kaˊ bunˋ ngai， shin mung ngi（承蒙你）！ |
| 400.看完診後，請你拿單子去一樓的批價櫃檯繳費，繳完費後去二樓X光室照個片子，之後再回來這裏。 |
| 等下看好吔，請你拿等單仔去一樓个批價櫃檯繳錢，繳好吔去二樓X光室照光線，好吔正再過倒轉來這。 |
| 【四縣】 denˋ ha kon hoˋ eˇ， qiangˋ ngˇ naˊ denˋ danˊ eˋ（〜neˋ）hi idˋ leuˇ gie（〜e） piˊ ga kui toiˇ gieuˋ qienˇ， gieuˋ hoˋ eˇ hi ngi leuˇ X gongˊ siidˋ zeu gongˊ xien， hoˋ eˇ zang zai go do zonˋ loiˇ iaˋ。 |
| 【海陸】 denˊ ha＋ konˇ hoˊ leˇ， ciangˊ ngi naˋ denˊ danˋ er hiˇ rhid leu gaiˇ piˋ gaˇ kui＋ toi giauˊ cien， giauˊ hoˊ leˇ hiˇ ngi＋ leu X gongˋ shid zhau tien＋ gongˋ（照電光）， hoˊ leˇ zhangˇ zaiˇ goˇ doˇ zhonˊ loi liaˊ。 |
| 401. 請你拿單子去一樓的批價櫃檯繳費，繳完費後到隔壁的檢驗室抽血，就可以去藥局領藥了。 |
| 請你拿等單仔去一樓个批價櫃檯繳錢，繳好吔去隔壁个檢驗室抽血，好吔再過過去藥局領藥仔。 |
| 【四縣】qiangˋ ngˇ naˊ denˋ danˊ eˋ（〜neˋ）hi idˋ leuˇ gie（〜e） piˊ ga kui toiˇ gieuˋ qienˇ， gieuˋ hoˋ eˇ hi gagˋ biagˋ gie（〜e）giamˋ ngiam siidˋ cuˊ hiedˋ， hoˋ eˇ zai go go hi iog kiug liangˊ iog eˋ。 |
| 【海陸】 ciangˊ ngi naˋ denˊ danˋ er hiˇ rhid leu gaiˇ piˋ gaˇ kui＋ toi giauˊ cien， giauˊ hoˊ leˇ hiˇ gag biag gaiˇ giamˊ ngiam＋ shid chiuˋ hied， hoˊ leˇ zaiˇ goˇ goˇ hiˇ rhogˋ kiugˋ liangˋ rhogˋ er。 |
| 402. 請你去一樓批價，批價完後記得去藥局領藥哦！ |
| 請你去一樓批價，批價好吔愛記得去藥局領藥仔喔。 |
| 【四縣】 qiangˋ ngˇ hi idˋ leuˇ piˊ ga， piˊ ga hoˋ eˇ oi gi dedˋ hi iog kiug liangˊ iog eˋ oˊ（〜ioˊ）。 |
| 【海陸】 ciangˊ ngi hiˇ rhid leu piˋ gaˇ， piˋ gaˇ hoˊ leˇ oiˇ giˇ ded hiˇ rhogˋ kiugˋ liangˋ rhogˋ er oˊ。 |
【狀況二】Situation 2
【cong kongˋ ngi】/【cong＋ kongˊ ngi＋】
【四縣】
【海陸】
| 403. 你下次複診的時間是下星期二上午，不要忘記囉！ |
| 你下二到愛倒轉來看（複診）个時間係下二禮拜二（下二星期二），愛記得喔！ |
| 【四縣】 ngˇ ha ngi do oi do zonˋ loiˇ kon（fug ziinˊ）gie（〜ne）siiˇ gienˊ he ha ngi liˊ bai ngi（ha ngi senˊ kiˇ ngi）， oi gi dedˋ oˊ（〜loˊ）！ |
| 【海陸】 ngi ha＋ ngi＋ doˇ oiˇ doˇ zhonˊ loi konˇ（fugˋ zhinˊ）gaiˇ shi gienˋ heˇ ha＋ ngi＋ liˋ baiˇ ngi＋（ha＋ ngi＋ senˋ ki ngi＋）， oiˇ giˇ ded oˊ（〜loˊ）！ |
