醫學教育部

醫護客語 / 16.小兒科

【狀況一】Situation 1 
【cong kong^ˋ id^ˋ】/【cong^＋ kong^ˊ rhid】

【四縣】

【海陸】

454.我要幫小朋友量肛溫，麻煩媽媽幫我把小朋友的尿布脫下來。

ngaiˇ愛來同小朋友量糞門溫（肛溫），麻煩媽媽同ngaiˇ手摎厥尿墊仔脫（剝）下來。

【四縣】 ngaiˇ oi loiˇ tungˇ seuˋ penˇ iuˊ liongˇ bun munˇ vunˊ（gongˊ vunˊ）， maˇ fanˇ ma maˇ tungˇ ngaiˇ ten suˋ lauˊ giaˊ ngiau tiabˋ eˋ（〜beˋ）todˋ（bogˋ）haˊ loiˇ。

【海陸】 ngai oiˇ loi lauˋ（摎）siauˊ pen rhiuˋ liong bunˇ mun vunˋ（gongˋ vunˋ）， ma fan ma maˇ lauˋ（摎）ngai tenˇ shiuˊ lauˋ gi gaiˇ（佢个）ngiau＋ tiab er tod（bog）haˋ loi。

455.小朋友有點發燒，醫生開的藥回去要按時給小朋友服用。

小朋友有兜仔發燒（略略仔發燒），先生開个藥仔轉去愛照時間畀食。

【四縣】 seuˋ penˇ iuˊ iuˊ deuˊ eˋ fadˋ seuˊ（liog liog eˋ fadˋ seuˊ）， xinˊ sangˊ koiˊ gie（〜ie）iog eˋ zonˋ hi oi zeu siiˇ gienˊ biˋ siid。

【海陸】 siauˊ pen rhiuˋ rhiuˋ deuˋ er fad shauˋ（liogˋ liogˋ er zogˋshauˋ），sinˋ sangˋ koiˋ gaiˇ rhogˋ er zhonˊ hiˇ oiˇ zhauˇ shi gienˋ bunˋ gi（分佢）shidˋ。

456.回去後記得給小朋友多吃流質的飲食，記得不要給小朋友穿太多的衣服，也不要蓋太厚的被子，並且保持室內空氣流通。

轉去愛記得分小朋友食加一息仔（多食）流質个東西，毋好同佢著忒多（衫），乜毋好蓋忒賁个被，還過屋肚愛保持空氣流通。

【四縣】 zonˋ hi oi gi dedˋ bunˊ seuˋ penˇ iuˊ siid gaˊ idˋ xid eˋ（〜leˋ）（doˊ siid） liuˇ ziidˋ gie（〜le）dungˊ xiˊ， mˇ hoˋ（〜moˋ）tungˇ giˇ zogˋ tedˋ doˊ（samˊ）， me mˇ hoˋ（〜moˋ）goi tedˋ punˊ gie（〜ne）piˊ， hanˇ go vugˋ duˋ oi boˋ ciiˇ kungˊ hi liuˇ tungˊ。

【海陸】 zhonˊ hiˇ oiˇ giˇ ded bunˋ siauˊ pen rhiuˋ shidˋ gaˋ rhid sidˋ er（doˋ shidˋ）liu zhid gaiˇ dungˋ siˋ， m hoˊ lauˋ（摎）giˇ zhog ted doˋ（samˋ）， meˇ m hoˊ goiˇ ted punˋ gaiˇ piˋ， han goˇ vug duˊ oiˇ boˊ chi kungˋ hiˇ liu tungˋ。

457.每天要幫小朋友洗澡更衣，另外，要盡量保持安靜，讓小朋友有充分的休息，必要時可限制小孩的活動。

愛逐日摎小朋友洗身腳換衫褲，另外，愛盡量保持安靜，小朋友正會乖乖尞（正有好充分休息），有必要還愛限制厥活動。

【四縣】 oi dagˋ ngidˋ lauˊ seuˋ penˇ iuˊ seˋ siinˊ giogˋ von samˊ fu， nang ngoi，oi qin liong boˋ ciiˇ onˊ qin， seuˋ penˇ iuˊ zang voi guai guai liau（zang iuˊ hoˋ cungˊ fun hiuˊxidˋ）， iuˊ bidˋ ieu hanˇ oi han zii giaˊ fad tung。

