醫學教育部
醫護客語 / 17.皮膚科
【狀況一】Situation 1
【cong kongˋ idˋ】/【cong＋ kongˊ rhid】
【四縣】
【海陸】
| 477.您得的是蕁麻疹，這是一種過敏性的皮膚病，因此這二個星期內您都不要吃海鮮類食物，另外像芒果或堅果類的食物也都不要吃，免得過敏得更嚴重。 |
| 若這係起冷□（mogˋ/ mugˋ），係一種過敏性个皮膚病，故所這兩禮拜莫食海產類食物。另外，像番檨抑係硬果類个東西也莫食，過敏正毋會緊來緊厲害（嚴重）。 |
| 【四縣】 ngiaˊ iaˋ he hiˋ langˊ mogˋ/ mugˋ， he idˋ zungˋ go menˋ xin gie（〜ne）piˇ fuˊ piang， gu soˋ iaˋ liongˋ liˊ bai mog siid hoiˋ sanˋ lui siid vud。 nang ngoi，qiong fanˊ son ia he ngang goˋ lui gie（〜ie）dungˊ xiˊ ia mog siid， go menˋ zang mˇ voi（〜moi）ginˋ loiˇ ginˋ li hoi（ngiamˇ cung）。 |
| 【海陸】 ngi liaˊ heˇ hiˊ langˋ mog， heˇ rhid zhungˊ goˇ menˊ sinˇ gaiˇ pi fuˋ piang＋， soˊ rhiˋ（所以）liaˊ liongˊ liˋ baiˇ mogˋ shidˋ hoiˊ sanˊ lui＋shidˋ vudˋ。 nangˇ ngoi＋，ciongˇ sonˋ er（檨仔）rha＋ heˇ ngang＋ goˊ lui＋gaiˇ dungˋ siˋ rha＋ mogˋ shidˋ， goˇ menˊ zhangˇ m voi＋ ginˊ loi ginˊ li＋ hoi＋（ngiam chung＋）。 |
| 478.那還有什麼其他要注意的嗎？ |
| 還有其他麼个愛注意个無呢？ |
| 【四縣】 hanˇ iuˊ kiˇ taˊ maˋ ga oi zu i gie（〜ie）moˇ noˋ？ |
| 【海陸】 han rhiuˋ ki taˋ maˊ gaiˇ oiˇ zhuˇ rhiˇ gaiˇ mo noˇ？ |
| 479.癢的時候不要去抓，以免破皮後造成感染；另外，洗澡時不要洗太熱的水，太熱的水會造成皮膚更癢。 |
| 癢該下毋好去爪（去掘）佢，正毋會爛皮發禍；另外，洗身腳毋好洗忒燒个水，係無會緊洗緊癢（越洗越癢）。 |
| 【四縣】 iongˊ ga ha mˇ hoˋ（〜moˋ）hi zauˋ（hi kud）giˇ， zang mˇ voi（〜moi）lan piˇ fadˋ fo；nang ngoi， seˋ siinˊ giogˋ mˇ hoˋ（〜moˋ）seˋ tedˋ seuˊ gie（〜e）suiˋ， he moˇ voi ginˋ seˋ ginˋ iongˊ（ied seˋ ied iongˊ）。 |
| 【海陸】 hoi（□、rhongˋ）gai ha＋ m hoˊ hiˇ zauˊ（hiˇ kudˋ）gi， zhangˇ m voi＋ lanˇ pi fad fung（發紅）；nangˇ ngoi＋， seˊ shinˋ giog m hoˊ seˊ ted shauˋ gaiˇ shuiˊ， heˇ mo voi＋ ginˊ seˊ ginˊ hoi（□、rhongˋ）（rhedˋ seˊ rhedˋrhongˋ）。 |
【狀況二】Situation 2
【cong kongˋ ngi】/【cong＋ kongˊ ngi＋】
【四縣】
【海陸】
| 480.您臉上一粒粒的可能是感冒藥吃太多，身體無法完全將藥物排出而產生的過敏反應，請您現在務必停止一切藥物，醫生開給您的藥，請您務必定時塗抹，這樣才會比較容易好。 |