| 404.複診前需要先抽血檢查，請記得前一天晚上十二點以後就不要吃東西了，連水都不能喝哦！ |
| 倒轉來看（複診）該下愛先抽血檢查，請記得前一暗晡（頭一暗晡）十二點過後就做毋得食東西，連滾水（茶）都毋好啉（食）喔！ |
| 【四縣】 do zonˋ loiˇ kon（fug ziinˊ）ga ha oi xienˊ cuˊ hiedˋ giamˋ caˇ， qiangˋ gi dedˋ qienˇ idˋ am buˊ（teuˇ idˋ am buˊ） siib ngi diamˋ go heu qiu zo mˇ dedˋ siid dungˊ xiˊ， lienˇ gunˋ suiˋ（caˇ）du mˇ hoˋ（〜moˋ）limˊ（siid）oˊ （〜moˊ/〜loˊ）！ |
| 【海陸】 doˇ zhonˊ loi konˇ（fugˋ zhinˊ）gai ha＋ oiˇ senˋ chiuˋ hied giamˊ ca， ciangˊ giˇ ded cien rhid amˇ buˋ（teu rhid amˇ buˋ） shibˋ ngi＋ diamˊ goˇ heu＋ ciu＋ zoˇ m ded shidˋ dungˋ siˋ， lien gunˊ shuiˊ（ca）du＋ m hoˊ limˋ（shidˋ）oˊ！ |
| 405. 好，謝謝！ |
| 好，恁仔細！ |
| 【四縣】hoˋ，anˋ ziiˋ se！ |
| 【海陸】 hoˊ，shin mung ngi（承蒙你）！ |
【狀況三】Situation 3
【cong kongˋ samˊ】/【cong＋ kongˊ samˋ】
【四縣】
【海陸】
| 406. 你的血糖指數還是有點偏高，所以要記得按時吃藥，要遵照營養師的指示進食。 |
| 若血糖指數還係有較高兜仔（有兜仔偏高），故所愛記得照時間食藥仔，還愛照等營養師个指示來食東西（藥仔愛照時間食，食東西乜愛照營養師个指示）。 |
| 【四縣】 ngiaˊ hiedˋ tongˇ ziiˋ su hanˇ he iuˊ ka goˊ deuˊ eˋ （iuˊ deuˊ eˋ pienˊ goˊ），gu soˋ oi gi dedˋ zeu siiˇ gienˊ siid iog eˋ， hanˇ oi zeu denˋ inˇ iongˊ siiˊ gie（〜e）ziiˋ sii loiˇ siid dungˊ xiˊ （iog eˋ oi zeu siiˇ gienˊ siid， siid dungˊ xiˊ me oi zeu inˇ iongˊ siiˊ gie（〜e）ziiˋ sii）。 |
| 【海陸】 ngi gaiˇ（你个）hied tong zhiˊ suˇ han heˇ rhiuˋ haˇ goˋ deuˋ er （rhiuˋ deuˋ pienˋ goˋ）， soˊ rhiˋ（所以）oiˇ giˇ ded zhauˇ shi gienˋ shidˋ rhogˋ er， han oiˇ zhauˇ denˊ rhin rhongˋ siiˋ gaiˇ zhiˊ shi＋ loi shidˋ dungˋ siˋ （rhogˋ er oiˇ zhauˇ shi gienˋ shidˋ， shidˋ dungˋ siˋ meˇ oiˇ zhauˇ rhin rhongˋ siiˋ gaiˇ zhiˊ shi＋）。 |
| 407.還有，冬天要到了，要注意足部的保暖，要多攝取水份。 |
| 還有（還過），寒天會到了，愛注意腳愛畀有燒（腳部个保暖），愛食加一息仔滾水（愛多啉兜仔茶）。 |
| 【四縣】 hanˇ iuˊ（hanˇ go），honˇ tienˊ voi do eˇ， oi zu i giogˋ oi biˋ iuˊ seuˊ（giogˋ pu gie（〜e）boˋ nonˊ）， oi siid gaˊ idˋ xid eˋ（〜leˋ） gunˋ suiˋ（oi doˊ limˊ deuˊ eˋcaˇ）。 |
