醫學教育部
醫護客語 / 14.外科門診
【狀況一】Situation 1
【cong kongˋ idˋ】/【cong＋ kongˊ rhid】
【四縣】
【海陸】
| 418.你的傷口要小心，一個星期內都不要碰到水哦！ |
| 愛細義若傷口，一禮拜內都毋好打衊着水喔！ |
| 【四縣】 oi se ngi ngiaˊ songˊ heuˋ， idˋ liˊ bai nui du mˇ hoˋ（〜moˋ）daˋ med doˋ suiˋ oˊ（〜ioˊ）！ |
| 【海陸】 oiˇ seˇ ngi＋ ngi gaiˇ（你个）shongˋ heuˊ， rhid liˋ baiˇ nui＋ du＋ m hoˊ daˊ medˋ doˊ shuiˊ oˊ（〜ioˊ）！ |
| 419.那我還有什麼其他要注意的事嗎？ |
| ngaiˇ還愛注意其他麼个無呢（ngaiˇ還有其他麼个愛注意个無呢）？ |
| 【四縣】 ngaiˇ hanˇ oi zu i kiˇ taˊ maˋ ga moˇ noˋ （ngaiˇ hanˇ iuˊ kiˇ taˊ maˋ ga oi zu i gie（〜ie）moˇ noˋ）？ |
| 【海陸】 ngai han oiˇ zhuˇ rhiˇ ki taˋ maˊ gaiˇ mo noˇ （ngai han rhiuˋ ki taˋ maˊ gaiˇ oiˇ zhuˇ rhiˇ gaiˇ mo noˇ）？ |
| 420.三個月內不要提重物，以免影響傷口癒合；傷口若有紅、腫、熱、痛、排膿，請立即返院處理。 |
| 三隻月內毋好擐重个東西，傷口正會較遽密口（正毋會影響着傷口密口）；傷口係會腫會紅、會喊燒火、會痛、會貢膿，愛遽遽倒轉來醫院處理。 |
| 【四縣】 samˊ zagˋ ngied nui mˇ hoˋ（〜moˋ）kuan cungˊ gie（〜nge）dungˊ xiˊ， songˊ heuˋ zang voi ka giagˋ miˊ heuˋ （zang mˇ voi（〜moi） iangˋ hiongˋ doˋ songˊ heuˋ miˊ heuˋ）； songˊ heuˋ he voi zungˋ voi fungˇ、voi hemˊ seuˊ foˋ ladˋ、 voi tung、voi gung nungˇ， oi giagˋ giagˋ do zonˋ loiˇ iˊ ien cuˋ liˊ。 |
| 【海陸】 samˋ zag ngiedˋ nui＋ m hoˊ kuanˇ chungˋ gaiˇ dungˋ siˋ， shongˋ heuˊ zhangˇ voi＋ haˇ giag miˋ heuˊ （zhangˇ m voi＋ rhangˊ hiongˊ doˊ shongˋ heuˊ miˋ heuˊ）； shongˋ heuˊ heˇ voi＋ zhungˊ voi＋ fung、 voi＋ hemˋ shauˋ foˊ lad、voi＋ tung＋、voi＋ gungˇ nung， oiˇ giag giag doˇ zhonˊ loi rhiˋ rhanˇ chuˊ liˋ。 |
| 421.傷口周圍皮膚癢，切勿用手抓癢，改以輕拍方式，避免感染。 |
| 係講傷口脣項會癢，（因為手紅當大）斯毋好去爪（去掘），輕輕仔拍拍啊就好，正毋會發禍（正毋會發炎、正毋會遰委、正毋會感染着）。 |
| 【四縣】 he gongˋ songˊ heuˋ sunˇ hong voi iongˊ， （inˊ vi suˋ fungˇ dongˊ tai） siiˇ mˇ hoˋ（〜moˋ）hi zauˋ（hi kud）， kiang kiangˊ eˋ（〜ngeˋ）pogˋ pogˋ aˋ qiu hoˋ， zang mˇ voi（〜moi）fadˋ fo （zang mˇ voi（〜moi）fadˋ iamˇ、zang mˇ voi（〜moi）ce ve、 zang mˇ voi（〜moi）gamˋ ngiam doˋ）。 |
