醫學教育部

醫護客語 / 8.急診常用對話

急診常用對話

【四縣】

【海陸】

208.請問您哪裡不舒服呢?

請問你哪毋自然（哪毋暢快）呢？

【四縣】 qiangˋ mun ngˇ nai mˇ cii ienˇ（naiˋ mˇ congˋ kuai）noˋ？

【海陸】 ciangˊ munˇ ngi nai＋ m cii＋ rhan（nai＋ m chongˊ kuaiˇ）noˇ？

209.請這邊坐，我先幫你量血壓、體溫，請問你對食物或藥物會不會過敏？

（稱呼）請這坐，先同你磅血壓、量體溫，請問你對食物無就（抑係）藥物會過敏無？

【四縣】 （）qiangˋ iaˋ coˊ， ngaiˇ xienˊ tungˇ ngˇ bongˇ hiedˋ abˋ、liongˇ tiˋ vunˊ， qiangˋ mun ngˇ dui siid vud moˇ qiu（ia he）iog vud voi go menˋ moˇ？

【海陸】 （）ciangˊ liaˊ coˋ， ngai senˋ lauˋ（摎）ngi bongˇ hied ab、bongˇ tiˊ vunˋ（磅體溫）， ciangˊ munˇ ngi duiˇ shidˋ vudˋ moˇ qiu（rha＋ he）rhogˋ vudˋ voi＋ goˇ menˊ mo？

210. 請問你有沒有高血壓、心臟病、糖尿病或開過刀。

請問你有高血壓、心臟病、糖尿病這兜無？抑係識開刀無？

【四縣】 qiangˋ mun ngˇ iuˊ goˊ hiedˋ abˋ、ximˊ cong piang、 tongˇ ngiau piang iaˋ deuˊ moˇ？ia he siidˋ koiˊ doˊ moˇ？

【海陸】 ciangˊ munˇ ngi rhiuˋ goˋ hied ab、simˋ cong＋ piang＋、 tong ngiau＋ piang＋ liaˊ deuˋ mo？ rha＋ heˇ shid koiˋ doˋ mo？

211. 你家的電話住址和連路人？請到批價櫃台掛號，同病人帶至診間。

請你留若屋下个電話、住址同連絡人个資料。請去批價櫃台掛號，同病人帶到門診間。

【四縣】 qiangˋ ngˇ liuˇ ngiaˊ vugˋ haˊ（〜kaˊ）gie（〜e）tien fa、 cu ziiˋ tungˇ lienˇ log nginˇ gie（〜ne）ziiˊ liau。 qiangˋ hi piˊ ga kui toiˇ gua ho， tungˇ piang nginˇ dai do munˇ ziinˊ gienˊ。

【海陸】 ciangˊ ngi liu ngi gaiˇ（你个）vug haˋ gaiˇ tien＋ faˇ、 chu＋ zhiˊ lauˋ（摎）lien logˋ ngin gaiˇ ziiˋ liau＋。 ciangˊ hiˇ piˋ gaˇ kui＋ toi guaˇ ho＋， lauˋ（摎）piang＋ ngin tu＋（渡）doˇ mun zhinˊ gienˋ。

212. 請問您是否曾經來過○○醫院？

請問你識來過○○醫院無？

【四縣】 qiangˋ mun ngˇ siidˋ loiˇ go meuˊ meuˊ iˊ ien moˇ？

【海陸】 ciangˊ munˇ ngi shid loi goˇ meuˋ meuˋ rhiˋ rhanˇ（piang＋ rhanˇ（病院））mo？

213. 請問您吃藥會過敏嗎？

請問你食藥仔會過敏無？

【四縣】 qiangˋ mun ngˇ siid iog eˋ voi go menˋ moˇ？

【海陸】 ciangˊ munˇ ngi shidˋ rhogˋ er voi＋ goˇ menˊ mo？

214. 您產生過敏的症狀有哪些？例如：全身紅疹、風疹塊、癢。

你過敏會有哪兜症頭（情形）？比將（比論、可比）像：歸身仔起紅粒仔、起冷mogˋ（起冷mugˋ）、還係會癢（hoiˇ）這兜。

【四縣】 ngˇ go menˋ voi iuˊ nai deuˊ ziin teuˇ（qinˇ hinˇ）？ biˋ jiongˊ（biˋ lun、koˋ biˋ）qiong： guiˊ siinˊ eˋ（〜neˋ）hiˋ fungˇ liab eˋ（〜beˋ）、 hiˋ langˊ mogˋ（hiˋ langˊ mugˋ）、 hanˇ he voi iongˊ iaˋ deuˊ。