| 【海陸】 han rhiuˋ（han goˇ），langˋ tienˋ（冷天）voi＋ doˇ leˇ， oiˇ zhuˇ rhiˇ giog oiˇ bunˋ gi（分佢）rhiuˋ shauˋ （giog pu＋ gaiˇ boˊ nonˋ）， oiˇ shidˋ gaˋ rhid sid er gunˊ shuiˊ（oiˇ doˋ limˋ deuˋ ca）。 |
| 408. 如有噁心，嘔吐或發燒時，不可任意停藥，應立即回來就診。 |
| 係講會反胃、噎酸，想愛翻（想愛嘔）抑係會發燒，做毋得（毋好）儘採摎食等个藥仔停忒，愛跈等倒轉來分先生看。 |
| 【四縣】he gongˋ voi fanˋ vi、ed sonˊ，xiongˋ oi ponˊ（xiongˋ oi euˋ） ia he voi fadˋ seuˊ，zo mˇ dedˋ（mˇ hoˋ（〜moˋ）） qinˋ caiˋ lauˊ siid denˋ gie（〜ne）iog eˋ tinˇ tedˋ，oi tenˇ denˋ do zonˋ loiˇ bunˊ xinˊ sangˊ kon。 |
| 【海陸】 heˇ gongˊ voi＋ fanˊ vui＋、edˋ sonˋ， siongˊ oiˇ euˊ（siongˊ oiˇ ponˋ） rha＋ heˇ voi＋ fad shauˋ（zog shauˋ）， zoˇ m ded（m hoˊ） cinˊ caiˊ lauˋ shidˋ denˊ gaiˇ rhogˋ er tin ted， oiˇ ngiam shi（黏時）doˇ zhonˊ loi bunˋ sinˋ sangˋ konˇ。 |
| 409. 規律的體格鍛鍊可以增加身體各類細胞對胰島素的反應，使血糖更容易受到控制，因此建議你要保持規律運動的習慣。 |
| 規律个體格鍛鍊會增加體內各種細胞對胰島素个反應，血糖會還較好控制，故所建議你愛保持規律運動个習慣。 |
| 【四縣】guiˊ lid gie（〜le）tiˋ giedˋ ton lien voi zen gaˊ tiˋ nui gogˋ zungˋ se bauˊ dui iˇ doˋ su gie（〜e）fanˋ in， hiedˋ tongˇ voi hanˇ ka hoˋ kungˋ zii， gu soˋ gien ngi ngˇ oi boˋ ciiˇ guiˊ lid iung tung gie（〜nge）xib guan。 |
| 【海陸】 guiˋ ludˋ gaiˇ tiˊ gied ton＋ lien＋ voi＋ zenˇ gaˋ tiˊ nui＋ gog zhungˊ seˇ bauˋ duiˇ rhi doˊ suˇ gaiˇ fanˊ rhinˇ， hied tong voi＋ han haˇ hoˊ kungˊ zhiˇ， soˊ rhiˋ（所以）gienˇ ngi＋ ngi oiˇ boˊ chi guiˋ ludˋ rhung＋ tung＋ gaiˇ sibˋ guanˇ。 |
| 410. 不過，在運動前要先作體格檢查，例如運動心電圖，視網膜檢查，自主神經檢查等，以確定那一些運動是適合做的。 |
| 毋過，運動前愛先做身體（康健）檢查，比論講像運動心電圖，視網膜檢查，自主神經檢查這兜，來確定做哪兜運動會較妥當（較適當、較合適、較好）。 |
| 【四縣】mˇ go，iung tung qienˇ oi xienˊ zo siinˊ tiˋ（kongˊ kien）giamˋ caˇ， biˋ lun gongˋ qiong iung tung ximˊ tien tuˇ， sii miongˋ mog giamˋ caˇ， cii zuˋ siinˇ ginˊ giamˋ caˇ iaˋ deuˊ， loiˇ kogˋ tin zo nai deuˊ iung tung voi ka toˇ dong（ka didˋ dongˊ、ka hab siidˋ、ka hoˋ）。 |