| 【海陸】 heˇ gongˊ shongˋ heuˊ shun hong＋ voi＋ hoi（□、rhongˋ）， （rhinˋ vui＋ shiuˊ fung dongˋ tai＋） sii＋（斯）m hoˊ hiˇ zauˊ（hiˇ kudˋ）， kiangˋ kiangˋ er pog pog a＋ ciu＋ hoˊ， zhangˇ m voi＋ fad fung（發紅） （zhangˇ m voi＋ fad rham、zhangˇ m voi＋ ceˇ veˇ 、 zhangˇ m voi＋ gamˊ ngiam＋ doˊ） |
| 422.你的傷口無滲出物且已貼有美容膠，所以返家後不須再換藥，只要保持傷口乾燥即可，等到約7-10天美容膠自然脫落後，再換新的美容膠。 |
| 若傷口無流麼个東西出來，還過又貼等美容黏布，故所轉到屋下毋使換藥仔，斯愛保持傷口畀燥就好，等大概仔（差不多）7到10日美容黏布自然（佢自家）忒吔（過後），正來換過新个。 |
| 【四縣】 ngiaˊ songˊ heuˋ moˇ liuˇ maˋ ga dungˊ xiˊ cudˋ loiˇ， hanˇ go iu diabˋ denˋ miˊ iungˇ ngiamˇ bu， gu soˋ zonˋ do vugˋ haˊ（〜kaˊ）mˇ siiˋ von iog eˋ， sii oi boˋ ciiˇ songˊ heuˋ biˋ zauˊ qiu hoˋ， denˋ tai koiˋ eˇ（〜ieˇ）（caˊ（〜camˊ）mˇ doˊ） qidˋ do siib ngidˋ miˊ iungˇ ngiamˇ bu cii ienˇ（giˇ qid gaˊ）ludˋ tedˋ eˇ（〜leˇ）（go heu）， zang loiˇ von go xinˊ gie（〜ne）。 |
| 【海陸】 ngi gaiˇ（你个）shongˋ heuˊ mo liu maˊ gaiˇ dungˋ siˋ chud loi， han goˇ rhiu＋ dab denˊ muiˋ rhung ngiam buˇ， soˊ rhiˋ（所以）zhonˊ doˇ vug haˋ m siiˊ von＋ rhogˋ er， sii＋ oiˇ boˊ chi shongˋ heuˊ bunˋ gi（分佢）zauˋ ciu＋ hoˊ， denˊ tai＋ koiˊ（caˋ（〜camˋ）m doˋ）cid doˇ shibˋ ngid muiˋ rhung ngiam buˇ cii＋ rhan（gi cid gaˋ）lud ted， zhangˇ loi von＋ goˇ sinˋ gaiˇ。 |
【狀況二】Situation 2
【cong kongˋ ngi】/【cong＋ kongˊ ngi＋】
【四縣】
【海陸】
| 423. 你的傷口有引流管，請隨時保持傷口乾燥、紗布清潔，一般而言每天換藥一次即可。若紗布有滲濕情形，即需隨時更換。 |
| 若傷口項有放透流管，愛隨時保持傷口燥爽、紗布愛淨。一般來講，一日換一到藥仔就好。撿採紗布濕忒吔（滲濕吔），就愛跈等換過。 |
| 【四縣】 ngiaˊ songˊ heuˋ hong iuˊ biong teu liuˇ gonˋ， oi suiˇ siiˇ boˋ ciiˇ songˊ heuˋ zauˊ songˋ、saˊ bu oi qiang。 idˋ banˊ loiˇ gongˋ，idˋ ngidˋ von idˋ do iog eˋ qiu hoˋ。 giamˋ caiˋ saˊ bu siibˋ tedˋ eˇ（〜leˇ）（zam siibˋ eˇ（〜beˇ））， qiu oi tenˇ denˋ von go。 |
| 【海陸】 ngi gaiˇ（你个）shongˋ heuˊ hong＋ rhiuˋ biongˇ teuˇ liu gonˊ， oiˇ sui shi boˊ chi shongˋ heuˊ zauˋ songˊ、saˋ buˇ oiˇ ciang＋。 rhid banˋ loi gongˊ，rhid ngid von＋ rhid doˇ rhogˋ er ciu＋ hoˊ。 giamˊ caiˊ saˋ buˇ shib ted leˇ（zamˇ shib leˇ）， ciu＋ oiˇ ngiam shi（黏時）von＋ goˇ。 |