【海陸】 ngi goˇ menˊ voi＋ rhiuˋ nai＋ deuˋ zhinˇ teu（cin hin）？ biˊ lun＋（biˊ ziongˋ、koˊ biˊ） ciongˇ： guiˋ shinˋ hiˊ fung liabˋ er、hiˊ langˋ mogˋ、 han heˇ voi＋ hoi（□、rhongˋ（癢））liaˊ deuˋ。

215. 請問您現在覺得有哪些不舒服的症狀？例如：咳嗽、發燒、腹痛。

請問你這下試着會仰仔？會嗽、會發燒還係會肚屎痛？

【四縣】 qiangˋ mun ngˇ iaˋ ha cii doˋ voi ngiongˋ eˇ（〜ngeˇ）？ voi cug、voi fadˋ seuˊ hanˇ he voi duˋ siiˋ tung？

【海陸】 ciangˊ munˇ ngi liaˊ ha＋ chiˇ doˊ voi＋ ngiongˊ banˋ（仰般）？ voi＋ cugˋ、voi＋ zog shauˋ（作燒）（fad shauˋ） han heˇ voi＋ duˊ shiˊ tung＋？

216. 這些症狀是從什麼時候開始的？

哪久開始（起勢）恁仔（恁樣）呢？

【四縣】 nai giuˋ koiˊ siiˋ（hiˋ sii）anˋ eˇ（〜neˇ）（anˋ ngiongˇ）noˋ？

【海陸】 nai＋ giuˊ koiˋ shiˊ（hiˊ shiˇ）anˊ ngiong（恁樣）noˇ？

217. 前有沒有什麼特殊疾病？例如：糖尿病、高血壓、氣喘。

頭擺識著着（擔着）麼个特別个病（病痛）無？比論（比將、可比）講像：糖尿病、高血壓還係發。

【四縣】 teuˇ baiˋ siidˋ cog doˋ（damˊ doˋ）maˋ ga tid pied gie（〜le）piang（piang tung）moˇ？ biˋ lun（biˋ jiongˊ、koˋ biˋ）gongˋ qiong：tongˇ ngiau piang、 goˊ hiedˋ abˋ hanˇ he bodˋ habˋ。

【海陸】 teu baiˊ shid chogˋ doˊ（damˋ doˊ）maˊ gaiˇ tidˋ piedˋ gaiˇ piang＋（piang＋ tung＋）mo？ biˊ lun＋（biˊ ziongˋ、koˊ biˊ）gongˊ ciongˇ：tong ngiau＋ piang＋、goˋ hied ab han heˇ bod hab。

218. 請您現在拿這些單子到櫃檯批價，再到藥局領藥。

請你這下拿這兜單仔去櫃檯批價，再過去藥局領藥仔。

【四縣】 qiangˋ ngˇ iaˋ ha naˊ iaˋ deuˊ danˊ eˋ（〜neˋ）hi kui toiˇ piˊga，zai go hi iog kiug liangˊ iog eˋ。

【海陸】 ciangˊ ngi liaˊ ha＋ naˋ liaˊ deuˋ danˋ er hiˇ kui＋ toi piˋ gaˇ， zaiˇ goˇ hiˇ rhogˋ kiugˋ liangˋ rhogˋ er。

219. 向前直走，右手邊就是藥局。

對這直直行往前，右手析就看得着藥局。

【四縣】 dui iaˋ ciid ciid hangˇ gongˊ qienˇ， iu suˋ sagˋ qiu kon dedˋ（〜neˋ）doˋ iog kiug。

【海陸】 duiˇ liaˊ chidˋ chidˋ hang gongˋ cien， zhinˇ shiuˊ sag（正手析）ciu＋（sii＋（斯））konˇ ded doˊ rhogˋ kiugˋ。