| 若面項生到一粒粒仔，可能係感冒藥食忒多，藥物無完全代謝出來產生个過敏反應，這下你先前所有个藥仔就愛停下來。先生開分你个藥仔，定著愛照時間膏，正會較遽好。 |
| 【四縣】 ngiaˊ miem hong sangˊ do idˋ liab liab eˋ（〜beˋ）， koˋ nenˇ he gamˋ mo iog siid tedˋ doˊ， iog vud moˇ vanˇ qionˇ toi qia cudˋ loiˇ sanˋ senˊ gie（〜ne）go menˋ fanˋ in， iaˋ ha ngˇ xienˊ qienˇ soˋ iuˊ gie（〜e）iog eˋ jiu oi tinˇ haˊloiˇ。 xinˊ sangˊ koiˊ bunˊ ngˇ gie（〜ne）iog eˋ， tin cog oi zeu siiˇ gienˊ goˇ，zang voi ka giagˋ hoˋ。 |
| 【海陸】 ngi mienˇ hong＋ sangˋ doˇ rhid liabˋ liabˋ er， koˊ nen heˇ gamˊ mo＋ rhogˋ shidˋ ted doˋ， rhogˋ vudˋ mo van cion toi＋ cia＋ chud loi sanˊ senˋ gaiˇ goˇ menˊ fanˊ rhinˇ， liaˊ ha＋ ngi sienˋ cien soˊ rhiuˋ gaiˇ rhogˋ er ziu＋ oiˇ tin haˋ loi。 sinˋ sangˋ koiˋ bunˋ ngi gaiˇ rhogˋ er， tin＋ chogˋ oiˇ zhauˇ shi gienˋ go，zhangˇ voi＋ haˇ giag hoˊ。 |
| 481.那大概要多久才會好（藥要擦多久？） |
| 該大概仔愛幾久仔正會好？（藥仔愛膏幾久仔）？ |
| 【四縣】 gie tai koiˋ eˇ（〜ieˇ）oi giˋ（〜gidˋ）giuˋ eˇ zang voi hoˋ？ |
| 【海陸】 gai tai＋ koiˊ oiˇ giˊ giuˊ zhangˇ voi＋ hoˊ？ （rhogˋ er oiˇ go giˊ giuˊ）？ |
| 482.最快也要一星期哦！ |
| 盡遽乜愛一禮拜喔（盡遽乜愛成禮拜仔）！ |
| 【四縣】 qin giagˋ me oi idˋ liˊ bai oˊ（〜ioˊ） （qin giagˋ me oi sangˇ liˊ bai eˋ（〜ieˋ））！ |
| 【海陸】 cin＋ giag meˇ oiˇ rhid liˋ baiˇ oˊ（〜ioˊ） （cin＋ giag meˇ oiˇ shang liˋ baiˇ）！ |
| 483.天啊！那我不就要醜一個星期了嗎？ |
| 阿姆哀！該ngaiˇ毋就愛媸歸禮拜仔（歸禮拜仔見人就毋得）？ |
| 【四縣】 aˊ meˊ oiˊ！gie ngaiˇ mˇ jiu oi zeˋ guiˊ liˊ bai eˋ（〜ieˋ）（guiˊ liˊ bai eˋ（〜ieˋ）gien nginˇ jiu mˇ dedˋ）？ |
| 【海陸】 a＋ meˋ oiˋ！gai ngai m ziu＋ oiˇ zheˊ guiˋ liˋ baiˇ （guiˋ liˋ baiˇ gienˇ ngin ziu＋ m ded）？ |
【狀況三】Situation 3
【cong kongˋ samˊ】/【cong＋ kongˊ samˋ】
【四縣】
【海陸】
| 484.請問雷射治療後要注意些什麼？ |
| 請問做吔雷射治療（雷射治療過後）愛注意恁多麼个？ |
| 【四縣】 qiangˋ mun zo eˇ luiˇ sa cii liauˇ（luiˇ sa cii liauˇ go heu）oi zu i anˋdoˊ maˋ ga？ |
| 【海陸】 ciangˊ munˇ zoˇ leˇ lui sha＋ chi＋ liau（lui sha＋ chi＋ liau goˇ heu＋）oiˇ zhuˇ rhiˇ anˊ doˋ maˊ gaiˇ？ |