| 424. 想要觀察傷口情況時，請先徹底洗手，並於掀開紗布過程中，切勿碰觸傷口，傷口仍需保持無菌狀態。 |
| 係愛看傷口，手愛先洗到淨淨，還過掀開紗布該下，定著毋好摸着傷口，正毋會有細菌。 |
| 【四縣】 he oi kon songˊ heuˋ，suˋ oi xienˊ seˋ do qiang qiang， hanˇ go ienˊ koiˊ saˊ bu ga ha， tin cog mˇ hoˋ（〜moˋ）miaˊ doˋ songˊ heuˋ， zang mˇ voi（〜moi）iuˊ se kiunˇ。 |
| 【海陸】 heˇ oiˇ konˇ shongˋ heuˊ， shiuˊ oiˇ senˋ seˊ doˇ ciang＋ ciang＋， han goˇ hienˋ koiˋ saˋ buˇ gai ha＋， tin＋ chogˋ m hoˊ miaˋ doˊ shongˋ heuˊ， zhangˇ m voi＋ rhiuˋ seˇ kiun。 |
| 425. 換藥時，要先用肥皂將手洗乾淨，先用無菌棉花棒沾無菌生理食鹽水，將傷口上分泌物清除乾淨。 |
| 換藥仔該下，手愛先用茶箍洗淨來，先用無菌棉精仔蘸無菌生理食鹽水，同（摎）傷口項流出來个東西清淨來。 |
| 【四縣】 von iog eˋ ga ha，suˋ oi xienˊ iung caˇ guˊ seˋ qiang loiˇ， xienˊ iung vuˇ kiunˇ mienˇ jinˊ eˋ（〜neˋ） jiamˋ vuˇ kiunˇ senˊ liˊ siid iamˇ suiˋ， tungˇ（lauˊ）songˊ heuˋ hong liuˇ cudˋ loiˇ gie（〜ie）dungˊ xiˊ qinˊ qiang loiˇ。 |
| 【海陸】 von＋ rhogˋ er gai ha＋， shiuˊ oiˇ senˋ rhung＋ ca guˋ seˊ ciang＋ loi， senˋ rhung＋ vu kiun mien zinˋ er（〜ner） vunˇ（搵）vu kiun senˋ liˋ shidˋ rham shuiˊ， lauˋ（摎）shongˋ heuˊ hong＋ liu chud loi gaiˇ dungˋ siˋ cinˋ ciang＋ loi。 |
| 426.之後再用無菌棉籤沾優碘藥水，以傷口處為中心，由內往外環形擦拭（半徑至少比傷口寬5公分），千萬不要來回反覆擦拭哦！ |
| 再過用無菌棉精仔蘸優碘藥水（ioˇ do jinˋ kiˇ），對傷口中央向外捩圈仔膏往出（半徑至少（詳少）愛比傷口闊5公分），千萬毋好緊膏啊來又膏啊去喔（來回反覆緊膏喔）！ |
| 【四縣】 zai go iung vuˇ kiunˇ mienˇ jinˊ eˋ（〜neˋ） jiamˋ iuˇ dienˋ iog suiˋ（ioˇ do jinˋ kiˇ）， dui songˊ heuˋ dungˊ ongˊ hiong ngoi lidˋ kienˊ eˋ（〜neˋ） goˇ gongˊ cudˋ （ban gin zii seuˋ（xiongˇ seuˋ）oi biˋ songˊ heuˋ fadˋ ngˋ gungˊfunˊ）， qienˊ van mˇ hoˋ（〜moˋ）ginˋ goˇ a loiˇ iu goˇ a hi oˊ（〜ioˊ）（loiˇ fiˇ fanˋ fug ginˋ goˇ o）！ |