220. 直走、穿過粉紅色門的左手邊，就是急診檢驗室。

直直行，行過水紅色門个左手片（析），就看得着急診檢驗室。

【四縣】 ciid ciid hangˇ， hangˇ go suiˋ fungˇ sedˋ munˇ gie（〜ne）zoˋ suˋ pienˋ（sagˋ）， qiu kon dedˋ（〜neˋ）doˋ gibˋ ziinˊ giamˋ ngiam siidˋ。

【海陸】 chidˋ chidˋ hang， hang goˇ shuiˊ fung sed mun gaiˇ zoˋ shiuˊ pienˊ（sag）， ciu＋ konˇ ded doˊ gib zhinˊ giamˊ ngiam＋ shid。

221. 在您的右手邊，第二個門就是急診檢驗室。

在若右手析（右片），第二扇門就係急診檢驗室。

【四縣】 toˊ ngiaˊ iu suˋ sagˋ（iu pienˋ）， ti ngi san munˇ qiu he gibˋ ziinˊ giamˋ ngiam siidˋ。

【海陸】 diˇ ngi rhiu＋ shiuˊ sag（zhinˇ shiuˊ sag（正手析）、rhiu＋ pienˊ）， ti＋ ngi＋ shanˇ mun ciu＋ heˇ gib zhinˊ giamˊ ngiam＋ shid。

222. 我現在先幫您打針（止痛針、退燒針）。

這下先同你注射（注止痛射、注退燒射）。

【四縣】 ngaiˇ iaˋ ha xienˊ tungˇ ngˇ zu sa（zu ziiˋ tung sa、zu tui seuˊ sa）。

【海陸】 ngai liaˊ ha＋ senˋ lauˋ（摎）ngi zhuˇ sha＋（zhuˇ zhiˊ tung＋ sha＋、zhuˇ tuiˇ shauˋ sha＋）。

223. 您現在可以回家休息了。

你這下做得（好）轉去屋下吔（轉吔）。

【四縣】 ngˇ iaˋ ha zo dedˋ（hoˋ）zonˋ hi vugˋ haˊ（〜kaˊ）eˇ（zonˋ eˇ（〜neˇ））。

【海陸】 ngi liaˊ ha＋ zoˇ ded（hoˊ）zhonˊ hiˇ vug haˋ leˇ（zhonˊ leˇ）。

224. 如果您不舒服的症狀沒有改善，可以到門診繼續追蹤治療。

撿採（係講）你還係試着無較好（試着異像無較得），做得來門診繼續追蹤治療。

【四縣】 giamˋ caiˋ（he gongˋ）ngˇ hanˇ he cii doˋ moˇ ka hoˋ （cii doˋ i qiong moˇ ka dedˋ）， zo dedˋ loiˇ munˇ ziinˊ gi xiug zuiˊ jiungˊ cii liauˇ。

【海陸】 giamˊ caiˊ（heˇ gongˊ）ngi han heˇ chiˇ doˊ mo haˇ hoˊ （chiˇ doˊ rhiˇ ciongˇ mo haˇ ded）， zoˇ ded loi mun zhinˊ giˇ siugˋ duiˋ ziungˋ chi＋ liau。

225. 請到Ｘ光室照Ｘ光。

請到Ｘ光室照Ｘ光（照光線）。

【四縣】 qiangˋ do X gongˊ siidˋ zeu X gongˊ（zeu gongˊ xien）。

【海陸】 ciangˊ doˇ tien＋ gongˋ shid（電光室）zhauˇ tien＋ gongˋ（照電光）。

226. 請至檢驗室抽血。

請去檢驗室抽血。

【四縣】 qiangˋ hi giamˋ ngiam siidˋ cuˊ hiedˋ。

【海陸】 ciangˊ hiˇ giamˊ ngiam＋ shid chiuˋ hied。

227. 請問您最後一次月經是幾月幾號呢？

請問你盡尾一擺來洗（來月經）係哪久（係麼个月日）？

【四縣】 qiangˋ mun ngˇ qin miˊ idˋ baiˋ loiˇ seˋ（loiˇ ngied ginˊ） he nai giuˋ（he maˋ ga ngied ngidˋ）？

【海陸】ciangˊ munˇ ngi cin＋ muiˋ rhidˊ baiˊ loi seˊ（loi ngiedˋ ginˋ） heˇ nai＋ giuˊ（heˇ maˊ gaiˇ ngiedˋ ngid）？