| 485.治療後前三天患部盡量少碰水，您可以用濕毛巾擦臉，每天以消毒棉棒沾冷開水或雙氧水清潔乾淨後塗抹醫師開立之藥膏至少兩次。 |
| 治療過後頭三日，雷射个所在盡量莫打衊着水，做得用濕面帕來捽面，逐日用消毒過个棉精仔蘸冷滾水無就雙氧水來清潔，再過膏先生開个藥膏，一日至少兩到。 |
| 【四縣】 cii liauˇ go heu teuˇ samˊ ngidˋ， luiˇ sa gie（〜e）soˋ cai qin liong mog daˋ med doˋ suiˋ， zo dedˋ iung siibˋ mien pa loiˇ cud mien， dagˋ ngidˋ iung seuˊ tug go gie（〜e）mienˇ jinˊ eˋ（〜neˋ） jiamˋlangˊ gunˋ suiˋ moˇ jiu sungˊ iongˊ suiˋ loiˇ qinˊ giedˋ， zai go goˇ xinˊ sangˊ koiˊ gie（〜ie）iog gauˊ， idˋ ngidˋ zii seuˋ liongˋ do。 |
| 【海陸】 chi＋ liau goˇ heu＋ teu samˋ ngid， lui sha＋ gaiˇ soˊ cai＋ cin＋ liong＋ mogˋ daˊ medˋ doˊ shuiˊ， zoˇ ded rhung＋ shib mienˇ paˇ loi cudˋ mienˇ， dag ngid rhung＋ siauˋ tugˋ goˇ gaiˇ mien zinˋ er（〜ner） vunˇ（搵）langˋ gunˊ shuiˊ mo ziu＋ sungˋ rhongˋ shuiˊ loi cinˋ gied，zaiˇgoˇ go sinˋ sangˋ koiˋ gaiˇ rhogˋ gauˋ， rhid ngid zhiˇ shauˊ liongˊ doˇ。 |
| 486.大約三天後就會開始乾燥結痂，此時可開始碰水，但請不要用手指撥弄或刮除痂皮。 |
| 大概仔三日過後就會乾燥結疕，這下起勢搣著水就無要緊吔，毋過毋好去掘（爪）佢還係去刮疕。 |
| 【四縣】 tai koiˋ eˇ（〜ieˇ）samˊ ngidˋ go heu jiu voi zauˊ ladˋ giedˋ piˋ， iaˋ ha hiˋ sii medˋ doˋ suiˋ qiu moˇ ieu ginˋ eˇ（〜neˇ）， mˇ go mˇ hoˋ（〜moˋ）hi kud（zauˋ）giˇ hanˇ he hi guadˋ piˋ。 |
| 【海陸】 ai＋ koiˊ samˋ ngid goˇ heu＋ ziu＋ voi＋ zauˋ lad gied piˊ， liaˊ ha＋ hiˋ shiˇ med doˊ shuiˊ ciu＋ mo rhauˇ ginˊ leˇ， m goˇ m hoˊ hiˇ zauˊ（爪、kudˋ）gi han heˇ hiˇ guad piˊ。 |
| 487.痂皮大概會在5~10天脫落，這時皮膚會呈現深紅色，如傷口未癒合則應持續塗抹藥膏以免發生感染，此外，這段期間要避免化妝。 |
| 結个疕大概仔5到10日會忒，這時節皮膚看起來係深紅色，係講傷口還吂密口，就愛繼續膏藥膏正較毋會發禍，另外，這期間盡量莫化妝較好。 |
| 【四縣】 giedˋ gie（〜le）piˋ tai koiˋ eˇ（〜ieˇ）ngˋ do siib ngidˋ voi ludˋtedˋ，iaˋ siiˇ jiedˋ piˇ fuˊ kon hiˋ loiˇ he ciimˊ fungˇ sedˋ， he gongˋ songˊ heuˋ hanˇ mangˇ miˊ heuˋ， qiu oi gi xiug goˇ iog gauˊ zang ka mˇ voi（〜moi）fadˋ fo， nang ngoi，iaˋ kiˇ gienˊ qin liong mog fa zongˊ ka hoˋ。 |
