醫學教育部

醫護客語 / 5.藥局對話

5-1 藥局對話一

【四縣】

【海陸】

154. 午安。我可以看一下您的處方簽嗎？

你好。看一下仔若處方簽（藥單仔）好無（若處方簽（藥單仔）看一下仔好無）？

【四縣】 ngˇ hoˋ。ngaiˇ kon idˋ ha eˋ ngiaˊ cuˋ fongˊ qiamˊ（iog danˊ eˋ（〜neˋ））hoˋ moˇ （ngiaˊ cuˋ fongˊ qiamˊ（iog danˊeˋ（〜neˋ）） ngaiˇ kon idˋ ha eˋ hoˋ moˇ）？

【海陸】 ngi hoˊ。ngai konˇ rhid ha＋ er ngi gaiˇ（你个）chuˊ fongˋ ciamˋ（rhogˋ danˋ）hoˊ mo （ngi gaiˇ（你个）chuˊ fongˋ ciamˋ（rhogˋ danˋ） ngai konˇ rhid ha＋ er hoˊ mo）？

155. 在這裡。

好啊，這就係（在這）。

【四縣】 hoˋ a，iaˋ qiu he（di iaˋ）。

【海陸】 hoˊ a＋，liaˊ sii＋（斯）heˇ（diˇ liaˊ）。

156. 你的藥配好了，這是您的藥。

若藥仔配好（合好、拈好）lio，這係若藥仔。

【四縣】 ngiaˊ iog eˋ pi hoˋ（gabˋ hoˋ、ngiamˊ hoˋ）lio， iaˋ he ngiaˊ iog eˋ。

【海陸】 ngi gaiˇ（你个）rhogˋ er poiˇ hoˊ（gab hoˊ、ngiamˋ hoˊ）leˇ， liaˊ heˇ ngi gaiˇ（你个）rhogˋ er。

157. 讓我解釋一下服藥方式。

敗勢唷！來同你講一下仔（解釋一下仔），這藥仔愛仰仔食（愛仰仔食這藥仔）？

【四縣】 paiˇ se ioˊ！ ngaiˇ loiˇ tungˇ ngˇ gongˋ idˋ ha eˋ（gieˋ siidˋ idˋ ha eˋ）， iaˋ iog eˋoi ngiongˋ eˇ（〜ngeˇ）siid （oi ngiongˋ eˇ（〜ngeˇ）siid iaˋ iog eˋ）？

【海陸】 pai＋ sheˇ ioˊ！ ngai loi lauˋ（摎）ngi gongˊ rhid ha＋（gaiˊ shid rhid ha＋）， liaˊ rhogˋ er oiˇ ngiongˊ banˋ（仰般）shidˋ （oiˇ ngiongˊ banˋ（仰般）shidˋ liaˊ rhogˋ er）？

158. 好的。

好啊，恁仔細。

【四縣】 hoˋ a ，anˋ ziiˋ se。

【海陸】 hoˊ a＋，shin mung ngi（承蒙你）。

159. 你得在每餐飯後服用。一天吃三次一次一粒。止痛藥請在你需要時服用。

三餐食飽飯食，一日食三擺（到、次），一擺一粒。止痛藥係毋使食就莫食（止痛藥係毋會盡痛就莫食、痛到十分耐毋何吔正來食止痛藥、止痛藥痛到正經無結煞吔正食）。

【四縣】 samˊ conˊ siid bauˋ fan siid， idˋ ngidˋ siid samˊ baiˋ（do、cii），idˋ baiˋ idˋ liab。 ziiˋ tung iog he mˇ siiˋ siid qiu mog siid （ziiˋ tung iog he mˇ voi（〜moi）qin tung qiu mog siid、 tung do siib funˊ nai mˇ hoˇ eˇ zang loiˇ siid ziiˋ tung iog、 ziiˋ tung iog tung do ziin ginˊ moˇ gadˋ sadˋ eˇ（〜leˇ）zang siid）。