| 【海陸】 zaiˇ goˇ rhung＋ vu kiun mien zinˋ er（〜ner） vunˇ（搵）rhiu dienˊ rhogˋ shuiˊ（ioˇ do zinˋ kiˇ）， duiˇ shongˋ heuˊ dungˋ ongˋ hiongˇ ngoi＋ lid kienˋ er go gongˋ cud （banˇ ginˇ zhiˇ shauˊ（siong shauˊ）oiˇ biˊ shongˋ heuˊ fad ngˊgungˋ funˋ）， cienˋ van＋ m hoˊ ginˊ go a＋ loi rhiu＋ go a＋ hiˇ oˊ（〜ioˊ） （loi fui fanˊ fugˋ ginˊ go o）！ |
| 427.最後用棉籤沾生理食鹽水擦拭引流管前端後，再以水溶性優碘擦拭前端一次，再用紗布包起來就可以了。 |
| 盡尾用棉精仔蘸生理食鹽水同（摎）透流管頭截捽捽啊哩，再過用水溶性優碘捽一到，還過用紗布包摎佢起來就好吔。 |
| 【四縣】 qin miˊ iung mienˇ jinˊ eˋ（〜neˋ）jiamˋ senˊ liˊ siid iamˇ suiˋ tungˇ（lauˊ）teu liuˇ gonˋ teuˇ jiedˋ cud cud aˋ leˇ， zai go iung suiˋ iungˇ xin iuˇ dienˋ cud idˋ do， hanˇ go iung saˊ bu lauˊ giˇ bauˊ hiˋ loiˇ qiu hoˋ eˇ。 |
| 【海陸】 cin＋ muiˋ（盡尾、zuiˇ muiˋ（最尾））rhung＋ mien zinˋ er（〜ner） vunˇ（搵） senˋ liˋ shidˋ rham shuiˊ lauˋ（摎）teuˇ liu gonˊ teu zied cudˋ cudˋ a＋ leˇ， zaiˇ goˇ rhung＋ shuiˊ rhung sinˇ rhiu dienˊ cudˋ rhid doˇ， han goˇ rhung＋ saˋ buˇ lauˋ gi bauˋ hiˊ loi ciu＋ hoˊ leˇ。 |
【狀況三】Situation 3
【cong kongˋ samˊ】/【cong＋ kongˊ samˋ】
【四縣】
【海陸】
| 428. 醫生說你消化性潰瘍手術傷口復原得很好，一個月後再回診就好了，不過有些事情要注意一下哦！ |
| 先生講若消化性潰瘍手術傷口恢復到異好，一隻月過後再過倒轉來檢查就好吔，毋過，有兜事情還係愛細義哦！ |
| 【四縣】 xinˊ sangˊ gongˋ ngiaˊ seuˊ fa xin kui iongˇ suˋ siid（suˋ sud）songˊ heuˋ fiˊ fug do i hoˋ， idˋ zagˋ ngied go heu zai go do zonˋ loiˇ giamˋ caˇ qiu hoˋ eˇ，mˇgo，iuˊ deuˊ sii qinˇ hanˇ he oi se ngi oˊ（〜ioˊ）！ |
| 【海陸】 sinˋ sangˋ gongˊ ngi gaiˇ（你个）siauˋ faˇ sinˇ kuiˇ rhong shiuˊ sudˋ shongˋ heuˊ fuiˋ fugˋ doˇ rhiˋ hoˊ， rhid zhag ngiedˋ goˇ heu＋ zaiˇ goˇ doˇ zhonˊ loi giamˊ ca ciu＋ hoˊ leˇ， m goˇ，rhiuˋ deuˋ sii＋ cin han heˇ oiˇ seˇ ngi＋ oˊ（〜ioˊ）！ |
| 429. 首先要禁煙、禁酒、不要喝含咖啡因飲料，如咖啡、可樂、茶……等；辛辣調味料如：胡椒粉、辣椒等，也要避免食用。 |
| 盡重要係莫食菸、莫食酒、莫食有咖啡因个飲料，像咖啡、可樂、釅茶……這兜；辣个調味料像：胡椒粉、辣椒仔這兜，乜盡量莫食正好 |
| 【四縣】 qin cung ieu gie（〜e）he mog siid ienˊ、mog siid jiuˋ、 mog siid iuˊ gaˊ biˊ inˊ gie（〜ne）imˋ liau， qiong gaˊ biˊ、koˋ laˇ（koˋ log）、ngiamˇ caˇ ……iaˋ deuˊ； lad gie（〜le）tiauˇ mi liau qiong：fuˇ zeuˊ funˋ、lad zeuˊ eˋ iaˋ deuˊ，me qin liong mog siid zang hoˋ。 |