| 【海陸】 gied gaiˇ piˊ tai＋ koiˊ ngˊ doˇ shibˋ ngid voi＋ lud ted， liaˊ shi zied pi fuˋ konˇ hiˊ loi heˇ chimˋ fung sed， heˇ gongˊ shongˋ heuˊ han mang miˋ heuˊ， ciu＋ oiˇ giˇ siugˋ go rhogˋ gauˋ zhangˇ haˇ m voi＋ fad fung（發紅），nangˇ ngoi＋，liaˊ ki gienˋ cin＋ liong＋ mogˋ faˇ zongˋ haˇhoˊ。 |
| 488.還有，應避免陽光照射並使用防曬乳液，出門要戴帽子或撐陽傘防護持續至少三個月。 |
| 還過，盡量莫去晒日頭，同時愛膏防晒乳液，出去愛戴帽仔無就擎遮仔，恁仔做至少愛做三隻（個）月。 |
| 【四縣】 hanˇ go，qin liong mog hi sai ngidˋ teuˇ， tungˇ siiˇ oi goˇ fongˇ sai nen id， cudˋ hi oi dai mo eˋ moˇ qiu kiaˇ zaˊ eˋ， anˋ eˇ（〜neˇ）zo zii seuˋ oi zo samˊ zagˋ（gie（〜me））ngied。 |
| 【海陸】 han goˇ，cin＋ liong＋ mogˋ hiˇ sai ngid teu， tung shi oiˇ go fong saiˇ nenˇ rhidˋ， chud hiˇ oiˇ daiˇ mo＋ er mo ziu＋ kia zhaˋ er， anˊ ngiong（恁樣）zoˇ zhiˇ shauˊ oiˇ zoˇ samˋ zhag（gaiˇ）ngied。 |
| 489.如果會痛的話，可以口服止痛劑（如普拿疼）。 |
| 係講會痛，就食兜仔止痛劑（像普拿疼）。 |
| 【四縣】 he gongˋ voi tung，jiu siid deuˊ eˋ ziiˋ tung ji（qiong puˊ naˊtenˇ）。 |
| 【海陸】 heˇ gongˊ voi＋ tung＋，ziu＋ shidˋ deuˋ er zhiˊ tung＋ ziˇ（ciongˇpuˋ naˋ ten）。 |
| 490.另外，治療後之灼熱感及腫脹會持續一天左右，可以紗布沾冷開水濕敷，或以毛巾包裹冰塊冰敷。 |
| 另外，治療過後大概仔一日邊仔會試着喊燒喊燒腫腫脹脹，做得用紗布搵冷滾水來搭等，無就用面帕包冰矻來搭。 |
| 【四縣】 nang ngoi，cii liauˇ go heu tai koiˋ eˇ（〜ieˇ）idˋ ngidˋ bienˊ eˋ（〜neˋ）voi cii doˋ hemˊseuˊ hemˊ seuˊ zungˋ zungˋ zong zong， zo dedˋ iung saˊ bu vun langˊ gunˋ suiˋ loiˇ dab denˋ， moˇ qiu iung mien pa bauˊ benˊ kud loiˇ dab。 |
| 【海陸】 nangˇ ngoi＋，chi＋ liau goˇ heu＋ tai＋ koiˊ rhid ngid bienˋ er（〜ner）voi＋ chiˇ doˊ hemˋ shauˋ hemˋ shauˋ zhungˊ zhungˊ zhongˇ zhongˇ， zoˇ ded rhung＋ saˋ buˇ vunˇ langˋ gunˊ shuiˊ loi dabˋ denˊ， mo ziu＋ rhung＋ mienˇ paˇ bauˋ benˋ kudˋ loi dabˋ。 |
【狀況四】Situation 4
【cong kongˋ xi】 /【cong＋ kongˊ siˇ】
【四縣】
【海陸】
| 491.我一直長青春痘，好討厭哦！該如何預防呢？ |