【海陸】 samˋ conˋ shidˋ bauˊ pon＋ shidˋ， rhid ngid shidˋ samˋ baiˊ（doˇ、cii＋），rhid baiˊ rhid liabˋ。 zhiˊ tung＋ rhogˋ heˇ m siiˊ shidˋ ciu＋ mogˋ shidˋ （zhiˊ tung＋ rhogˋ heˇ m voi＋ cin＋ tung＋ ciu＋ mogˋ shidˋ、 tung＋ doˇ shibˋ funˋ nai＋ m ho leˇ zhangˇ loi shidˋ zhiˊ tung＋ rhogˋ、 zhiˊ tung＋ rhogˋ tung＋ doˇ zhinˇ ginˋ mo gad sad leˇ zhangˇ shidˋ）。

160. 多謝。

恁仔細。

【四縣】 anˋ ziiˋ se。

【海陸】 shin mung ngi（承蒙你）。

 

5-2 藥局對話二

【四縣】

【海陸】

161. 請問你上姓大名（安到麼个名）？

請問你上姓大名（安到麼个名）？

【四縣】 qiangˋ mun ngˇ song xiang tai miangˇ（onˊ do maˋ ga miangˇ）？

【海陸】 ciangˊ munˇ ngi shong＋ siangˇ tai＋ miang （onˋ doˋ maˊ gaiˇ miang）？

162. 請您先到批價櫃檯繳費。

請你先去批價櫃檯繳錢（納錢）。

【四縣】 qiangˋ ngˇ xienˊ hi piˊ ga kui toiˇ gieuˋ qienˇ（nab qienˇ）。

【海陸】 ciangˊ ngi senˋ hiˇ piˋ gaˇ kui＋ toi giauˊ cien（nabˋ cien）。

163. 您的藥價批錯了，請回批價櫃檯（診間）重新批價。

若藥錢算差吔（算毋着吔），請你倒轉去批價櫃檯（門診間）重新批價（算過）。

【四縣】 ngiaˊ iog qienˇ son caˊ eˇ（son mˇ cog eˇ）， qiangˋ ngˇ do zonˋ hi piˊ ga kui toiˇ（munˇ ziinˊ gienˊ） cungˇ（qiungˇ）xinˊ piˊ ga（son go）。

【海陸】 ngi gaiˇ（你个）rhogˋ cien sonˇ caˋ le（sonˇ m chogˋ le）， ciangˊ ngi doˇ zhonˊ hiˇ piˋ gaˇ kui＋ toi（mun zhinˊ gienˋ）chung（chiung）sinˋ piˋ gaˇ（sonˇ goˇ）。

164. 您的藥一天服用4次，三餐飯後及睡前服用，每次服用1粒。

若藥仔一日食四擺（到、次），三餐食飽飯還過愛睡目前食，一擺（到、次）食一粒。

【四縣】 ngiaˊ iog eˋ idˋ ngidˋ siid xi baiˋ（do、cii）， samˊ conˊ siid bauˋ fan hanˇ go oi soi mugˋ qienˇ siid， idˋ baiˋ（do、cii）siid idˋ liab。

【海陸】 ngi gaiˇ（你个）rhogˋ er rhid ngid shidˋ siˇ baiˊ（doˇ、cii＋）， samˋ conˋ shidˋ bauˊ pon＋ han goˇ oiˇ shoi＋ mug cien shidˋ， rhid baiˊ（doˇ、cii＋）shidˋ rhid liabˋ。

165. 這是外用藥，請勿吞服。

這係用膏个藥仔（外用藥），斯毋好拿來食喔（斯食毋得喔）。

【四縣】 iaˋ he iung goˇ gie（〜e）iog eˋ（ngoi iung iog）， siiˇ mˇ hoˋ（〜moˋ）naˊ loiˇ siid oˊ（〜loˊ） （siiˇ siid mˇ dedˋ oˊ（〜loˊ））。

【海陸】 liaˊ heˇ rhung＋ go gaiˇ rhogˋ er（ngoi＋ rhung＋ rhogˋ）， sii＋ m hoˊ naˋ loi shidˋ oˊ（〜loˊ） （sii＋ shidˋ m ded oˊ（〜loˊ））。

166. 您的領藥號碼還沒到，請到前面坐一下。

若領藥號碼還吂到（還吂到若領藥號碼），請到面前（頭前）坐加一下仔添。

【四縣】 ngiaˊ liangˊ iog ho maˊ hanˇ mangˇ do （hanˇ mangˇ do ngiaˊ liangˊ iog ho maˊ）， qiangˋ do mien qienˇ（teuˇ qienˇ）coˊ gaˊ idˋ ha eˋ tiamˊ。