【海陸】 oiˇ dag ngid lauˋ siauˊ pen rhiuˋ seˊ shinˋ giog von＋ samˋ fu＋， nangˇ ngoi＋，oiˇ cin＋ liong＋ boˊ chi onˋ cin＋， siauˊ pen rhiuˋ zhangˇ voi＋ guaiˋ guaiˋ liau＋（zhangˇ rhiuˋ hoˊchungˋ funˋ hied kunˇ（歇睏））， rhiuˋ bid rhauˇ han oiˇ han＋ zhiˇ gi gaiˇ（佢个）fadˋ tung＋。

458.小朋友的發燒需數日才能完全消退，請回家後每4小時測量一次體溫，若腋溫在37．5℃以上就給小朋友使用冰枕，若在38．5℃以上才給小朋友吃口服退燒藥，若39℃以上的話就要幫小朋友塞肛門塞劑了。

小朋友發燒愛幾下日（幾日仔）正退得利（正會過），轉去屋下，四點鐘就愛同佢量一擺（一到、一次）體溫。係講量手脥下超過37.5℃（37度半），就愛畀睡冰枕；係講38.5℃（38度半）較加正畀食退燒藥；撿採燒到39℃較加就愛同佢塞糞門塞劑 lioˊ（撿採燒到39℃較加就愛同佢在屎胐空項塞藥仔落去畀退燒 lioˊ）。

【四縣】 seuˋ penˇ iuˊ fadˋ seuˊ oi giˋ haˊ ngidˋ（gi ngid e（〜leˇ）） zang tui dedˋ（〜ieˇ）li（zang voi go）， zonˋ hi vugˋ haˊ（〜kaˊ）， xi diamˋ zungˊ qiu oi tungˇ giˇ liongˇ idˋ baiˋ（idˋ do、idˋ cii）tiˋ vunˊ。 he gongˋ liongˇ suˋ kiab haˊ ceuˊ go samˊ siib qidˋ tu ban（samˊsiib qidˋ diamˋ ngˋ tu）， jiu oi biˋ soi benˊ ziimˋ；he gongˋ samˊ siib badˋ tu ban（samˊ siib badˋ diamˋ ngˋ tu） ka gaˊ zang biˋ siid tui seuˊ iog； giamˋ caiˋ seuˊ do samˊ siib giuˋ tu ka gaˊ jiu oi tungˇ giˇ sedˋbun munˇ sedˋ ji lioˊ（giamˋ caiˋ seuˊ do samˊ siib giuˋ tu ka gaˊ jiu oi tungˇ giˇ di sii vudˋ kungˊ hong sedˋ iog eˋ log hi biˋ tui seuˊ lioˊ）。

【海陸】 siauˊ pen rhiuˋ zog shauˋ（作燒）oiˇ giˊ ngid er（幾日仔、gi ha＋ngid）zhangˇ tuiˇ ded li＋（zhangˇ voi＋ goˇ）， zhonˊ hiˇ vug haˋ，siˇ diamˊ zhungˋ ciu＋ oiˇ lauˋ（摎）gibong（磅）rhid baiˊ（rhid doˇ、rhid ciiˇ）tiˊ vunˋ。 heˇ gongˊ liong shiuˊ kiabˋ haˋ chauˋ goˇ samˋ shibˋ cid tu＋banˇ（samˋ shibˋ cid diamˊ ngˊ tu＋）， ziu＋ oiˇ bunˋ gi（分佢）shoi＋ benˋ zhimˊ； heˇ gongˊ samˋ shibˋ bad tu＋ banˇ（samˋ shibˋ bad diamˊ ngˊ tu＋） haˇ gaˋ zhangˇ bunˋ gi（分佢）shidˋ tuiˇ shauˋ rhogˋ； giamˊ caiˊ shauˋ doˇ samˋ shibˋ giuˊ tu＋ haˇ gaˋziu＋ oiˇlauˋ（摎）gi ced bunˇ mun ced ziˇ lioˊ（giamˊ caiˊ shauˋ doˇ samˋshibˋ giuˊ tu＋ haˇ gaˋziu＋ oiˇ lauˋ（摎）gi di＋ shi＋ vud kungˋhong＋ ced rhogˋ er logˋ hiˇ bunˋ gi（分佢）tuiˇ shauˋ lioˊ）。