| ngaiˇ恁久緊發長黍仔，還得人惱哪！愛仰仔正防得着呢（愛仰仔來預防呢）？ |
| 【四縣】 ngaiˇ anˋ giuˋ ginˋ bodˋ zongˋ suˇ eˇ，hanˇ dedˋ（〜denˋ）nginˇ nauˊ naˊ！oi ngiongˋ eˇ（〜ngeˇ）zang fongˇ dedˋ（〜ngeˇ）doˋ noˋ（oi ngiongˋ eˇ（〜ngeˇ）loiˇ i fongˇ noˋ）？ |
| 【海陸】 ngai anˊ giuˊ ginˊ bod zhongˇ chiu er（□□仔），han ded ngin nauˋoˊ！oiˇ ngiongˊ banˋ（仰般）zhangˇ fong ded doˊ noˇ（oiˇngiongˊ banˋ（仰般）loi rhiˇ fong noˇ）？ |
| 492.平常要有充足睡眠，這是最好的美容方法，養成規律的生活習慣，儘量減少熬夜，避免因情緒或壓力造成的失眠。 |
| 平常時目睡飽來就係盡好（最好、盡湛、一等好、一等湛…）个美容方法，愛養成規律个生活習慣，盡量莫噩夜，莫因為情緒還係壓力來反躁睡毋落覺。 |
| 【四縣】 pinˇ songˇ siiˇ mugˋ soi bauˋ loiˇ qiu he qin hoˋ（zui hoˋ、qin zam、idˋ denˋ hoˋ、idˋ denˋ zam…）gie（〜e） miˊ iungˇ fongˊ fabˋ，oi iongˊ siinˇ guiˊ lid gie（〜le）senˊ fad xib guan， qin liong mog ngog ia，mog inˊ vi qinˇ xi hanˇ he abˋ lid loiˇ fanˋ cau soi mˇ log gau。 |
| 【海陸】 pin shong shi mug shoi＋ bauˊ loi ziu＋（sii＋（斯））heˇ cin＋ hoˊ（zuiˇ hoˊ、cin＋ zamˇ、rhid denˊhoˊ、rhid denˊ zamˇ…）gaiˇ muiˋ rhung fongˋ fab， oiˇ rhongˋ shin guiˋ ludˋ gaiˇ senˋ fadˋ sibˋ guanˇ，cin＋ liong＋mogˋ ngogˋ rha＋（ngau rha＋（熬夜））， mogˋ rhinˋ vui＋ cin siˇ han heˇ ab lidˋ loi fanˊ cauˇ shoi＋ m logˋgauˇ。 |
| 493.保持開朗愉快的心情，減少情緒激動或心理壓力，均衡的飲食。 |
| 心肝愛放畀開、愛較暢樂兜仔，毋好通啊着就bid bid跳、bangˋ bangˋ飆（情緒毋好忒激動），盡量減少心理壓力，飲食愛均衡。 |
| 【四縣】 ximˊ gonˊ oi biong biˋ koiˊ、oi ka tiong log deuˊ eˋ，mˇ hoˋ（〜moˋ）tungˊ a doˋ jiu bid bid tiauˇ、bangˋ bangˋ beuˊ（qinˇ xi mˇhoˋ（〜moˋ）tedˋ gidˋ tung），qin liong gamˋ seuˋ ximˊ liˊ abˋlid，imˋ siid oi giunˊ fenˇ。 |
| 【海陸】 simˋ gonˋ oiˇ biongˇ bunˋ gi（分佢）koiˋ、oiˇ haˇ tiongˇ logˋdeuˋ er，m hoˊ tungˋ a＋ doˊ ziuˊ bidˋ bidˋ tiau、bangˊ bangˊbiauˋ（cin siˇ m hoˊ ted gid tung＋），cin＋ liong＋ gamˊ shauˊ simˋliˋ ab lidˋ，rhimˊ shidˋ oiˇ giunˋ fen。 |
| 494.如果青春痘比較嚴重的話，則要選擇適宜的化粧、保養、清潔用品，洗臉次數大致上以早晚各一次為宜。 |