| 【海陸】 m goˇ，rhung＋ tung＋ cien oiˇ senˋ zoˇ shinˋ tiˊ（kongˋ kien＋）giamˊ ca， biˊ lun＋ gongˊ ciongˇ rhung＋ tung＋ simˋ tien＋ tu， shi＋ miongˊ mogˋ giamˊ ca， cii＋ zhuˊ shin ginˋ giamˊ ca liaˊ deuˋ， loi kog tin＋ zoˇ nai＋ deuˋ rhung＋ tung＋ voi＋ haˇ did dongˇ （haˇ to dongˋ、haˇ habˋ shid、haˇ hoˊ）。 |
【狀況四】Situation 4
【cong kongˋ xi】 /【cong＋ kongˊ siˇ】
【四縣】
【海陸】
| 411. 小姐，我血壓高有什麼要注意的事嗎？ |
| 小姐（細阿姐仔），血壓高有麼个愛注意个無呢？ |
| 【四縣】 seuˋ jiˋ（se aˊ jiˋ eˇ）， ngaiˇ hiedˋ abˋ goˊ iuˊ maˋ ga oi zu i gie（〜ie）moˇ noˋ？ |
| 【海陸】 siauˊ ziˊ（seˇ a＋ ze）， ngai hied ab goˋ rhiuˋ maˊ gaiˇ oiˇ zhuˇ rhiˇ gaiˇ mo noˇ？ |
| 412.你要定期看醫生檢查血壓，最好自己學會量血壓！一定要按照醫師指示吃藥，千萬不可自行增減藥量。 |
| 你愛定期去分先生（醫生）看，檢查血壓；盡好自家學會磅血壓！定著愛照先生（醫生）个指示來食藥仔，千萬毋好自家儘採加食抑係少食。 |
| 【四縣】 ngˇ oi tin kiˇ hi bunˊ xinˊ sangˊ（iˊ senˊ）kon， giamˋ caˇ hiedˋ abˋ； qin hoˋ cii（〜qid）gaˊ hog voi bongˇ hiedˋ abˋ！ tin cog oi zeu xinˊ sangˊ（iˊ senˊ）gie（〜ne）ziiˋ sii loiˇ siid iog eˋ， qienˊ van mˇ hoˋ（〜moˋ）cii（〜qid）gaˊ qinˋ caiˋ gaˊ siid ia he seuˋ siid。 |
| 【海陸】 ngi oiˇ tin＋ ki hiˇ bunˋ sinˋ sangˋ（rhiˋ senˋ）konˇ， giamˊ ca hied ab；cin＋ hoˊ cid gaˋ hogˋ voi＋ bongˇ hied ab！ tin＋ chogˋ oiˇ zhauˇ sinˋ sangˋ（rhiˋ senˋ）gaiˇ zhiˊ shi＋ loi shidˋ rhogˋ er， cienˋ van＋ m hoˊ cid gaˋ cinˊ caiˊ gaˋ shidˋ rha＋ heˇ shauˊ shidˋ。 |
| 413. 少吃肝、豬油等高脂肪食物，炒菜改用沙拉油，可適量吃瘦肉、豆腐等，鹽的量要減少為原來的一半。 |
| 少食肝、豬油這兜高油分（高脂肪）食物，炒菜改用沙拉油（改用沙拉油來炒菜），食兜仔腈豬肉、豆腐這兜毋怕（無要緊），莫食恁鹹，鹽愛放比平常少一半。 |
| 【四縣】seuˋ siid gonˊ、zuˊ iuˇ iaˋ deuˊ goˊ iuˇ fun（goˊ ziiˊ fongˇ）siid vud， cauˋ coi goiˋ iung saˊ la iuˇ （goiˋ iung saˊ laˊ iuˇ loiˇ cauˋ coi）， siid deuˊ eˋ jiangˊ zuˊ ngiugˋ、teu fu iaˋ deuˊ mˇ pa（moˇ ieu ginˋ）， mog siid anˋ hamˇ，iamˇ oi biong biˋ pinˇ songˇ seuˋ idˋ ban。 |
| 【海陸】 shauˊ shidˋ gonˋ、zhuˋ rhiu liaˊ deuˋ goˋ rhiu fun＋（goˊ zhiˋ fong）shidˋ vudˋ， cauˊ coiˇ goiˊ rhung＋ saˋ laˋ rhiu （goiˊ rhung＋ saˋ laˋ rhiu loi cauˊ coiˇ）， shidˋ deuˋ seuˇ zhuˋ ngiug（瘦豬肉、seuˇ ngiug（瘦肉）、 jiang zhuˋ ngiug（腈豬肉））、teu＋ fu＋ liaˊ deuˋ m paˇ（mo rhauˇ ginˊ）， mogˋ shidˋ anˊ ham， rham oiˇ biongˇ biˊ pin shong shauˊ rhid banˇ。 |