459.如果小朋友發燒時，有抽筋昏睡、活力變差、厲害嘔吐或臉色變黑的情形，要即刻送回醫院診治。

係講小朋友發燒該下，會發勼筋（發剪筋）、緊想愛睡、無元氣殗殗（無神無氣）、毋想停動、翻到當厲害抑係（或者）面色轉烏himˇ，就愛跈等送倒轉來醫院分先生看。

【四縣】 he gongˋ seuˋ penˇ iuˊ fadˋ seuˊ ga ha， voi bodˋ giu ginˊ（bodˋ jienˋ ginˊ）、 ginˋ xiongˋ oi soi、moˇ ngienˇ hi ngiem ngiem（moˇ siinˇ moˇhi）、 mˇ xiongˋ tinˊ tungˊ、ponˊ do dongˊ li hoi ia he（fed zaˋ）mien sedˋ zonˋ vuˊ himˇ， jiu oi tenˇ denˋ sung do zonˋ loiˇ iˊ ien bunˊ xinˊ sangˊ kon。

【海陸】 heˇ gongˊ siauˊ pen rhiuˋ zog shauˋ（作燒）gai ha＋， voi＋. bod giu ginˋ（bod zienˊ ginˋ）、 ginˊ siongˊ oiˇ shoi＋、mo ngien hiˇ ngiemˇ ngiemˇ（mo shin mo hiˇ）、m siongˊ tinˋ tungˋ、euˊ（嘔）doˇ dongˋ li＋ hoi＋ rha＋heˇ mienˇ sed zhonˊ vuˋ， ziu＋ oiˇ ten denˊ sungˇ doˇ zhonˊ loi rhiˋ rhanˇbunˋ sinˋ sangˋkonˇ。

 

【狀況二】Situation 2

【cong kong^ˋ ngi】/【cong^＋ kong^ˊ ngi^＋】

【四縣】

【海陸】

460.當寶寶有腹瀉的情形時，要觀察及記錄大便性質：如大便次數、大便量、顏色等，最好能帶最近一次的大便，供醫師參考。

係講嬰兒仔會屙痢肚，愛注意看真啊，還合愛記錄佢大便个情形：像一日屙幾多到、屙幾多仔（屙幾大堆仔）、屙仰仔个色這兜，盡好帶兜仔愛來分先生看前正屙个屎來分先生參考。

【四縣】 he gongˋ oˊ nga eˋ voi oˊ li duˋ， oi zu i kon ziinˊ aˋ（〜naˋ）， hanˇ gagˋ oi gi liug giˇ tai pien gie（〜ne）qinˇ hinˇ： qiong idˋ ngidˋ oˊgiˋ（〜gidˋ）doˊ do、oˊ giˋ（〜gidˋ）tai doiˊeˋ（〜ieˋ）（oˊ giˋ（〜gidˋ）doˊ eˋ）、oˊ ngiongˋ eˇ（〜ngeˇ）gie（〜ie）sedˋ iaˋ deuˊ， qin hoˋ dai deuˊ eˋ oi loiˇ bunˊ xinˊ sangˊ kon qienˇ zang oˊgie（〜e）siiˋ loiˇ bunˊ xinˊ sangˊ camˊ kauˋ。

【海陸】 heˇ gongˊ oˋ ngaˇ er voi＋ oˋ li＋ duˊ， oiˇ zhuˇ rhiˇ konˇ zhinˋ a＋， han goˇ（還過）oiˇ giˇ liugˋ gi tai＋ pien＋ gaiˇ cin hin： ciongˇ rhid ngid oˋ giˊ doˋ doˇ、oˋ giˊ tai＋ doiˋ（oˋ giˊ（〜gidˊ）doˊ er）、oˋ maˊ gaiˇ（麼个） sed liaˊ deuˋ， cin＋ hoˊ daiˇ deuˋ er oiˇ loi bunˋ sinˋ sangˋ konˇ cien zhangˇ oˋgaiˇ shiˊ loi bunˋ sinˋ sangˋ camˋ kauˊ。