| 係講發長黍仔發到異厲害（嚴重），該就還較愛擇合得着體質个化妝、保養、清潔用品，朝晨暗晡至少愛各洗一到面。 |
| 【四縣】 he gongˋ bodˋ zongˋ suˇ eˇ bodˋ do i li hoi（ngiamˇ cung）， gie jiu hanˇ ka oi tog gagˋ dedˋ（〜eˇ）doˋ tiˋ ziidˋ gie（〜le） fa zongˊ、boˋ iongˊ、qinˊ giedˋ iung pinˋ， zeuˊ siinˇ（〜sunˇ）am buˊ zii seuˋ oi gogˋ seˋ idˋ do mien。 |
| 【海陸】 heˇ gongˊ bod zhongˇ chiu er（□□仔）bod doˇ rhiˋ li＋ hoi＋（ngiam chung＋），gai ziu＋ han haˇ oiˇ togˋ gag ded doˊ tiˊ zhid gaiˇ faˇzongˋ、boˊ rhongˋ、cinˋ gied rhung＋ pinˊ， zhauˋ shin amˇ buˋ zhiˇ shauˊ oiˇ gog seˊ rhid doˇ mienˇ。 |
【狀況五 Situation 5】
【cong kongˋ ngˋ】/【cong＋ kongˊ ngˊ】
【四縣】
【海陸】
| 495.為何我的香港腳一到夏天就復發？有沒有什麼預防的方法？ |
| 仰會吾香港腳一到吔熱天就會走起來？有麼个方法好預防呢（愛仰仔來防呢）？ |
| 【四縣】 ngiongˋ voi ngaˊ hiongˊ gongˋ giogˋ idˋ do eˇ ngied tienˊ jiu voi zeuˋ hiˋ loiˇ？ iuˊ maˋ ga fongˊ fabˋ hoˋ i fongˇ noˋ（oi ngiongˋ eˇ（〜ngeˇ）loiˇ fongˇ noˋ）？ |
| 【海陸】 ngiongˊ voi＋ ngai gaiˇ（ngaiˇ个）hiongˋ gongˊ giog rhid doˇ ngiedˋ tienˋ ziu＋ voi＋ zeuˊ hiˊ loi？ rhiuˋ maˊ gaiˇ fongˋ fab hoˊ rhiˇ fong noˇ（oiˇ ngiongˊ banˋ（仰般）loi fong noˇ）？ |
| 496.黴菌最喜歡待在高溫潮濕的地方，而現代人一天到晚都穿著鞋子，由於鞋子不透氣加上夏天腳流汗，在這濕熱的環境裏黴菌就很容易生長，所以到了夏天很多人的香港腳就會復發；可是一到了冬天氣候寒冷，腳部不流汗而變得較為乾燥時，香港腳似乎又不藥而癒了。 |
| 黴菌最好在高溫、濕氣个所在，今个人一日到暗都著鞋、著襪（都鞋襪著等吔）毋通風，還過熱天腳較會出汗，黴菌就盡好這種又濕又翕燒个環境，故所一到吔熱天香港腳就會走起來。等到吔寒天較寒，腳較毋會出汗就較燥，又會恅着香港腳異像毋使麼个藥仔就好吔。 |
| 【四縣】 moiˇ kiunˇ zui hau toˊ goˊ vunˊ、siibˋ hi gie（〜ie）soˋ cai， ginˊ gie（〜ne）nginˇ idˋ ngidˋ do am du zogˋ haiˇ、zogˋmadˋ（du haiˇ madˋ zogˋ denˋ eˇ（〜neˇ））mˇ tungˊ fungˊ， hanˇ go ngied tienˊ giogˋ ka voi cudˋ hon， moiˇ kiunˇ jiu qin hau iaˋ zungˋ iu siibˋ iu hibˋ seuˊ gie（〜e） fanˇgin，gu soˋ idˋ do eˇ ngied tienˊ hiongˊ gongˋ giogˋ jiu voi zeuˋ hiˋloiˇ。denˋ do eˇ honˇ tienˊ ka honˇ， giogˋ ka mˇ voi（〜moi）cudˋ hon jiu ka zauˊ， iu voi lauˋ doˋ hiongˊ gongˋ giogˋ i qiong mˇ siiˋ maˋ ga iog eˋ jiu hoˋ eˇ。 |