| 414. 要持續不斷的做適量運動，如體操、散步、伸展筋骨等；要記得維持輕鬆的心情，凡事不急不躁，心平氣和，這樣血壓才不會上升。 |
| 愛有耐心繼續做兜仔運動（愛有耐心做運動，毋好三日打魚四日曬網），像做體操、散步、伸筋骨這兜；記得心情愛保持輕鬆，做麼个就毋好忒鬥緊亂zau zau仔（緊搐搐仔抹籮抹），心肝放畀在來，悠悠仔做，恁樣血壓正毋會擎起來。 |
| 【四縣】oi iuˊ nai ximˊ gi xiug zo deuˊ eˋ iung tung| （oi iuˊ nai ximˊ zo iung tung， mˇ hoˋ（〜moˋ）samˊ ngidˋ daˋ ngˇ xi ngidˋ sai miongˋ）， qiong zo tiˋ cauˊ、san pu、cunˊ ginˊ gudˋ iaˋ deuˊ； gi dedˋ ximˊ qinˇ oi boˋ ciiˇ kiangˊ sungˊ， zo maˋ ga qiu mˇ hoˋ（〜moˋ）tedˋ deu ginˋ lon zau zau eˋ （ginˋ cug cug eˋ miˇ loˇ miˇ cad）、 ximˊ gonˊ biong biˋ cai loiˇ，iuˇ iuˇ eˇ zo， anˋ ngiongˇ hiedˋ abˋ zang mˇ voi（〜moi）kiaˇ hiˋ loiˇ。 |
| 【海陸】 oiˇ rhiuˋ nai＋ simˋ giˇ siugˋ（繼續） zoˇ deuˋ rhung＋ tung＋ （oiˇ rhiuˋ nai＋ simˋ zoˇ rhung＋ tung＋， m hoˊ samˋ ngid daˊ ng siˇ ngid saiˇ miongˊ）， ciongˇ zoˇ tiˊ cauˋ、sanˇ pu＋、chunˋ ginˋ gud liaˊ deuˋ； giˇ ded simˋ cin oiˇ boˇ chi kiangˋ sungˋ， zoˇ maˊ gaiˇ ciu＋ m hoˊ ted deuˇ ginˊ ginˊ cug cug er（緊慉慉仔）、 simˋ gonˋ biongˇ bunˋ gi（分佢）cai＋ loi，rhiu rhiu er zoˇ，anˊ ngiong hied ab zhangˇ m voi＋ kia hiˊ loi。 |
【狀況五 Situation 5】
【cong kongˋ ngˋ】/【cong＋ kongˊ ngˊ】
【四縣】
【海陸】
| 415. 你消化性潰瘍的情形還沒有很嚴重，除了按時吃藥及回診外，有些日常生活的習慣也要注意。 |
| 若消化性潰瘍還毋係異嚴重（異厲害），除忒愛照時間食藥仔摎倒轉來分先生（醫生）看以外，有兜日常生活个習慣乜愛注意（乜愛注意其他日常生活个習慣）。 |
| 【四縣】 ngiaˊ seuˊ fa xin kui iongˇ hanˇ mˇ he（〜me）i ngiamˇ cung（li hoi）， cuˇ tedˋ oi zeu siiˇ gienˊ siid iog eˋ lauˊ do zonˋ loiˇ bunˊ xinˊ sangˊ（iˊ senˊ）kon iˊ ngoi， iuˊ deuˊ ngidˋ songˇ senˊ fad gie（〜le）xib guan me oi zu i （me oi zu i kiˇ taˊ ngidˋ songˇ senˊ fad gie（〜le）xib guan）。 |