461.寶寶的牛奶，可將配方奶泡淡一些（如1/2濃度）。必要時，可改用不含乳糖的嬰兒配方奶，以避免吸收不良。

食牛奶个嬰兒仔，做得摎厥奶粉減忒一半，泡較鮮兜仔，莫食恁醹。有需要就愛改食無乳糖个嬰兒仔配方奶，正會較好吸收。

【四縣】 siid ngiuˇ nen gie（〜ne）oˊ nga eˋ， zo dedˋ lauˊ giaˊ nen funˋ gamˋ tedˋ idˋ ban，pau ka xienˊ deuˊ eˋ，mog siid anˋ neuˇ。 iuˊ xiˊ ieu jiu oi goiˋ siid moˇ nen tongˇ gie（〜nge）oˇ nga eˋ pi fongˊnen， zang voi ka hoˋ kibˋ suˊ。

【海陸】 shidˋ ngiu nenˇ gaiˇ oˋ ngaˇ er， zoˇ ded lauˋ gi gaiˇ（佢个）nenˇ funˊ gamˊ ted rhid banˇ，pauˇhaˇ sienˋ deuˋ er，mogˋ shidˋ anˊ neu。 rhiuˋ siˋ rhauˇ ziu＋ oiˇ goiˊ shidˋ mo nenˇ tong gaiˇ oˋ ngaˇ er poiˇ fongˋ nenˇ，zhangˇ voi＋ haˇ hoˊ kib shiuˋ。

462.如果寶寶腹瀉嚴重時，可以暫停進食4小時，讓腸胃道休息。

係講嬰兒仔屙痢肚屙無停（止毋着），暫時莫畀食東西四點鐘，恁仔胃腸裡肚空空無東西就較毋會緊屙。

【四縣】 he gongˋ oˊ nga eˋ oˊ li duˋ oˊ moˇ tinˇ（ziiˋ mˇ doˋ）， qiam siiˇ mog biˋ siid dungˊ xiˊ xi diamˋ zungˊ， anˋ eˇ（〜neˇ）vi congˇ diˊ duˋ kungˊ kungˊ moˇ dungˊ xiˊ qiu ka mˇ voi（〜moi）ginˋ oˊ。

【海陸】 heˇ gongˊ oˋ ngaˇ er oˋ li＋ duˊ oˋ mo tin（zhiˊ m doˊ）， ciam＋ shi mogˋ bunˋ gi（分佢）shidˋ dungˋ siˋ siˇ diamˊ zhungˋ， anˊ ngiong（恁樣）vui＋ chong diˋ duˊ kungˋ kungˋ mo dungˋ siˋ ciu＋ haˇ m voi＋ ginˊ oˋ。

463.寶寶雖然暫時不能吃東西，但還是要注意他的口腔衛生，用棉花棒沾開水將口腔內擦乾淨或潤濕嘴唇。

嬰兒仔雖然暫時食毋得東西，毋過還係愛注意厥嘴个衛生。做得用棉精仔搵滾水，在厥嘴項罅罅啊，無就摎厥嘴脣蘸濕來。

【四縣】 oˊ nga eˋ suiˊ ienˇ qiam siiˇ siid mˇ dedˋ dungˊ xiˊ， mˇ go hanˇ he oi zu i giaˊ zoi gie（〜ie）vi senˊ。 zo dedˋ iung mienˇ jinˊ eˋ（〜neˋ）vun gunˋ suiˋ， do giaˊ zoi hong la la aˋ， moˇ qiu lauˊ giaˊ zoi sunˇ jiamˋ siibˋ loiˇ。

【海陸】 oˋ ngaˇ er suiˋ rhan ciam＋ shi shidˋ m ded dungˋ siˋ， m goˇ han heˇ oiˇ zhuˇ rhiˇ gi gaiˇ（佢个）zhoiˇ gaiˇ vui＋ senˋ。 zoˇ ded rhung＋ mien zinˋ er（〜ner）vunˇ gunˊ shuiˊ， di＋ gi gaiˇ（佢个）zhoiˇ hong＋ la＋ la＋ a＋， mo sii＋（斯）lauˋ gi gaiˇ（佢个）zhoiˇ shun vunˇ（搵）shib loi。