| 【海陸】 moi kiun zuiˇ hauˇ diˇ goˋ vunˋ、shib hiˇ gaiˇ soˋ cai＋， ginˋ gaiˇ ngin rhid ngid doˇ amˇ du＋ zhog hai、zhog mad er（du＋ hai mad zhog denˊ eˇ（〜neˇ））m tungˋ fungˋ， han goˇ ngiedˋ tienˋ giog haˇ voi＋ chud hon＋，moi kiun ziu＋ cin＋ hauˇliaˊ zhungˊ rhiu＋ shib rhiu＋ hib shauˋ gaiˇ fan（kuan）ginˇ， soˊ rhiˋ（所以）rhid doˇ leˇ ngiedˋ tienˋ hiongˋ gongˊ giogziu＋ voi＋zeuˊ hiˊ loi。denˊ doˇ langˋ tienˋ（冷天）haˇ langˋ（冷）， giog haˇ m voi＋ chud hon＋ ziu＋ haˇ zauˋ， rhiu＋ voi＋ vaˇ doˊ（話着）hiongˋ gongˊ giog rhiˋ ciongˇ m siiˊ maˊgaiˇ rhogˋ er ziu＋ hoˊ leˇ。 |
| 497.預防方法最重要的就是要注意足部衛生，保持腳部的乾燥才能防止黴菌的滋生。因此洗完澡或流汗後，要趕快把腳及趾縫擦乾，夏天儘量穿通風的鞋子或涼鞋，不要穿不透氣的鞋。 |
| 最重要个預防方法就係愛注意腳部衛生，腳愛畀燥正毋會生黴菌。故所身腳洗好無就出汗過後，愛遽啊同腳還過腳趾罅都捽燥來。熱天盡量著涼鞋同材質較會過風个鞋，毋好著材質毋過風个鞋。 |
| 【四縣】 zui cung ieu gie（〜e）i fongˇ fongˊ fabˋ jiu he oi zu i giogˋ pu vi senˊ，giogˋ oi biˋ zauˊ zang mˇ voi（〜moi）sangˊ moiˇ kiunˇ。 gu soˋ siinˊ giogˋ seˋ hoˋ moˇ jiu cudˋ hon go heu， oi giagˋ aˋ tungˇ giogˋ hanˇ go giogˋ ziiˋ la du cud zauˊ loiˇ。 ngied tienˊ qin liong zogˋ liongˇ haiˇ tungˇ coiˇ ziidˋ ka voi go fungˊgie（〜nge）haiˇ， mˇ hoˋ（〜moˋ）zogˋ coiˇ ziidˋ mˇ go fungˊ gie（〜nge）haiˇ。 |
| 【海陸】 zuiˇ chung＋ rhauˇ gaiˇ rhiˇ fong fongˋ fab ziu＋ heˇ oiˇ zhuˇ rhiˇgiog pu＋ vui＋ senˋ，giog oiˇ bunˋ gi（分佢）zauˋ zhangˇ m voi＋sangˋ moi kiun。soˊ rhiˋ（所以）shinˋ giog seˊ hoˊ mo ziu＋ chud hon＋ goˇ heu＋，oiˇ giag a＋ lauˋ（摎）giog han goˇ giog zhiˊ la＋ du＋cudˋ zauˋ loi。ngiedˋ tienˋ cin＋ liong＋ zhog liong hai lauˋ（摎）coi zhid haˇ voi＋ goˇ fungˋ gaiˇ hai，m hoˊ zhog coi zhid m goˇ fungˋgaiˇ hai。 |
| 498.另外，襪子要穿能吸汗的棉織品，不要穿尼龍襪或絲襪。襪子要天天換，鞋子要準備兩雙輪流穿，讓另一雙有足夠的時間乾燥後再穿。不要赤腳在公共浴室或地板行走，以免把香港腳傳給他人或減低自己罹患香港腳的機會。 |