| 【海陸】 ngi gaiˇ（你个）siauˋ faˇ sinˇ kuiˇ rhong han m heˇ rhiˋ ngiam chung＋（li＋ hoi＋）， chu ted oiˇ zhauˇ shi gienˋ shidˋ rhogˋ er lauˋ doˇ zhonˊ loi bunˋ sinˋ sangˋ（rhiˋ senˋ）konˇ rhiˋ ngoi＋， rhiuˋ deuˋ ngid shong senˋ fadˋ gaiˇ sibˋ guanˇ meˇ oiˇ zhuˇ rhiˇ （meˇ oiˇ zhuˇ rhiˇ ki taˋ ngid shong senˋ fadˋ gaiˇ sibˋguanˇ）。 |
| 416.避免刺激性食物，如：煙、酒、咖啡、調味料，養成良好的飲食習慣。三餐定時定量，細嚼慢嚥。 |
| 盡量莫食刺激性个東西，像：煙、酒、咖啡、調味料。愛養成好个飲食習慣。三餐愛定時定量，定定仔噍綿來正吞落去。 |
| 【四縣】 qin liong mog siid qiugˋ gidˋ xin gie（〜ne）dungˊ xiˊ，qiong：ienˊ、jiuˋ、gaˊ biˊ、tiauˇ mi liau。oi iongˊ siinˇ hoˋ gie（〜e）imˋ siid xib guan。samˊ conˊ oi tin siiˇ tin liong， tin tin eˋ（〜neˋ）ceu mienˇ loiˇ zang tunˊ log hi。 |
| 【海陸】 cin＋ liong＋ mogˋ shidˋ ciug gid sinˇ gaiˇ dungˋ siˋ， ciongˇ：rhanˋ、ziuˊ、gaˋ biˋ、tiau mui＋ liau＋。 oiˇ rhongˋ shin hoˊ gaiˇ rhimˊ shidˋ sibˋ guanˇ。 samˋ conˋ oiˇ tin＋ shi tin＋ liong＋， tin＋ tin＋ er ciauˇ mien loi zhangˇ tunˋ logˋ hiˇ。 |
| 417. 此外，生活要規律，避免緊張。進食前後要有卅分鐘之休息，避免過冷過熱、纖維太粗及生食。如有吐血、腹痛加劇、解黑便等危急狀況，要立即返院診治。 |
| 另外，生活愛正常，莫緊張。食飯前後愛尞三十分鐘，莫食忒冷無就忒燒、忒硬絲（纖維忒粗）同（摎）生生个東西。係講有翻血（嘔血）、肚屎加當痛、屙烏屎這兜危急个情形，愛跈等倒轉來醫院分先生（醫生）看。 |
| 【四縣】 nang ngoi，senˊ fad oi ziin songˇ，mog ginˋ zongˊ。 siid fan qienˇ heu oi liau samˊ siib funˊ zungˊ， mog siid tedˋ langˊ moˇ qiu tedˋ seuˊ、 tedˋ ngang siiˊ（xiamˇ viˇ tedˋ cuˊ） tungˇ（lauˊ）sangˊ sangˊ gie（〜nge）dungˊ xiˊ。 he gongˋ iuˊ ponˊ hiedˋ（euˋ hiedˋ）、duˋ siiˋ gaˊ dongˊ tung、oˊvuˊ siiˋ iaˋ deuˊ nguiˇ gibˋ gie（〜be）qinˇ hinˇ， oi tenˇ denˋ do zonˋ loiˇ iˊ ien bunˊ xinˊ sangˊ（iˊ senˊ）kon。 |
| 【海陸】 nangˇ ngoi＋，senˋ fadˋ oiˇ zhinˇ shong，mogˋ ginˊ zhongˋ。 shidˋ pon＋ cien heu＋ oiˇ liau＋ samˋ shibˋ funˋ zhungˋ， mogˋ shidˋ ted langˋ mo ciu＋ ted shauˋ、 ted ngang＋ siˋ（siam vui ted cuˋ） lauˋ（摎）sangˋ sangˋ gaiˇ dungˋ siˋ。 heˇ gongˊ rhiuˋ euˊ hied（ponˋ hied）、 duˊ shiˊ gaˋ dongˋ tung＋、 oˋ vuˋ shiˊ liaˊ deuˋ ngui（〜mui）gib gaiˇ cin hin， oiˇ ngiam shi（黏時）doˇ zhonˊ loi rhiˋ rhanˇ bunˋ sinˋ sangˋ（rhiˋ senˋ）konˇ。 |