464.寶寶大便後要維持臀部清潔，可用棉花沾溫水輕擦洗，並保持乾燥，避免寶寶得到紅臀。如果已有紅臀，要等皮膚乾後再用醫師開的藥膏，幫寶寶擦藥。

嬰兒仔屙屎過後愛保持屎胐淨俐，做得用棉仔搵水輕輕仔捽捽過啊，還過愛保持燥爽，正毋會□（iabˋ）到紅紅。係講屎胐□（iabˋ）到紅紅吔，愛同佢捽燥來，正膏先生開个藥仔落去。

【四縣】 oˊ nga eˋ oˊ siiˋ go heu oi boˋ ciiˇ sii vudˋ qiang li， zo dedˋ iung mienˇ eˋ（〜neˋ）vun suiˋ kiang kiangˊ eˋ（〜ngeˋ）cud cud go aˋ， hanˇ go oi boˋ ciiˇ zauˊ songˋ， zang mˇ voi（〜moi）iabˋ do fungˇ fungˇ。he gongˋ sii vudˋ iabˋ do fungˇ fungˇ eˇ（〜ngeˇ），oi tungˇ giˇ cud zauˊ loiˇ，zang goˇxinˊ sangˊ koiˊ gie（〜ie）iog eˋ log hi。

【海陸】 oˋ ngaˇ er oˋ shiˊ goˇ heu＋ oiˇ boˊ chi shi＋ vud ciang＋ li＋，zoˇded rhung＋ mien er（〜ner）vunˇ shuiˊ kiangˋ kiangˋ er cudˋ cudˋ a＋（〜la＋），han goˇ oiˇ boˊ chi zauˋ songˊ， zhangˇ m voi＋ rhab doˇ fung fung。heˇ gongˊ shi＋ vud rhab doˇ fung fung leˇ，oiˇ lauˋ（摎）gi cudˋ zauˋ loi， zhangˇ go sinˋ sangˋ koiˋ gaiˇ rhogˋ er logˋ hiˇ。

465.儘量保持安靜的環境，讓寶寶能充分休息和睡眠，增加抵抗力。

環境愛盡量保持恬靜，嬰兒仔正會乖乖尞、乖乖睡（好分嬰兒仔尞來足、睡來飽），正會較有抵抗力。

【四縣】 fanˇ gin oi qin liong boˋ ciiˇ diamˊ qin， oˊ nga eˋ zang voi guaiˊ guaiˊ liau、guaiˊ guaiˊ soi （hoˋ bunˊ oˊnga eˋ liau loiˇ jiugˋ、soi loiˇ bauˋ），zang voi ka iuˊ diˋ kong lid。

【海陸】 fan（kuan）ginˇ oiˇ cin＋ liong＋ boˊ chi diamˋ cin＋，oˋ ngaˇ erzhangˇ voi＋ guaiˋ guaiˋ liau＋、guaiˋ guaiˋ shoi＋ （hoˊ bunˋ oˋngaˇ er liau＋ loi ziug、shoi＋ loi bauˊ），zhangˇ voi＋ haˇ rhiuˋ diˊkongˇ lidˋ。

 

【狀況三】Situation 3
【cong kong^ˋ sam^ˊ】/【cong^＋ kong^ˊ sam^ˋ】

【四縣】

【海陸】

466.寶寶比較不會自己咳痰，所以要請家長幫寶寶拍背，好讓痰較容易排出。

嬰兒仔較毋曉得自家喀痰，故所愛請家長同佢拍背囊，厥痰正喀得出來。

【四縣】 oˊ nga eˋ ka mˇ hiauˋ dedˋ cii（〜qid）gaˊ kag tamˇ， gu soˋ oi qiangˋ gaˊ zongˋ tungˇ giˇ pogˋ boi nongˇ， giaˊ tamˇ zang kag dedˋ（〜eˇ）cudˋ loiˇ。