【海陸】 ngi gaiˇ（你个）liangˋ rhogˋ ho＋ maˋ han mang doˇ （han mang doˇ ngi gaiˇ（你个）liangˋ rhogˋ ho＋ maˋ）， ciangˊ doˇ mienˇ cien（teu cien）coˋ gaˋ rhid ha＋ er。

167. 請您到單（雙）號櫃檯領藥。

請你到單（雙）號櫃檯領藥仔。

【四縣】 qiangˋ ngˇ do danˊ（sungˊ）ho kui toiˇ liangˊ iog eˋ。

【海陸】 ciangˊ ngi doˇ danˋ（sungˋ）ho＋ kui＋ toi liangˋ rhogˋ er。

168. 您的藥有更正，請您回診間一下。

若藥仔換過吔（有換過），請你倒轉去門診間一下仔。

【四縣】 ngiaˊ iog eˋ von go eˇ（iuˊ von go）， qiangˋ ngˇ do zonˋ hi munˇ ziinˊ gienˊ idˋ ha eˋ。

【海陸】 ngi gaiˇ（你个）rhogˋ er von＋ goˇ le（rhiuˋ von＋ goˇ）， ciangˊ ngi doˇ zhonˊ hiˇ mun zhinˊ gienˋ rhid ha＋。

169. 檢驗科在您的右手邊直走，再右轉，之後再左轉便到了。

檢驗科在若右手片（右手析）逕直行，先右斡，正左斡就到吔。

【四縣】 giamˋ ngiam koˊ toˊ ngiaˊ iu suˋ pienˋ（iu suˋ sagˋ） gin ciid hangˇ，xienˊ iu vadˋ，zang zoˋ vadˋ qiu do eˇ。

【海陸】 giamˊ ngiam＋ koˋ diˇ ngi gaiˇ（你个） rhiu＋ shiuˊ pienˊ（zhinˇ shiuˊ pienˊ、zhinˇ shiuˊ sag）ginˇ chidˋhang，senˋ rhiu＋ vad，zhangˇ zoˊ vad ciu＋ doˇ leˋ。

170. 請您先抽號碼單等候批價，批完價之後直接依照領藥號碼領藥。

請你先抽號碼單等批價，批好價直接去到藥局（藥房）照領藥號碼領藥仔。

【四縣】 qiangˋ ngˇ xienˊ cuˊ ho maˊ danˊ denˋ piˊ ga， piˊ hoˋ ga ciid jiabˋ hi do iog kiug（iog fongˇ） zeu liangˊ iog ho maˊ liangˊ iog eˋ。

【海陸】 ciangˊ ngi senˋ chiuˋ ho＋ maˋ danˋ denˊ piˋ gaˇ， piˋ hoˊ gaˇ chidˋ ziab hiˇ doˇ rhogˋ kiugˋ（rhogˋ fong） zhauˇ liangˋ rhogˋ ho＋ maˋ liangˋ rhogˋ er。

171. 您的藥服用過後可能造成注意力無法集中，請不要從事開車或操作危險性機器的工作。

提醒你喔（同你講喔），你食吔這藥仔，可能注意力會無辦法集中（可能會無精神、想愛睡目），請莫（毋好）駛車仔、也莫（毋好）操作有危險性个機器。

【四縣】 tiˇ xiangˋ ngˇ o（〜ngo/no）（tungˇ ngˇ gongˋ o（〜ngo/no）），ngˇsiid eˇ（〜leˇ）iaˋ iog eˋ， koˋ nenˇ zu i lid voi moˇ pan fabˋ xib zungˊ （koˋ nenˇ voi moˇ jinˊ siinˇ、xiongˋ oi soi mugˋ）， qiangˋ mog（mˇ hoˋ（〜moˋ））siiˋ caˊ eˋ、 ia mog（mˇ hoˋ（〜moˋ））cauˊ zogˋ iuˊ nguiˇ hiamˋ xin gie（〜ne）giˊ hi。