| 【海陸】 cin＋ chung＋ rhauˇ heˇ mogˋ shidˋ rhanˋ、mogˋ shidˋ ziuˊ、 mogˋ shidˋ rhiuˋ gaˋ biˋ rhinˋ gaiˇ rhimˊ liau＋， ciongˇ gaˋ biˋ、koˋ laˇ（koˊ logˋ）、ngiam ca ……liaˊ deuˋ； ladˋ gaiˇ tiau mui＋ liau＋ ciongˇ：fu ziauˋ funˊ、ladˋ ziauˋ er liaˊ deuˋ，meˇ cin＋ liong＋ mogˋ shidˋ zhangˇ hoˊ。 |
| 430.要依醫囑按時服藥，切勿亂服成藥，尤其像是阿斯匹靈類等非類固醇性消炎藥。 |
| 愛聽先生个吩咐照時間食藥仔，定著毋好亂食便藥，尤其像係阿斯匹靈這兜非類固醇性个消炎藥。 |
| 【四縣】 oi tangˊ xinˊ sangˊ gie（〜nge）funˊ fu zeu siiˇ gienˊ siid iog eˋ，tin cog mˇ hoˋ（〜moˋ）lon siid pien iog， iuˇ kiˇ qiong he aˇ sii pi linˋ iaˋ deuˊ fiˊ lui gu sunˇ xin gie（〜ne）seuˊ iamˇ iog。 |
| 【海陸】 oiˇ tangˇ sinˋ sangˋ gaiˇ funˋ fuˇ zhauˇ shi gienˋ shidˋ rhogˋ er， tin＋ chogˋ m hoˊ lon＋ shidˋ pien＋ rhogˋ， rhiu ki ciongˇ heˇ a＋ sii pi linˋ liaˊ deuˋ fuiˋ lui＋ guˇ sun sinˇ gaiˇ siauˋ rham＋ rhogˋ。 |
| 431.飲食部份，要每天定時定量，用餐時細嚼慢嚥，並保持心情愉快，還要注意營養的均衡，保持規律的生活及充足的睡眠，才比較不容易復發。 |
| 食東西，逐日愛定時定量，菜同飯愛定定仔噍綿來正吞落去，愛保持快樂个心情，還過愛注意營養愛均衡，生活愛正常，目愛睡飽來，老症頭正較毋會再過擎起來（走起來）。 |
| 【四縣】 siid dungˊ xiˊ，dagˋ ngidˋ oi tin siiˇ tin liong， coi tungˇ fan oi tin tin eˋ（〜neˋ）ceu mienˇ loiˇ zang tunˊ log hi， oi boˋ ciiˇ kuai log gie（〜e）ximˊ qinˇ， hanˇ go oi zu i inˇ iongˊ oi giunˊ fenˇ，senˊ fad oi ziin songˇ， mugˋ oi soi bauˋ loiˇ， loˋ ziin teuˇ zang ka mˇ voi（〜moi） zai go kiaˇ hiˋ loiˇ（zeuˋ hiˋ loiˇ）。 |
| 【海陸】 shidˋ dungˋ siˋ，dag ngid oiˇ tin＋ shi tin＋ liong＋， coiˇ lauˋ（摎）pon＋ oiˇ tin＋ tin＋ er ciauˇ mien loi zhangˇ tunˋ logˋ hiˇ， oiˇ boˊ chi kuaiˇ logˋ gaiˇ simˋ cin， han goˇ oiˇ zhuˇ rhiˇ rhin rhongˋ oiˇ giunˋ fen， senˋ fadˋ oiˇ zhinˇ shong，mug oiˇ shoi＋ bauˊ loi， loˊ zhinˇ teu zhangˇ haˇ m voi＋ zaiˇ goˇ kia hiˊ loi（zeuˊ hiˊ loi）。 |
| 432.在家還是要多注意，如果發現劇烈疼痛、腹脹、嘔吐、吐血、解黑便、血便等症狀時，請趕快回來就診。 |
| 在屋下還係愛較驚心（細義、注意）兜仔，係講發現會痛到當厲害、肚屎會脹脹、會嘔（會翻）、會翻血、屙烏屎、屙屎帶血這兜情形，愛煞煞倒轉來分先生看。 |