【海陸】 oˋ ngaˇ er haˇ m hiauˊ ded cid gaˋ kagˋ tam， soˊ rhiˋ（所以）oiˇ ciangˊ gaˋ zhongˊ lauˋ（摎）gi pog boiˇnong，gi gaiˇ（佢个）tam zhangˇ kagˋ ded chud loi。

467.拍痰時可以讓寶寶趴在家屬腿上，頭放低臀部略抬高，拍痰時手掌呈杓狀，拍的力量須適中。

愛同嬰兒仔拍痰，畀伏到大人个膝頭帕項，摎厥頭那放低、屎胐畀較高兜仔，拍該下手巴掌窿空像杓仔樣仔，毋好拍忒大力。

【四縣】 oi tungˇ oˊ nga eˋ pogˋ tamˇ， biˋ pug do tai nginˇ gie（〜ne）qidˋ teuˇ pa hong，lauˊ giaˊ teuˇnaˇ biong daiˊ、sii vudˋ biˋ ka goˊ deuˊ eˋ，pogˋ ga ha suˋ baˊzongˋ lungˇ kungˊ qiong sog eˋ iong eˋ（〜ngeˋ）， mˇ hoˋ（〜moˋ）pogˋ tedˋ tai lid。

【海陸】 oiˇ lauˋ（摎）oˋ ngaˇ er pog tam， bunˋ gi（分佢）pugˋ doˇ tai＋ nginˇ gaiˇ cid teu paˇ hong＋，lauˋ gi gaiˇ（佢个）teu na biongˇ daiˋ、shi＋ vud bunˋ gi（分佢）haˇ goˋdeuˋ er，pog gai ha＋ shiuˊ baˋ zhongˊ lung kungˋ ciongˇ shogˋ er rhong＋ er， m hoˊ pog ted tai＋ lidˋ。

468.拍痰時請拍寶寶的胸部及背部，方向是由下往上、由旁邊往中間拍。每次拍痰約左、右兩邊各5-10分鐘，每2-3小時拍痰一次。

同嬰兒仔拍痰，頭前、背囊都愛拍。對下背拍往上、兩片脣項拍到中央。逐擺拍左、右兩片各5-10分鐘，2-3點鐘拍一擺。

【四縣】 tungˇ oˊ nga eˋ pogˋ tamˇ， teuˇ qienˇ、boi nongˇ du oi pogˋ。 dui haˊ boi pogˋ gongˊ songˊ、 liongˋ pienˋ sunˇ hong pogˋ do dungˊ ongˊ。 dabˋ baiˋ pogˋ zoˋ、iu liongˋ pienˋ gogˋ ngˋ do siib funˊ zungˊ， liongˋ do samˊ diamˋ zungˊ pogˋ idˋ baiˋ。

【海陸】 lauˋ（摎）oˋ ngaˇ er pog tam，teu cien、boiˇ nong duˇ oiˇ pog。 duiˇ haˋ boiˇ pog gongˋ shongˋ、 liongˊ pienˊ shun hong＋ pog doˇ dungˋ ongˋ。 dab baiˊ pog zoˊ、rhiu＋ liongˊ pienˊ gog ngˊ doˇ shibˋ funˋzhungˋ， liongˊ doˇ samˋ diamˊ zhungˋ pog rhid baiˊ。

469.你們在幫寶寶拍背時避免戴手錶、手鍊或留指甲，以免造成傷害，還有要避免在吃飽後做，最好在飯前或吃飽後一小時做以免嘔吐。

摎嬰兒仔拍背囊，毋好戴手錶仔（時錶仔）、手鍊仔這兜，手指甲乜毋好留忒長，正毋會傷着佢；還過正食啊飽乜毋好拍，盡好食飯前無就食飽飯一點鐘來拍，正毋會拍到佢翻（嘔）。

【四縣】 lauˊ oˊ nga eˋ pogˋ boi nongˇ， mˇ hoˋ（〜moˋ） dai suˋ beuˋ eˇ（siiˇ beuˋ eˇ）、suˋ lien eˋ（〜neˋ）iaˋ deuˊ，suˋ ziiˋ gabˋ me mˇ hoˋ（〜moˋ）liuˇtedˋ congˇ，zang mˇ voi（〜moi）songˊ doˋ giˇ；hanˇ go zang siid a（〜la）bauˋ me mˇ hoˋ（〜moˋ） pogˋ，qin hoˋ siid fan qienˇmoˇ qiu siid bauˋ fan idˋ diamˋ zungˊ loiˇ pogˋ，zang mˇ voi（〜moi）pogˋ do giˇ ponˊ（euˊ）。