【海陸】 ti siangˊ ngi o（〜ioˊ）（lauˋ（摎）ngi gongˊ o）， ngi shidˋ leˇ liaˊ rhogˋ er， koˊ nen zhuˇ rhiˇ lidˋ voi＋ mo pan＋ fab sibˋ zhungˋ （koˊ nen voi＋ mo zinˋ shin、siongˊ oiˇ shoi＋ mug）， ciangˊ mogˋ（m hoˊ）siiˊ chaˋ er、 rha＋ mogˋ（m hoˊ）cauˋ zog rhiuˋ ngui＋（〜mui＋）hiamˊ sinˇ gaiˇ giˋ hiˇ。

172. 服用藥後，請您多喝開水。

食吔藥仔，請你愛啉（食）加兜仔滾水（茶）。

【四縣】 siid eˇ（〜leˇ）iog eˋ， qiangˋ ngˇ oi limˊ（siid）gaˊ deuˊ eˋ gunˋ suiˋ（caˇ）。

【海陸】 shidˋ leˇ rhogˋ er， ciangˊ ngi oiˇ limˋ（shidˋ）gaˋ deuˋ er gunˊ shuiˊ（ca）。

173. 這兩種藥請間隔2小時服用。

這兩種藥仔毋好共下食，愛間（隔）兩點鐘正好食喔。

【四縣】 iaˋ liongˋ zungˋ iog eˋ mˇ hoˋ（〜moˋ）kiung ha siid， oi gam（gagˋ）liongˋ diamˋ zungˊ zang hoˋ siid oˊ（〜loˊ）。

【海陸】 liaˊ liongˊ zhungˊ rhogˋ er m hoˊ kiung＋ ha＋ shidˋ， oiˇ gamˇ（gag）liongˊ diamˊ zhungˋ zhangˇ hoˊ shidˋ oˊ（〜loˊ）。

174. 您的藥物請放置於冰箱保存，一星期過後請丟棄。

這藥仔愛放到冰箱項，一禮拜過後就愛攉忒（就無愛吔）。

【四縣】 iaˋ iog eˋ oi biong do benˊ xiongˊ hong， idˋ liˊ bai go heu qiu oi vogˋ tedˋ （qiu moˇ oi（〜moiˊ）eˇ（〜ieˇ））。

【海陸】 liaˊ rhogˋ er oiˇ biongˇ doˇ benˋ siongˋ hong＋， rhid liˋ baiˇ goˇ heu＋ ciu＋ oiˇ vog ted（ciu＋ mo oiˇ le）。

175. 這兩種眼藥水請間隔5分鐘使用。

這兩種目藥水請間（隔）五分鐘正點。

【四縣】 iaˋ liongˋ zungˋ mugˋ iog suiˋ qiangˋ gam（gagˋ）ngˋ funˊ zungˊ zang diamˋ。

【海陸】 liaˊ liongˊ zhungˊ mug rhogˋ shuiˊ ciangˊ gamˇ（gag）ngˊ funˋ zhungˋ zhangˇ diamˊ。

176. 請注意，您要每次服用半顆。

愛注意喔，一到食半粒。

【四縣】 oi zu i oˊ（〜ioˊ），idˋ do siid ban liab。

【海陸】 oiˇ zhuˇ rhiˇ oˊ（〜ioˊ），rhid doˇ shidˋ banˇ liabˋ。

177. 您的藥服用後尿液會呈現棕色，這是正常現象，請放心。

你食吔這藥仔，屙个尿會較赤像釅茶色樣仔，這係正常現象，請安心（請毋使愁）。

【四縣】 ngˇ siid eˇ（〜leˇ）iaˋ iog eˋ， oˊ gie（〜e）ngiau voi ka cagˋ qiong ngiamˇ caˇ sedˋ iong eˋ（〜ngeˋ）， iaˋ he ziin songˇ hien xiong， qiangˋ onˊ ximˊ（qiangˋ mˇ siiˋ seuˇ）。

【海陸】 ngi shidˋ leˇ liaˊ rhogˋ er， oˋ gaiˇ ngiau＋ voi＋ haˇ chag ciongˇ ngiam ca sed rhong＋ er， liaˊ heˇ zhinˇ shong hien＋ siong＋， ciangˊ onˋ simˋ（ciangˊ m siiˊ seu）。