| 【四縣】 toˊ vugˋ haˊ（〜kaˊ）hanˇ he oi ka giangˊ ximˊ（se ngi、zu i） deuˊ eˋ， he gongˋ fadˋ hien voi tung do dongˊ li hoi、 duˋ siiˋ voi zong zong、voi euˋ（voi ponˊ）、voi ponˊ hiedˋ、 oˊ vuˊ siiˋ、oˊ siiˋ dai hiedˋ iaˋ deuˊ qinˇ hinˇ， oi sadˋ sadˋ do zonˋ loiˇ bunˊ xinˊ sangˊ kon。 |
| 【海陸】 diˇ vug haˋ han heˇ oiˇ haˇ seˇ ngi＋（細義、giangˋ simˋ（驚心）、zhuˇ rhiˇ）deuˋ er， heˇ gongˊ fad hien＋ voi＋ tung＋ doˇ dongˋ li＋ hoi＋、 duˊ shiˊ voi＋ zhongˇ zhongˇ、voi＋ euˊ（voi＋ ponˋ）、 voi＋ euˊ hied（ponˋ hied）、oˋ vuˋ shiˊ、oˋ shiˊ daiˇ hied liaˊ deuˋ cin hin， oiˇ sad sad doˇ zhonˊ loi bunˋ sinˋ sangˋ konˇ。 |
【狀況四】Situation 4
【cong kongˋ xi】 /【cong＋ kongˊ siˇ】
【四縣】
【海陸】
| 433.你做完腹腔手術回去之後，在飲食上要注意避免攝食高脂性食物，有些病患術後可能有輕微腹瀉現象，一般會在一至二星期改善，所以若你有輕微腹瀉的情形，不要太緊張。 |
| 你肚屎開刀（腹腔手術）過，愛記得轉去毋好食忒油（轉去愛記得毋好食油分忒高个東西）。做這種手術个人，有兜人下把仔可能會略略仔屙痢肚，一般差毋多一、兩禮拜仔（成禮拜仔到兩禮拜）就會好（就會改善、就會較得兜仔），故所，係講（撿採）你也會恁仔，毋使忒緊張（毋使忒愁）。 |
| 【四縣】 ngˇ duˋ siiˋ koiˊ doˊ（bugˋ kiongˊ suˋ siid（sud））go， oi gi dedˋ zonˋ hi mˇ hoˋ（〜moˋ）siid tedˋ iuˇ （zonˋ hi oi gi dedˋmˇ hoˋ（〜moˋ）siid iuˇ fun tedˋ goˊ gie（〜e）dungˊ xiˊ）。 zo iaˋ zungˋ suˋ siid（sud）gie（〜le）nginˇ， iuˊ deuˊ nginˇ ha baˋ eˇ koˋ nenˇ voi liog liog eˋ oˊ li duˋ， idˋ banˊ caˊ（〜camˊ）mˇ doˊ idˋ、liongˋ liˊ bai eˋ（〜ieˋ）（sangˇ liˊ bai eˋ（〜ieˋ）do liongˋ liˊ bai） qiu voi hoˋ（qiu voi goiˋ san、qiu voi ka dedˋ deuˊ eˋ）， gu soˋ，he gongˋ（giamˋ caiˋ）ngˇ ia voi anˋ eˇ（〜neˇ）， mˇ siiˋ tedˋ ginˋ zongˊ（mˇ siiˋ tedˋ seuˇ）。 |
| 【海陸】 ngi duˊ shiˊ koiˋ doˋ（bug kiongˋ shiuˊ sudˋ）goˇ， oiˇ giˇ ded zhonˊ hiˇ m hoˊ shidˋ ted rhiu （zhonˊ hiˇ oiˇ giˇ ded m hoˊ shidˋ rhiu fun＋ ted goˋ gaiˇ dungˋsiˋ）。zoˇ liaˊ zhungˊ shiuˊ sudˋ gaiˇ ngin， rhiuˋ deuˋ ngin ha＋ baˊ er koˊ nen voi＋ liogˋ liogˋ er oˋ li＋ duˊ，rhid banˋ caˋ m doˋ rhid、liongˊ liˋ baiˇ （shang liˋ baiˇ doˇ liongˊ liˋ baiˇ） ciu＋ voi＋ hoˊ （ciu＋ voi＋ goiˊ shan＋、ciu＋ voi＋ haˇ ded deuˋ er）， soˊ rhiˋ（所以）， heˇ gongˊ（giamˊ caiˊ）ngi rha＋ voi＋ anˊ ngiong（恁樣）， m siiˊ ted ginˊ zhongˋ（m siiˊ ted seu）。 |