【海陸】 lauˋ oˋ ngaˇ er pog boiˇ nong， m hoˊ daiˇ shi biauˊ（shiuˊ biauˊ）、shiuˊ lien＋ er liaˊ deuˋ， shiuˊ zhiˊ gab meˇ m hoˊ liu ted chong，zhangˇ m voi＋ shongˋ doˊgi；han goˇ zhangˇ shidˋ a＋ bauˊ meˇ m hoˊ pog， cin＋ hoˊ（zuiˇ hoˊ（最好）、tiˊ hoˊ（體好））shidˋ pon＋ cien moziu＋（sii＋（斯））shidˋ bauˊ pon＋ rhid diamˊ zhungˋ loi pog，zhangˇ m voi＋ pog doˇ gi euˊ（ponˋ）。

470.重要器官或骨頭明顯突出的地方，如：脊椎、前胸中央及肚子則應避免拍擊，無法用手拍擊的小地方應改用手指拍擊

重要个器官無就骨頭顯明凸出來个地方像：背囊骨、心肝頭前中央，還過肚屎毋好去拍佢，手巴掌拍毋著个細所在就改用手指來拍。

【四縣】 cung ieu gie（〜e）hi gonˊ moˇ jiu gudˋ teuˇ hienˋ minˇ tud（tied）cudˋ loiˇ gie（〜ie）ti fongˊ qiong：boi nongˇ gudˋ、ximˊ gonˊteuˇ qienˇ dungˊ ongˊ hanˇ go duˋ siiˋ mˇ hoˋ（〜moˋ）hi pogˋgiˇ，suˋ baˊ zongˋ pogˋ mˇ doˋ gie（〜e）se soˋ cai jiu goiˋ iung suˋ ziiˋ loiˇ pogˋ。

【海陸】 chung＋ rhauˇ gaiˇ hiˇ gonˋ mo ziu＋ gud teu hienˊ min tudˋ（tiedˋ）chud loi gaiˇ ti＋ fongˋ ciongˇ：liung gud（龍骨）、simˋ gonˋ teu cien dungˋ ongˋ，han goˇ duˊ shiˊ m hoˊ hiˇ pog gi，shiuˊ baˋ zhongˊpog m doˊ gaiˇ seˇ soˊ cai＋ ziu＋ goiˊ rhung＋ shiuˊ zhiˊ loi pog。

 

【狀況四】Situation 4
【cong kong^ˋ xi】 /【cong^＋ kong^ˊ si^ˇ】

【四縣】

【海陸】

471.要記得帶寶寶回來打預防針哦！

愛記得帶嬰兒仔倒轉來注預防射喔！

【四縣】 oi gi dedˋ dai oˊ nga eˋ do zonˋ loiˇ zu i fongˇ sa oˊ！

【海陸】 oiˇ giˇ ded tu＋（渡）oˋ ngaˇ er doˇ zhonˊ loi zhuˇ rhiˇ fong sha＋oˊ！

472.白喉、百日咳、破傷風三合一疫苗，是每兩月一針，共三針，小兒麻痺疫苗，每兩月口服一次，共三次。隔一年後，加強一次，入學前再加強一次。

白喉、百日嗽、破傷風三合一預防射（三合一疫苗），兩隻月注一門（一針），總共三門（三針），小兒麻痺疫苗，兩隻月食一擺，總共三擺。一年過後，過加一擺，入學前再過加一擺。

【四縣】 pag heuˇ、bagˋ ngidˋ cug、po songˊ fungˊ samˊ hab idˋ i fongˇ sa（samˊ hab idˋ id meuˇ）liongˋ zagˋ ngied zuidˋ munˇ（idˋ ziimˊ）， zungˋ kiung samˊ munˇ（samˊ ziimˊ）， seuˋ iˇ maˇ bi id meuˇ，liongˋ zagˋ ngied siid idˋ baiˋ， zungˋ kiung samˊ baiˋ。 idˋ ngienˇ go heu，go gaˊ idˋ baiˋ，ngib hog qienˇ zai go gaˊ idˋbaiˋ。