228. 我現在要幫您打針，會有一點痛，要請您稍微忍耐一下。

這下愛同你注射，會有一息仔痛（略略仔會痛、多少仔會痛），請你愛忍一下仔喲（愛請你忍耐一下仔）。

【四縣】 ngaiˇ iaˋ ha oi tungˇ ngˇ zu sa， voi iuˊ idˋ xid eˋ（〜leˋ）tung （liog liog eˋ voi tung、doˊ seuˋ eˇ voi tung）， qiangˋ ngˇ oi ngiunˊ idˋ ha eˋ ioˊ （oi qiangˋ ngˇ ngiunˊ nai idˋ ha eˋ ）。

【海陸】ngai liaˊ ha＋ oiˇ lauˋ（摎）ngi zhuˇ sha＋， voi＋ rhiuˋ rhid sid er tung＋ （liogˋ liogˋ er voi＋ tung＋、doˋ shauˊ voi＋ tung＋）， ciangˊ ngi oiˇ ngiunˋ rhid ha＋ （oiˇ ciangˊ ngi ngiunˋ nai＋ rhid ha＋ er）。

229. 如果有任何不舒服的地方，麻煩您一定要告訴我。

係講（撿採）有哪毋暢快，麻煩你定著愛同講喔。

【四縣】 he gongˋ（giamˋ caiˋ）iuˊ naiˋ mˇ congˋ kuai， maˇ fanˇ ngˇ tin cog oi tungˇ ngaiˇ gongˋ o（〜ngo）。

【海陸】heˇ gongˊ（giamˊ caiˊ）rhiuˋ nai＋ m chongˊ kuaiˇ， ma fan ngi tin＋ chogˋ oiˇ lauˋ（摎）ngai gongˊ o。

230. 我現在要幫您上石膏，會有一點痛，要請您稍微忍耐一下。

這下愛同你打石膏落去，會有兜仔痛（略略仔會痛、多少仔會痛），愛請你忍一下仔喲。

【四縣】 iaˋ ha ngaiˇ oi tungˇ ngˇ daˋ sag gauˊ log hi， voi iuˊ deuˊ eˋ tung（liog liog eˋ voi tung、doˊ seuˋ eˇ voi tung），oi qiangˋ ngˇ ngiunˊ idˋ ha eˋ ioˊ。

【海陸】liaˊ ha＋ ngai oiˇ lauˋ（摎）ngi daˊ shagˋ gauˋ logˋ hiˇ， voi＋ rhiuˋ deuˋ er tung＋ （liogˋ liogˋ er voi＋ tung＋、doˋ shauˊ voi＋ tung＋）， oiˇ ciangˊ ngi ngiunˋ rhid ha＋。

231. 上石膏的地方會覺得有一點熱熱的。

打石膏个地方會試着略略仔燒hoˇ燒hoˇ。

【四縣】 daˋ sag gauˊ gie（〜e）ti fongˊ voi cii doˋ liog liog eˋ seuˊ hoˇ seuˊ hoˇ

【海陸】daˊ shagˋ gauˋ gaiˇ ti＋ fongˋ voi＋ chiˇ doˊ liogˋ liogˋ er shauˋ ho shauˋ ho。

232. 上完石膏後請休息30分鐘，等石膏定型。

打吔石膏（打石膏過後）愛記得尞三十分鐘，等石膏硬（定型）。

【四縣】 daˋ eˇ sag gauˊ（daˋ sag gauˊ go heu） oi gi dedˋ liau samˊ siib funˊ zungˊ， denˋ sag gauˊ ngang（tin hinˇ）。

【海陸】daˊ leˇ shagˋ gauˋ（daˊ shagˋ gauˋ goˇ heu＋） oiˇ giˇ ded liau＋ samˋ shibˋ funˋ zhungˋ， denˋ shagˋ gauˋ ngang＋（tin＋ hin）。

233. 請您從現在開始不要吃東西或喝水。

請你這下起勢（開始）毋好食東西、啉滾水。

【四縣】 qiangˋ ngˇ iaˋ ha hiˋ sii（koiˊ siiˋ） mˇ hoˋ（〜moˋ）siid dungˊ xiˊ、limˊ gunˋ suiˋ。