| 另外，愛著棉質个襪仔正較會縮汗，毋好著尼龍襪還係絲襪，還過愛日日換。鞋愛準備兩雙調等（輪等）來著，乜就係愛有足足个時間好摎另外一雙放畀燥吔正來著。在公共浴堂還係地板項毋好打赤腳，正毋會摎香港腳遰分別人，自家乜較毋會遰委着。 |
| 【四縣】 nang ngoi，oi zogˋ mienˇ ziidˋ gie（〜le）madˋ eˇ （〜leˇ） zang ka voi sogˋ hon， mˇ hoˋ（〜moˋ）zogˋ naiˊ longˋ madˋ hanˇ he siiˊ madˋ， hanˇ go oi ngidˋ ngidˋ von。 haiˇ oi zunˋ pi liongˋ sungˊ tiau denˋ（linˇ（lunˇ）denˋ）loiˇzogˋ， me qiu he oi iuˊ jiugˋ jiugˋ gie（〜e）siiˇ gienˊ hoˋ lauˊ nang ngoi idˋ sungˊ biong biˋ zauˊ eˇ zang loiˇ zogˋ。 toˊ gungˊ kiung iog tongˇ hanˇ he ti banˋ hong mˇ hoˋ（〜moˋ）daˋ cagˋ giogˋ，zang mˇ voi（〜moi）lauˊ hiongˊ gongˋ giogˋ ce bunˊ ped nginˇ， qidˋ gaˊ me（ia）ka mˇ voi（〜moi）ce ve doˋ。 |
| 【海陸】 nangˇ ngoi＋，oiˇ zhog mien zhid gaiˇ mad er zhangˇ haˇ voi＋ sog hon＋， m hoˊ zhog naiˊ longˋ mad han heˇ siˋ mad， han goˇ oiˇ ngid ngid von＋。hai oiˇ zhunˊ pi＋ liongˊ sungˋ lun denˊ（lin denˊ、tiau＋ denˊ）loi zhog， meˇ ciu＋ heˇ oiˇ rhiuˋ ziug ziug gaiˇ shi gienˋ hoˊ lauˋ nangˇ ngoi＋ rhid sungˋ biongˇ bunˋ gi（分佢）zauˋ leˇ zhangˇ loi zhog。 diˇ gungˋ kiung＋ rhogˋ tong han heˇ ti＋ banˊ hong＋ m hoˊ daˊ chag giog，zhangˇ m voi＋ lauˋ hiongˋ gongˊ giog ceˇ bunˋ pedˋ ngin，cid gaˊ rha＋（meˇ）haˇ m voi＋ ceˇ veˇ doˊ。 |
| 499.還有，開給你治療香港腳的藥，一定要按時擦，不可以以為快好了就不擦，這樣是無法治療成功的，而且還會產生抗藥性呢！ |
| 還有，開分你膏香港腳个藥仔，定著愛照時間來膏，毋好恅着會好吔就無愛膏，恁仔就還較難醫好，還合會產生抗藥性喔！ |
| 【四縣】 hanˇ iuˊ，koiˊ bunˊ ngˇ goˇ hiongˊ gongˋ giogˋ gie（〜e）iog eˋ， tin cog oi zeu siiˇ gienˊ loiˇ goˇ， mˇ hoˋ（〜moˋ）lauˋ doˋ voi hoˋ eˇ jiu moˇ oi（〜moiˊ）goˇ， anˋ eˇ（〜neˇ）jiu hanˇ ka nanˇ iˊ hoˋ， hanˇ gagˋ voi sanˋ senˊ kong iog xin oˊ（〜noˊ）！ |
| 【海陸】 han rhiuˋ，koiˋ bunˋ ngi go hiongˋ gongˊ giog gaiˇ rhogˋ er， tin＋ chogˋ oiˇ zhauˇ shi gienˋ loi go，m hoˊ vaˇ doˊ（話着）voi＋hoˊ leˇ ziu＋ mo oiˇ go，anˊ ngiong（恁樣）ziu＋ han haˇ nan rhiˋhoˊ， han goˇ（還過）voi＋ sanˊ senˋ kongˇ rhogˋ sinˇ oˊ（〜noˊ）！ |