【海陸】 pagˋ heu、bag ngid cugˋ、poˇ shongˋ fungˋ samˋ habˋ rhid rhiˇ fong sha＋（samˋ habˋ rhid rhidˋ miau）， liongˊ zhag ngiedˋ zhuˇ rhid mun（rhid zhimˋ）， zungˊ kiung＋ samˋ mun（samˋ zhimˋ）， siauˊ rhi ma biˇ rhidˋ miau，liongˊ zhag ngiedˋ shidˋ rhid baiˊ， zungˊ kiung＋ samˋ baiˊ。rhid ngien goˇ heu＋， goˇ gaˋ rhid baiˊ，ngibˋ hogˋ cien zaiˇ goˇ gaˋ rhid baiˊ。

473.卡介苗，於出生後第二天就可接種。

卡介苗，出世（下世）第二日就注得吔。

【四縣】 kaˋ gie meuˇ，cudˋ se（haˊ se）ti ngi ngidˋ jiu zu dedˋ eˇ（〜leˇ）。

【海陸】 kaˊ gaiˇ miau，chud sheˇ（haˋ sheˇ）ti＋ ngi＋ ngid ziu＋ zhuˇ ded leˇ。

474.麻疹疫苗、德國麻疹疫苗及腮腺炎疫苗，則是在滿一歲時各注射一次。

麻仔預防射（疫苗）、德國麻仔預防射（疫苗）摎腮腺炎疫苗（豬頭皮預防射），對歲該下各注一到。

【四縣】 maˇ eˋ i fongˇ sa（id meuˇ）、 dedˋ guedˋ maˇ eˋ i fongˇ sa（id meuˇ）lauˊ soiˊ xien iamˇ id meuˇ（zuˊ teuˇ piˇ i fongˇ sa）， dui se ga ha gogˋ zu idˋ do。

【海陸】 ma er rhiˇ fong sha＋（rhidˋ miau）、 ded gued ma er rhiˇ fong sha＋（rhidˋ miau）lauˋ soiˋ sienˇ rham＋ rhidˋ miau（zhuˋ teu pi rhiˇ fong sha＋）， duiˇ soiˇ gai ha＋ gog zhuˇ rhid doˇ。

475.腦炎疫苗，滿一歲時可以開始接種，第一年共注射二次。第一與第二次隔二星期。

腦炎疫苗，對歲就注得吔，第一年（頭一年）總共注兩擺。第一到同第二到愛間兩禮拜。

【四縣】 noˋ iamˇ id meuˇ，dui se jiu zu dedˋeˇ（〜leˇ）， ti idˋ ngienˇ（teuˇ idˋ ngienˇ）zungˋ kiung zu liongˋ baiˋ。 ti idˋ do tungˇ ti ngi do oi gam liongˋ liˊ bai。

【海陸】 noˊ rham＋ rhidˋ miau，duiˇ soiˇ ziu＋ zhuˇ ded leˇ， ti＋ rhid ngien（teu rhid ngien）zungˊ kiung＋ zhuˇ liongˊ baiˊ。 ti＋ rhid doˇ lauˋ（摎）ti＋ ngi＋ doˇ oiˇ gamˇ liongˊ liˋ baiˇ。

476.寶寶健康手冊上面都有寫，請記得要按時回來打預防針哦！

寶寶康健手冊項都有寫，愛記得照時間倒轉來注預防射哦。

【四縣】 boˋ boˋ kongˊ kien suˋ cagˋ hong du iuˊ xiaˋ， oi gi dedˋ zeu siiˇ gienˊ do zonˋ loiˇ zu i fongˇ sa oˊ。

【海陸】 boˊ boˊ kongˋ kien＋ shiuˊ cag hong＋ du＋ rhiuˋ siaˊ， oiˇ giˇ ded zhauˇ shi gienˋ doˇ zhonˊ loiˇ zhuˇ rhiˇ fong sha＋ oˊ。