【海陸】ciangˊ ngi liaˊ ha＋ hiˊ shiˇ（koiˋ shiˊ）m hoˊ shidˋ dungˋ siˋ、 limˋ gunˊ shuiˊ。

234. 請留中段尿液做檢查。

請留中央該截个尿來檢查。

【四縣】 qiangˋ liuˇ dungˊ ongˊ gie jiedˋ gie（〜le）ngiau loiˇ giamˋ caˇ。

【海陸】ciangˊ liu dungˋ ongˋ gai zied gaiˇ ngiau＋ loi giamˊ ca。

235. 腸胃炎請盡量吃清淡、不油膩的飲食。

有胃腸炎个人請盡量食較清、較淡兜仔，毋好食忒油。

【四縣】 iuˊ vi congˇ iamˇ gie（〜me）nginˇ qiangˋ qin liong siid ka qinˊ、ka tamˊ deuˊ eˋ， mˇ hoˋ（〜moˋ）siid tedˋ iuˇ。

【海陸】rhiuˋ vui＋ chong rham＋ gaiˇ ngin ciangˊ cin＋ liong＋ shidˋ haˇ cinˋ、haˇ tamˋ deuˋ er， m hoˊ shidˋ ted rhiu。

236. 檢查報告大約需要等半個小時，請您先休息一下。

檢查報告大約仔（大概仔）愛等半點鐘，請你先坐一下仔。

【四縣】 giamˋ caˇ bo go tai iogˋ eˇ（tai koiˋ eˇ（〜ieˇ））oi denˋ ban diamˋ zungˊ， qiangˋ ngˇ xienˊ coˊ idˋ ha eˋ。

【海陸】giamˊ ca boˇ goˇ tai＋ rhog er（tai＋ koiˊ）oiˇ denˊ banˇ diamˊ zhungˋ， ciangˊ ngi senˋ coˋ rhid ha＋ er。

237. 打完肌肉注射後，請揉久一點。

注吔皮肉射，請挼較久兜仔（注皮肉射，愛挼較久兜仔）。

【四縣】 zu eˇ piˇ ngiugˋ sa，qiangˋ noˇ ka giuˋ deuˊ eˋ。 （zu piˇ ngiugˋ sa，oi noˇ ka giuˋ deuˊ eˋ。）

【海陸】zhuˇ leˇ pi ngiug sha＋，ciangˊ no haˇ giuˊ deuˋ er。 （zhuˇ pi ngiug sha＋，oiˇ no haˇ giuˊ deuˋ er）

238. 肌肉注射是打屁股還是手臂？

皮肉射係愛注屎胐抑係手髀？

【四縣】 piˇ ngiugˋ sa he oi zu sii vudˋ ia he suˋ biˋ？

【海陸】pi ngiug sha＋ heˇ oiˇ zhuˇ shi＋ vud rha＋ heˇ shiuˊ biˊ？

239. 近五年內是否有打過破傷風疫苗？

這五年內識注過破傷風預防射（疫苗）無？

【四縣】 iaˋ ngˋ ngienˇ nui siidˋ zu go po songˊ fungˊ i fongˇ sa（id meuˇ）moˇ？

【海陸】liaˊ ngˊ ngien nui＋ shid zhuˇ goˇ poˇ shongˋ fungˋ rhiˇ fong sha＋（rhidˋ miau）mo？

240. 這裡是急診觀察室，請先在這裡休息，有任何問題可以到護理站詢問護理人員。

這係急診觀察室，請先在這坐一下仔，有麼个問題做得去護理站問護理人員。

【四縣】 iaˋ he gibˋ ziinˊ gonˊ cadˋ siidˋ， qiangˋ xienˊ toˊ iaˋ coˊ idˋ ha eˋ， iuˊ maˋ ga mun tiˇ zo dedˋ hi fu liˊ zam mun fu liˊ nginˇ ienˇ。

【海陸】liaˊ heˇ gib zhinˊ gonˋ cad shid， ciangˊ senˋ diˇ liaˊ coˋ rhid ha＋ er， rhiuˋ maˊ gaiˇ munˇ ti zoˇ ded hiˇ fu＋ liˋ zhamˇ munˇ fu＋ liˋ ngin rhan。