| 434.傷口的部分可淋浴，淋浴後將傷口擦乾即可，一般不需塗敷藥物於 傷口上，若是傷口有紅腫、疼痛、異常分泌物或是有發燒情形，請立即返院診治 |
| 洗身腳用沖無要緊（毋怕），身腳洗好愛同傷口捽燥來，毋使膏藥仔，係講會紅、會腫、會痛、會發禍出浹仁還係會發燒，請跈等倒轉來醫院分先生看。 |
| 【四縣】 seˋ siinˊ giogˋ iung cungˇ moˇ ieu ginˋ（mˇ pa）， siinˊ giogˋ seˋ hoˋ oi tungˇ songˊ heuˋ cud zauˊ loiˇ， mˇ siiˋ goˇ iog eˋ， he gongˋ voi fungˇ、voi zungˋ、voi tung、 voi fadˋ fo cudˋ giabˋ inˇ hanˇ he voi fadˋ seuˊ， qiangˋ tenˇ denˋ do zonˋ loiˇ iˊ ien bunˊ xinˊ sangˊ kon。 |
| 【海陸】 seˊ shinˋ giog rhung＋ chung mo rhauˇ ginˊ（m paˇ）， shinˋ giog seˊ hoˊ oiˇ lauˋ（摎）shongˋ heuˊ cudˋ zauˋ loi， m siiˊ go rhogˋ er， heˇ gongˊ voi＋ fung、voi＋ zhungˊ、voi＋ tung＋、 voi＋ fad fung（發紅）chud giab rhin han heˇ voi＋ fad shauˋ（zog shauˋ（作燒））， ciangˊ ngiam shi（黏時）doˇ zhonˊ loi rhiˋ rhanˇ bunˋ sinˋ sangˋ konˇ。 |
| 435.活動上，沒有什麼限制，可以恢復正常活動。 |
| 活動項來講，無麼个限制，做得照常活動（恢復正常活動）。 |
| 【四縣】 fad tung hong loiˇ gongˋ，moˇ maˋ ga han zii， zo dedˋ zeu songˇ fad tung（fiˊ fug ziin songˇ fad tung）。 |
| 【海陸】 fadˋ tung＋ hong＋ loi gongˊ，mo maˊ gaiˇ han＋ zhiˇ， zoˇ ded zhauˇ shong fadˋ tung＋ （fuiˋ fugˋ zhinˇ shong fadˋ tung＋）。 |
| 436.要記得按醫囑服藥，之後再依門診預約單的約診時間回院複診並拆線就可以了。 |
| 愛記得照先生个吩咐來食藥仔，再過照門診預約單个時間倒轉來醫院分先生看（複診）還合拆線就做得吔。 |
| 【四縣】 oi gi dedˋ zeu xinˊ sangˊ gie（〜ne）funˊ fu loiˇ siid iog eˋ， zai go zeu munˇ ziinˊ i iogˋ danˊ gie（〜ne）siiˇ gienˊ do zonˋ loiˇ iˊ ien bunˊ xinˊ sangˊ kon（fug ziinˊ） hanˇ gagˋ cagˋ xien qiu zo dedˋ eˇ（〜leˇ）。 |
| 【海陸】 oiˇ giˇ ded zhauˇ sinˋ sangˋ gaiˇ funˋ fuˇ loi shidˋ rhogˋ er， zaiˇ goˇ zhauˇ mun zhinˊ rhiˇ rhog danˋ gaiˇ shi gienˋ doˇ zhonˊ loi rhiˋ rhanˇ bunˋ sinˋ sangˋ konˇ（fugˋ zhinˊ） han goˇ（還過）cag sienˇ ciu＋ zoˇ ded leˇ。 |